- Home
- Cinema
- தீவிரமான கேன்சர் நோயால் பாதிக்கப்பட்ட சிறுமியின் ஆசையை நிறைவேற்றிய சுதீப் - ரியல் ஹீரோ என பாராட்டும் ரசிகர்கள்
தீவிரமான கேன்சர் நோயால் பாதிக்கப்பட்ட சிறுமியின் ஆசையை நிறைவேற்றிய சுதீப் - ரியல் ஹீரோ என பாராட்டும் ரசிகர்கள்
தீவிரமான கேன்சர் நோயினால் பாதிக்கப்பட்டு சிகிச்சை பெற்று வரும் 9 வயதுக் குழந்தை சாக்ஷியை நேரில் சந்தித்து அவரது ஆசையை நிறைவேற்றியுள்ளார் கன்னட சூப்பர்ஸ்டார் கிச்சா சுதீப்.
Kichcha Sudeep
இந்தியத் திரைத்துறையில் பிரபலமாக விளங்கும் நடிகர் சுதீப், நடிகர், இயக்குநர், தயாரிப்பாளர், திரைக்கதை எழுத்தாளர், தொலைக்காட்சி தொகுப்பாளர் மற்றும் பாடகர் எனப் பன்முகத்திறமை கொண்டவர். இவர் கன்னட திரையுலகில் முன்னணி நாயகனாக வலம் வருகிறார். இதுதவிர இந்தி, தெலுங்கு மற்றும் தமிழ்ப் படங்களிலும் பணியாற்றியுள்ளார். கிச்சா சுதீப் கன்னட சினிமாவில் அதிக சம்பளம் வாங்கும் நடிகர்களில் ஒருவர் ஆவார்.
Kichcha Sudeep
2013 ஆம் ஆண்டு முதல் இந்தியாவின் முதல் 100 பிரபலங்களின் ஃபோர்ப்ஸ் பட்டியலில் பட்டியலிடப்பட்ட முதல் கன்னட நடிகர்களில் ஒருவராவார். நான்கு தென்னிந்திய பிலிம்பேர் விருதுகள் மற்றும் ஒரு கர்நாடக மாநில விருது உட்பட பல விருதுகளைப் பெற்றுள்ளார். இப்படி சினிமாவில் மட்டுமல்லாது ரியல் லைஃபிலும் ஹீரோவாக இருந்து பல்வேறு உதவிகளை செய்யும் நல் உள்ளம் கொண்ட மனிதராகவும் சுதீப் விளங்கி வருகிறார்.
இதையும் படியுங்கள்... kissing day: முத்தத்திற்கு பெயர்போன கமல் முதல் ஒரே ஒருமுறை லிப்கிஸ் அடித்த வடிவேலு வரை; தமிழ்பட கிஸ் சீன்ஸ்
Kichcha Sudeep
அந்த வகையில், மூன்றாம் வகுப்பு படிக்கும், 9 வயது நிரம்பிய சாக்ஷி என்கிற சிறுமி, மெட்டாஸ்டேடிக் அல்லாத ஆஸ்டியோசர்கோமா எனும் கேன்சர் நோயால் பாதிக்கப்பட்டுள்ளார். பெங்களூரு சாமராஜ்பேட்டையில் உள்ள ஸ்ரீ சங்கரா புற்றுநோய் மருத்துவமனை மற்றும் ஆராய்ச்சி மையத்தில் அவர் தற்போது சிகிச்சை பெற்று வருகிறார்.
Kichcha Sudeep
அவர் நடிகர் சுதீப்பின் தீவிர ரசிகை. அவர் சுதீப்பை நேரில் சந்திக்க வேண்டுமென்பது தனது கனவு என கூறி இருந்தார். ஏழ்மையான குடும்பத்தை சேர்ந்த இந்த சிறுமியின் ஆசையைப் பற்றி அறிந்த நடிகர் சுதீப், அந்தக் குழந்தையை நேரில் சந்தித்து உரையாடி, அவரது ஆசையை நிறைவேற்றியுள்ளார். தனது கனவு நாயகன் சுதீப் அவர்களை நேரில் சந்தித்ததில் குழந்தை சாக்ஷி மிகவும் உற்சாகம் அடைந்தார். இந்த சந்திப்பின் போது எடுத்த புகைப்படம் வைரலாகி வருகிறது.
இதையும் படியுங்கள்... பம்பர் முதல் போர் தொழில் வரை... இந்த வார தியேட்டர் மற்றும் ஓடிடியில் இத்தனை படங்கள் ரிலீஸா? - முழு லிஸ்ட் இதோ
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.