2-வது மனைவியையும் விவாகரத்து செய்கிறாரா விஷ்ணு விஷால்..? லால் சலாம் நாயகனின் டுவிட்டால் குழம்பிபோன ரசிகர்கள்

தமிழ் திரையுலகில் வித்தியாசமான கதையம்சம் கொண்ட படங்களை தேர்ந்தெடுத்து நடித்து வருபவர் விஷ்ணு விஷால். வெண்ணிலா கபடிக் குழு படம் மூலம் அறிமுகமான இவர் இதையடுத்து குள்ளநரி கூட்டம், ஜீவா, நீர்ப்பறவை, முண்டாசுப்பட்டி, இன்று நேற்று நாளை, வேலைன்னு வந்துட்டா வெள்ளைக்காரன், ராட்சசன், எஃப்.ஐ.ஆர், கட்டா குஸ்தி என தொடர்ந்து பல்வேறு ஹிட் படங்களில் நடித்து மக்கள் மத்தியில் பிரபலமான நடிகராக வலம் வந்து கொண்டிருக்கிறார்.

விஷ்ணு விஷால் நடிப்பில் தற்போது லால் சலாம் என்கிற திரைப்படம் தயாராகி வருகிறது. இப்படத்தை ஐஸ்வர்யா ரஜினிகாந்த் இயக்கி வருகிறார். இப்படத்தில் சூப்பர் ஸ்டார் ரஜினிகாந்தும் கேமியோ ரோலில் நடிக்க உள்ளார். லைகா நிறுவனம் தயாரிப்பில் உருவாகி வரும் இப்படத்திற்கு இசைப்புயல் ஏ.ஆர்.ரகுமான் இசையமைக்கிறார். இப்படத்தின் படப்பிடிப்பு கடந்த சில வாரங்களுக்கு முன் தொடங்கப்பட்டது. தற்போது திருவண்ணாமலையில் இப்படத்தின் ஷூட்டிங் நடைபெற்று வருகிறது.

இதையும் படியுங்கள்... நிலநடுக்கம் வந்தாலும்... நிற்காமல் நடந்த ஷூட்டிங்! காஷ்மீர் ஷெட்யூல் ஓவர்... சென்னைக்கு கிளம்பிய லியோ படக்குழு

நடிகர் விஷ்ணு விஷாலுக்கு ரஜினி என்கிற பெண் உடன் கடந்த 2010-ம் ஆண்டு திருமணம் நடைபெற்றது. இந்த தம்பதிக்கு ஆர்யன் என்கிற மகனும் உள்ளார், 8 ஆண்டுகள் சேர்ந்து வாழ்ந்த இந்த ஜோடி கடந்த 2018-ம் ஆண்டு விவாகரத்து செய்து பிரிந்தனர். இதையடுத்து பிரபல பேட்மிண்டன் வீராங்கனை ஜுவாலா கட்டா உடன் நெருங்கி பழகி வந்த விஷ்ணு விஷால், கடந்த 2021-ம் ஆண்டு அவரை திருமணம் செய்துகொண்டார்.

விஷ்ணு விஷாலுக்கும் ஜுவாலா கட்டாவுக்கும் திருமணமாகி 2 ஆண்டுகள் கூட முடியாத நிலையில், அவர்கள் இருவரும் விவாகரத்து செய்துகொள்ள போகிறார்களா என்கிற கேள்வி எழத் தொடங்கி உள்ளது. இதற்கு காரணம் விஷ்ணு விஷால் போட்ட டுவிட் தான்.

இன்று அவர் போட்ட டுவிட்டில், “பரவாயில்லை, மீண்டும் முயற்சித்தேன். நான் மீண்டும் தோல்வியடைந்தேன். மீண்டும் கற்றுக்கொண்டேன். கடைசி முறை தோற்றது என்னுடைய தவறு எதுவும் இல்லை... அது துரோகம் மற்றும் ஏமாற்றம்” என பதிவிட்டு வாழ்க்கை பாடம் என கேப்ஷனும் கொடுத்துள்ளார். இதைப்பார்த்து ஷாக் ஆன ரசிகர்கள், அவர் இரண்டாவது மனைவியையும் விவாகரத்து செய்யப்போகிறாரா என கேள்வி எழுப்பி வருகின்றனர். விஷ்ணு விஷாலின் இந்த டுவிட் வைரலாகி வருகின்றது.

இதையும் படியுங்கள்... captain miller : கேப்டன் மில்லர் ஷூட்டிங்கை நிறுத்துங்க.. தனுஷ் படத்துக்கு திடீரென வந்த சிக்கல்- பின்னணி என்ன?