- Home
- Cinema
- பிரபல அரசியல்வாதி வீட்டு மருமகளாகப் போகிறாரா மேகா ஆகாஷ்? - வேறுவழியின்றி உண்மையை போட்டுடைத்த நடிகையின் தாய்
பிரபல அரசியல்வாதி வீட்டு மருமகளாகப் போகிறாரா மேகா ஆகாஷ்? - வேறுவழியின்றி உண்மையை போட்டுடைத்த நடிகையின் தாய்
தமிழ், தெலுங்கில் வளர்ந்து வரும் இளம் நடிகையான மேகா ஆகாஷ், விரைவில் பிரபல அரசியல்வாதியின் மகனை திருமணம் செய்துகொள்ள உள்ளதாக தகவல் பரவி வந்தது.
தெலுங்கில் கடந்த 2017-ம் ஆண்டு ரிலீஸ் ஆன லை என்கிற தெலுங்கு திரைப்படம் மூலம் அறிமுகமானவர் மேகா ஆகாஷ். இதையடுத்து தமிழ் திரையுலகில் எண்ட்ரி கொடுத்த அவர், தமிழில் முதன்முதலில் நடித்த திரைப்படம் ரஜினியின் பேட்ட. இப்படத்தில் முக்கிய கதாபாத்திரத்தில் நடித்து அசத்திய மேகா ஆகாஷுக்கு தமிழ் சினிமாவில் அடுத்தடுத்து ஹீரோயினாக நடிக்கும் வாய்ப்புகள் கிடைத்தன.
அந்த வகையில் நடிகை மேகா ஆகாஷ், கோலிவுட்டில் ஹீரோயினாக அறிமுகமான திரைப்படம் வந்தா ராஜாவா தான் வருவேன். சுந்தர் சி இயக்கத்தில் கடந்த 2018-ம் ஆண்டு ரிலீஸ் ஆன இப்படத்தில் நடிகர் சிம்புவுக்கு ஜோடியாக நடித்திருந்தார் மேகா ஆகாஷ். இதையடுத்து அதர்வாவின் பூமரேங், தனுஷ் - கவுதம் மேனன் கூட்டணியில் உருவான எனை நோக்கி பாயும் தோட்டா, காளிதாஸ் ஜெயராம் ஜோடியாக ஒரு பக்க கதை போன்ற படங்களில் நடித்தார் மேகா ஆகாஷ்.
இதையும் படியுங்கள்... தெலுங்கில் ஒரு சூர்யா - ஜோதிகா! நிச்சயதார்த்த தேதியோடு வாரிசு நடிகர் உடனான காதலை அறிவித்த லாவண்யா திரிபாதி
தமிழில் இவர் நடித்த படங்கள் அடுத்தடுத்து தோல்வியை தழுவியதால், தெலுங்கு திரையுலகம் பக்கம் சென்ற மேகா ஆகாஷுக்கு, அங்கு அடுத்தடுத்து ஹிட் பட வாய்ப்புகள் கிடைத்தன. தெலுங்கில் தற்போது பிசியாக நடித்து வரும் மேகா ஆகாஷ், விரைவில் திருமணம் செய்துகொள்ள உள்ளதாக டோலிவுட் வட்டாரத்தில் செய்திகள் வெளியாகிய வண்ணம் இருந்தது. அதுவும் பிரபல அரசியல்வாதியின் மகனை தான் மேகா ஆகாஷ் கரம்பிடிக்க உள்ளதாகவும் கூறப்பட்டு வந்தது.
இந்நிலையில், இதுகுறித்து மேகா ஆகாஷின் தாயார் விளக்கம் அளித்துள்ளார். அதன்படி, மேகாவுக்கு கல்யாணம்னு யார் யாரோ டுவிட்டர்ல போடுறாங்க. அது உண்மையில்லை. அதுக்கும் எங்களுக்கும் சம்பந்தமே இல்லை. மேகாவுக்கு கல்யாணம் என்றால் நாங்களே முறைப்படி அறிவிப்போம். இது சம்பந்தமா நிறைய பேர் போன் பண்ணி கேக்குறாங்க. அவர் படம் ரிலீஸ் ஆகும் சமயத்தில் கூட இந்த அளவு போன் கால் வந்ததில்லை என அவர் கூறி வதந்திக்கு முற்றுப்புள்ளி வைத்துள்ளார்.
இதையும் படியுங்கள்... தளபதி 68 ஹீரோயின் இவரா! 23 வருஷத்துக்கு முன் லிப்கிஸ் அடித்த நடிகையோடு மீண்டும் ரொமான்ஸ் பண்ண தயாராகும் விஜய்?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.