என்னடா பண்ணி வச்சியிருக்கீங்க?... மாளவிகா மோகனனை மரண பங்கம் செய்த நெட்டிசன்கள்... வைரல் மீம்ஸ்...!

First Published Feb 4, 2021, 4:40 PM IST

நடிகை மாளவிகா மோகனன், 'மாஸ்டர்' படத்தில் விஜய்யிடம் கோவமாக பேசிய காட்சிகளில் அவரது முக ரியாக்ஷனை வைத்து, நெட்டிசன்கள் உருவாக்கிய மீம்ஸ் தற்போது செம்ம வைரலாக பார்க்கப்பட்டு வருகிறது.

நெட்டிசன்கள் மாளவிகா மோகனனை மரண பங்கம் செய்யும் அளவிற்கு, மீம்ஸ் போட்டு கலாய்த்தாலும் இவை அனைத்தையும் சிரித்தபடி ரசித்துள்ளார் மாளவிகா.

இந்த மீம்ஸுகளை கொஞ்சம் தாமதமாக பார்த்தது தான் வருத்தமாக உள்ளது என கூறியுள்ளார்.

இதுகுறித்து ட்விட்டர் பக்கத்தில், அவருக்கு பிடித்த மீம்ஸுகளை பதிவிட்டு இவர் கூறியுள்ளதாவது, என்னைப் பற்றிய மீம்ஸ் திருவிழாவை நான் சற்று தாமதமாகத்தான் பார்த்திருக்கிறேன். இது மிகவும் நகைச்சுவையாக இருக்கிறது மக்களே. என்னை நன்றாகச் சிரிக்க வைத்த, எனக்குப் பிடித்தமான சில மீம்ஸை நான் பகிர்கிறேன். அந்த டூத்பேஸ்ட் மீமைப் பார்த்து நான் விழுந்து விழுந்து சிரித்தேன். உங்களைப் பார்த்து உங்களால் சிரிக்க முடியாவிட்டால் வாழ்க்கை மிகவும் போர் அடிக்கும் இல்லையா?" என தெரிவித்துள்ளார்.