Maddy மற்றும் Modi உடன் செல்பி எடுத்த பிரான்ஸ் அதிபர் இமானுவேல் மேக்ரான் - மாதவன் ஷேர் பண்ணிய மெர்சல் மொமண்ட்

பிரதமர் மோடி இரண்டு நாள் அரசுமுறை பயணமாக பிரான்ஸ் நாட்டுக்கு சென்றிருந்தார். அப்போது பிரான்ஸ் நாட்டின் தேசிய தின கொண்டாட்டத்திலும் பிரதமர் மோடி சிறப்பு விருந்தினராக கலந்துகொண்டார். அப்போது பிரதமர் மோடி பிரான்ஸ் நாட்டின் அதிபர் இமானுவேல் மேக்ரான், லுவ்ரே மியூசியத்தில் வைத்து விருந்தளித்தார். இந்த விருந்தில் பிரான்ஸ் மற்றும் இந்திய உணவுகள் பரிமாறப்பட்டன.

பிரான்ஸ் அதிபர் இமானுவேல் மேக்ரான் கொடுத்த இந்த விருந்தில் நடிகரும், இயக்குனருமான மாதவனும் கலந்துகொண்டார். அப்போது ஒரு அழகிய தருணமும் நிகழ்ந்தது. பிரான்ஸ் அதிபரும், இந்திய பிரதமர் மோடியும் உணவருந்தியபடியே உரையாடிக் கொண்டிருந்த போது, அங்கு சென்ற மாதவன், இருவருடனும் செல்பி எடுக்க வேண்டும் என தனது விருப்பத்தை தெரிவித்தார்.

இதையும் படியுங்கள்... விருந்தில் விதிமுறைகளை பிரதமர் மோடிக்காக தளர்த்திக் கொண்ட பிரான்ஸ்; விருந்தில் இதுவும் இடம் பெற்றது!!

இதற்கு உடனே ஓகே சொன்ன பிரான்ஸ் அதிபர் இமானுவேல் மேக்ரான், போனை வாங்கி தானே செல்பி  எடுத்தார். மோடி மற்றும் மாதவன் அவரது செல்பிக்கு போஸ் கொடுத்த அழகிய தருணம் அரங்கேறியது. இதனால் உற்சாகத்தில் திளைத்து போன மாதவன், இமானுவேல் மேக்ரான் எடுத்த செல்பி புகைப்படங்களை தன்னுடைய இன்ஸ்டாகிராம் பக்கத்தில் பதிவிட்டு தன் மகிழ்ச்சியை வெளிப்படுத்தி உள்ளார்.

பிரதமர் மோடி மற்றும் இமானுவேல் மேக்ரான் உடன் செல்பி எடுத்த இந்த தருணம் என்றென்றும் என் மனதில் இடம்பிடித்திருக்கும். இருவரின் பணிவும் நம்பமுடியாத பாடத்தை கற்றுத்தந்தது. பிரான்சும் இந்தியாவும் என்றென்றும் ஒன்றாக செழிக்கட்டும் என மாதவன் தன்னுடைய இன்ஸ்டாகிராம் பக்கத்தில் நெகிழ்ச்சி உடன் பதிவிட்டுள்ளார். மாதவன் பகிர்ந்த இந்த புகைப்படத்திற்கு லட்சக்கணக்கில் லைக்குகளும் குவிந்த வண்ணம் உள்ளன.

இதையும் படியுங்கள்... மூன்று புதிய ஸ்கார்பீன் நீர்மூழ்கி கப்பல்கள்! இந்தியா - பிரான்ஸ் இடையே புரிந்துணர்வு ஒப்பந்தம் கையெழுத்து