சீமான் கட்சியில் மீரா மிதுன்... போட்டோவுடன் வெளியான அதிரடி அறிவிப்பு...!
இதையடுத்து மீரா மிதுன் பாஜகவில் இணைய உள்ளதாக செய்திகள் காட்டுத்தீ போல் பரவியது.
பப்ளிசிட்டிக்காக சோசியல் மீடியாவில் எதை வேண்டுமானாலும் பேசலாம், யார் மீது வேண்டுமானாலும் சேற்றை வாரி இறைக்கலாம் என்ற மனநிலை தற்போது அதிகரித்து வருகிறது. பிரபலங்களைப் பற்றி அவதூறாக பேசி புகழ் தேட பார்க்கும் நபர்களில் முக்கிய நபராக மாறியுள்ளார் மீரா மிதுன்.
மீரா மிதுனுக்கு சர்ச்சை தான் கைவந்த கலை ஆகிற்றே. அதனால் அதை கையில் எடுத்தார். ரஜினி, கமல், விஜய், சூர்யா என தமிழ் சினிமாவின் டாப் ஹீரோக்கள் மற்றும் ஹீரோயின்களை பற்றி வாய்க்கு வந்த படி மோசமாக பேசி வீடியோ வெளியிட்டார்.
நடிகைகளை பொறுத்தவரை குஷ்பு, நயன்தாரா என யாரையும் விட்டு வைக்காமல் சகட்டுமேனிக்கு விமர்சித்து, அவருடைய ரசிகர்களிடம் வாங்கி கட்டி வருகிறார்.
திடீரென அரசியல் மீது அதிக ஆர்வம் காட்டிய மீரா மிதுன், தமிழக பெண்களின் முன்னேற்றத்திற்காக அரசியலில் களமிறங்க உள்ளதாக தெரிவித்து வந்தார். கடந்த சில நாட்களுக்கு முன்பு தேசிய கட்சி ஒன்றில் இணைய உள்ளதாக அறிவித்திருந்தார்.
இதையடுத்து மீரா மிதுன் பாஜகவில் இணைய உள்ளதாக செய்திகள் காட்டுத்தீ போல் பரவியது. தேசிய தலைவர் முன்னிலையில் விரைவில் பாஜகவில் இணைகிறார் என்றெல்லாம் செய்திகள் வெளியாகின.
ஆனால் தற்போது சீமானுடன் இருக்கும் புகைப்படம் ஒன்றை ட்விட்டரில் வெளியிட்டுள்ள மீரா மிதுன், அவரால் மட்டுமே முடியும்...மிக தமிழ் உணர்வு உள்ளவர்... மிக விரைவில்... உங்களுடுன் தமிழ் சொந்தங்களே... என பதிவிட்டுள்ளார். இதனால் மீரா மிதுன் நாம் தமிழர் கட்சியில் விரைவில் இணைய உள்ளது உறுதியாகியுள்ளது.