- Home
- Cinema
- தியேட்டரில் டபுள் மடங்கு லாபம் பார்த்த ‘மாமன்னன்’... இப்போ ஓடிடி-க்கு வந்தாச்சு! மொத்த வசூல் நிலவரம் இதோ
தியேட்டரில் டபுள் மடங்கு லாபம் பார்த்த ‘மாமன்னன்’... இப்போ ஓடிடி-க்கு வந்தாச்சு! மொத்த வசூல் நிலவரம் இதோ
மாரி செல்வராஜ் இயக்கத்தில் உதயநிதி ஸ்டாலின், வடிவேலு, கீர்த்தி சுரேஷ் நடித்த மாமன்னன் திரைப்படம் இன்று ஓடிடியில் ரிலீஸ் ஆகி உள்ளது.
maamannan
அமைச்சர் ஆன பின் அரசியலில் பிசியாகி உள்ள உதயநிதி ஸ்டாலின் கடைசியாக நடித்த திரைப்படம் தான் மாமன்னன். இப்படத்துடன் சினிமாவில் இருந்து விலகுவதாகவும் அறிவித்துள்ளார் உதயநிதி. அவரி கடைசி படமான மாமன்னனை கர்ணன், பரியேறும் பெருமாள் போன்ற வெற்றிப்படங்களை இயக்கிய மாரி செல்வராஜ் தான் இயக்கினார். இப்படத்தை ரெட் ஜெய்ண்ட் மூவீஸ் நிறுவனம் ரூ.35 கோடி பட்ஜெட்டில் தயாரித்து இருந்தது.
maamannan
உதயநிதி கெரியரிலேயே அதிக பட்ஜெட்டில் எடுக்கப்பட்ட திரைப்படம் இதுதான். இப்படத்தில் உதயநிதிக்கு ஜோடியாக கீர்த்தி சுரேஷ் நடித்திருந்தார். மேலும் வடிவேலு, பகத் பாசில், ரவீனா, லால் ஆகியோர் முக்கிய கதாபாத்திரத்தில் நடித்திருந்த இப்படத்திற்கு இசைப்புயல் ஏ.ஆர்.ரகுமான் இசையமைத்து இருந்தார். இப்படம் கடந்த ஜூன் 29-ந் தேதி பக்ரீத் பண்டிகையன்று உலகமெங்கும் பிரம்மாண்டமாக ரிலீஸ் செய்யப்பட்டது.
இதையும் படியுங்கள்... எக்கச்சக்க கடன்... கண்ணீர் சிந்தும் ஜெயிலர் பட இயக்குனர் - கருணை காட்டுவாரா ரஜினிகாந்த்
maamannan
வெளியானது முதல் விமர்சன ரீதியாகவும், வசூல் ரீதியாகவும் மாபெரும் வரவேற்பை பெற்ற மாமன்னன் திரைப்படம் பாக்ஸ் ஆபிஸிலும் வசூலை வாரிக் குவித்தது. திரையரங்கில் சக்கைப்போடு போட்ட மாமன்னன் திரைப்படம் தற்போது ஓடிடிக்கு வந்துள்ளது. இப்படம் இன்று நெட்பிளிக்ஸ் ஓடிடி தளத்தில் ரிலீஸ் ஆகி உள்ளது. தமிழ், தெலுங்கு, கன்னடம், மலையாளம் ஆகிய நான்கு மொழிகளில் இப்படத்தை ஓடிடியில் ரிலீஸ் செய்துள்ளனர்.
Maamannan
மாமன்னன் படம் ஓடிடியில் ரிலீஸ் ஆகி உள்ளதால் அதன் தியேட்டர் ஓட்டம் முடிவுக்கு வந்துள்ளது. இப்படம் மொத்தமாக எவ்வளவு வசூலித்து உள்ளது என்கிற நிலவரம் தெரியவந்துள்ளது. அதன்படி ரூ.35 கோடி பட்ஜெட்டில் எடுக்கப்பட்ட மாமன்னன் திரைப்படம் திரையரங்க வசூல் மூலம் மட்டும் ரூ.72 கோடி ஈட்டி உள்ளதாம். உதயநிதியின் கெரியரிலேயே அதிகபட்ச வசூல் செய்த படமும் இதுதான். இதன்மூலம் கடைசி படத்தில் உதயநிதி டபுள் மடங்கு லாபம் பார்த்து இருக்கிறார்.
இதையும் படியுங்கள்... அரசியல் வேலைகளை பாதியில் நிறுத்திவிட்டு; திடீரென வெளிநாடு பறந்த விஜய் - பின்னணியில் இப்படி ஒரு மேட்டர் இருக்கா
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.