திரையரங்கில் ரசிகர்களுடன் 'கர்ணன்' படம் பார்த்த படக்குழு..! வைரலாகும் போட்டோஸ்!
'அசுரன்' படத்தை தொடர்ந்து, பல்வேறு எதிர்பார்ப்புகளுக்கு மத்தியில் இன்று வெளியாகியுள்ள தனுஷின் 'கர்ணன்' திரைப்படம் தொடர்ந்து, பாசிட்டிவ் விமர்சனங்களை பெற்று வரும் நிலையில்... இந்த படத்தை ரசிகர்களோடு, படக்குழுவினர் பார்த்துள்ளனர். இது குறித்த, புகைப்படங்கள் தற்போது வைரலாகி வருகிறது...
இயக்குனர் மாரி செல்வராஜ் இயக்கத்தில், தனுஷ் நடித்திருக்கும் திரைப்படம் 'கர்ணன்'. ஏப்ரல் 9ஆம் தேதி, அதாவது இன்று ரிலீசாக இந்த படத்தின் மீதான எதிர்பார்ப்புகளை அதிகரிக்கும் விதமாக, இதுவரை 'கண்டா வரச்சொல்லுடா', 'பண்டாரத்தி புராணம்', மற்றும் 'திரௌபதி முத்தம்' உள்ளிட்ட 3 பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றது.
லால், ராஜிஷா விஜயன், லட்சுமி ப்ரியா, யோகி பாபு, கெளரி கிஷன் உள்ளிட்ட பலர் நடிப்பில் உருவாகியுள்ள இந்த படத்தை கலைப்புலி தாணு தயாரித்துள்ளார். சந்தோஷ் நாராயணன் இசையமைத்துள்ளார்.
தமிழகத்தில் நாளுக்கு நாள் கொரோனா பிரச்சனை அதிகரித்து வருவதால், மாநிலஅரசு சில கட்டுப்பாடுகளை கொண்டு வந்துள்ளது. அதன்படி, இதுவரை 100 சதவீத பார்வையாளர்களுடன் இயங்கி வந்த, திரையரங்குகளில், இனி 50 சதவீத பார்வையாளர்கள் மட்டுமே அனுமதிக்க படுவார்கள் என தெரிவிக்கப்பட்டது.
எனவே கர்ணன் திரைப்படம் சொன்னது போல் நாளை வெளியாகுமா என்கிற ஒரு சந்தேகம் ரசிகர்கள் மனதியில் இருந்த நிலையில், இதற்கு முற்றுப்புள்ளி வைக்கும் விதமாக, தயாரிப்பாளர் கலைப்புலி தாணு, ‘கர்ணன்’ திரைப்படம் ஏற்கனவே திட்டமிட்டபடி நாளை திரையரங்குகளில் வெளியாகும் என உறுதியளித்தார்.
ஏற்கனவே கர்ணன் பட ரிலீசை முன்னிட்டு ஊர் முழுவதும் தனுஷ் ரசிகர்கள் பேனர்கள், கட் அவுட் என அதகளப்படுத்தி வரும் நிலையில், இன்று வெளியாகியுள்ள கர்ணன் படத்தை, படக்குழுவினர் ரசிகர்களுடன் பார்த்துள்ளனர். இதுகுறித்த புகைப்படங்கள் தற்போது சமூக வலைத்தளத்தில் வெளியாகியுள்ளது.