கோலிவுட்டில் கால்பதிக்க போகும் சூப்பர் ஸ்டார் பேத்தி... உச்சகட்ட எதிர்பார்ப்பில் ரசிகர்கள்...!

வாரிசுகளாக அறிமுகமாகும் இளம் நடிகர், நடிகைகள் தங்களுடைய திறமையால் மட்டுமே சினிமாவில் நீடிக்க முடியும் என்பதை மறுக்க இயலாது. 

Ramkumar

திரையுலகில் பிரபலமாக இருக்கும் நடிகர், நடிகைகள் தங்களுடைய வாரிசுகளை களமிறக்குவது என்பது தவிர்க்க முடியாதது. அப்படி வாரிசுகளாக அறிமுகமாகும் இளம் நடிகர், நடிகைகள் தங்களுடைய திறமையால் மட்டுமே சினிமாவில் நீடிக்க முடியும் என்பதை மறுக்க இயலாது. அப்படி தங்களுடைய திறமையால் ரசிகர்களைக் கவர்ந்த கீர்த்தி சுரேஷ், காளிதாஸ் ஜெயராம், ஸ்ருதி ஹாசன், அக்‌ஷரா ஹாசன் உள்ளிட்ட பிரபலங்களின் பட்டியல் நீண்டது. 

தற்போது கன்னட திரையுலகின் சூப்பர் ஸ்டாரும், ரஜினிகாந்தின் நெருங்கிய நண்பருமான ராஜ்குமாரின் பேத்தி தன்யா ராம்குமார் தற்போது தமிழில் சினிமா மூலமாக ஹீரோயினாக அறிமுகமாக உள்ளார். 

மறைந்த நடிகர் ராஜ்குமாரின் மகன்களான சிவராஜ்குமார், புனித் ராஜ்குமார், ராகவேந்திரா ராஜ்குமார்  ஆகியோர் ஏற்கனவே கன்னட திரையுலகில் முன்னணி நடிகர்களாக உள்ளனர். இதேபோல் ராஜ்குமாரின் மகள் வழி பேத்தியான தன்யா ராம்குமார் ஏற்கனவே கன்னடத்தில் சில படங்களில் நடித்துள்ளதாக கூறப்படுகிறது. 

தற்போது தன்யா ராம்குமார் தமிழில் அறிமுகமாக இருக்கிறார். படத்தின் இயக்குநர், ஹீரோ யார் உள்ளிட்ட விபரங்கள் இன்னும் ஒரிரு நாட்களில் வெளியாகும் என தகவல்கள் வெளியாகியுள்ளன.