அதீத திறமை.. உச்சகட்ட புகழ்.. ஆனால் குடிப்பழக்கத்தால் வாழ்க்கையை தொலைத்த நடிகைகள்!

Kollywood Actress : கோலிவுட் நடிகைகள் சிலர் மிகப்பெரிய புகழோடு வலம்வந்தாலும், தங்களிடம் இருந்த குடிப்பழக்கத்தால் பெரும் பின்னடைவை சந்தித்தனர்.

Actress Savithri

தமிழ் சினிமாவில் "நடிகர் திலகம்" என்று சிவாஜிகணேசனை அழைப்பது போல, "நடிகையர் திலகம்" என்று அழைக்கப்பட்ட மாபெரும் நடிகை தான் சாவித்திரி. எம்ஜிஆர், சிவாஜி மற்றும் ஜெமினி கணேசன் போன்ற முன்னணி நடிகர்களுக்கு இணையாக சம்பளம் வாங்கிய ஒரு நடிகை. இவரை போல ஒரு லேடி சூப்பர் ஸ்டார் தமிழ் திரை உலகில் இருந்ததே இல்லை என்று சொல்லும் அளவிற்கு புகழின் உச்சியில் பயணித்தவர். 

ஆனால், தான் தயாரித்த ஒரு படம் நஷ்டமாக போக, அதை தாங்கிக்கொள்ள முடியாமல் அவர் குடிப்பழக்கத்திற்கு அடிமையானதாக கூறப்படுகிறது. அவருடைய காதல் தோல்வியும் இவருடைய குடி பழக்கத்திற்கு ஒரு காரணம் என்றும் கூறப்படுகிறது. இதனால் பட வாய்ப்புகளை இழந்து, தனது இறுதி நாட்களை மிகவும் கடினமாக கழித்தார் அவர்.

Actress Urvasi

நடிப்பில் உலக நாயகன் கமல்ஹாசனையே மிரட்டும் வெகு சில நடிகைகளில் ஒருவர் ஊர்வசி. இன்றளவும் ஜனரஞ்சகமான பல கதாபாத்திரங்களை ஏற்று நடிக்கும் அவர் இளம் வயதிலேயே குடிப்பழக்கத்திற்கு அடிமையானவர் என்று கூறப்படுகிறது. அதனால் அவருடைய காதல் கணவர் அவரை விட்டு பிரிந்ததாகவும், குடிப்பழக்கத்தால் தனது பிள்ளைகளை கூட ஊர்வசியால் பார்த்துக்கொள்ள முடியாமல் போனது என்றும் கூறப்படுகிறது. 

ஒரு கட்டத்தில் ஊர்வசியிடம் இருந்து தனது குழந்தைகளையும், அவரது கணவர் மனோஜ் நீதிமன்றம் மூலம் பெற்றுக்கொண்டாராம். அதீத புகழோடு ஊர்வசி வலம்வந்தாலும், அவருடைய குடிப்பழக்கத்தால் பல விஷயங்களை அவர் இழந்ததாக கூறப்படுகிறது.

Actress Sadha

தமிழ் திரையுலகம் மட்டுமல்ல தெலுங்கு மற்றும் கன்னடம் போன்ற மொழிகளிலும் உச்ச நடிகையாக வலம் வந்தவர்தான் சதா. இன்று ஒரு வனவியல் ஆர்வலராக வலம் வந்து கொண்டிருக்கும் சதா, தனது புகழின் உச்சியில் இருந்த காலத்தில் மதுவிற்கு அடிமையானதாக கூறப்படுகிறது. அதனால் அவர் பல பட வாய்ப்புகளை இழந்ததாகவும், அவ்வப்போது தகவல்கள் வெளியாகி வருவது குறிப்பிடத்தக்கது.

Srividya

தமிழ் திரையுலகில் உலகநாயகன் கமல்ஹாசனின் முதல் காதலி என்றால் அது ஸ்ரீவித்யா தான் என்றே கூறலாம். ஆனால் அவர்களுடைய காதல் கைகூடவில்லை, ஸ்ரீவித்யா மணந்து கொண்டவரும் பெரிய அளவில் அவரை பொருளாதார ரீதியாக மோசடி செய்ததாக கூறப்படுகிறது. இதனால் பெரும் மன உளைச்சலுக்கு ஆளான ஸ்ரீவித்யா. அதிக குடி பழக்கத்திற்கு அடிமையானதாக கூறப்படுகிறது. பெரிய அளவில் பட வாய்ப்புகள் கிடைத்தும், புற்றுநோய் காரணமாக அவர் காலமானார்.