3 நாளில் ரூ.150 கோடி கலெக்ஷன் அள்ளிய விக்ரம்! விஜய், அஜித்தை ஓரங்கட்டி பாக்ஸ் ஆபிஸில் வசூல் வேட்டையாடும் கமல்
Vikram box office collection : கேரளாவில் இந்த ஆண்டு ரிலீசான தமிழ் படங்களில் அதிக வசூல் ஈட்டிய படமாக விக்ரம் மாறி உள்ளது. இதன்மூலம் பீஸ்ட் படத்தின் சாதனையை முறியடித்து முதலிடம் பிடித்துள்ளது விக்ரம்.
மாஸ்டர் படத்தின் வெற்றியைத் தொடர்ந்து லோகேஷ் கனகராஜ் இயக்கத்தில் உருவான படம் விக்ரம். ஹாலிவுட் படங்களைப் போன்று மல்டிவெர்ஸ் படமாக இப்படத்தின் திரைக்கதையை உருவாக்கி இருந்தார் லோகேஷ். அவரின் கதைக்கு உயிர்கொடுக்கும் விதமாக கமல்ஹாசன், சூர்யா, பகத் பாசில், விஜய் சேதுபதி, நரேன், செம்பன் வினோத் என மிகப்பெரிய நட்சத்திர பட்டாளமே இப்படத்தில் நடித்திருந்தது.
விக்ரம் படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரித்திருந்தது. இசைக்கு அனிருத், ஒளிப்பதிவுக்கு கிரீஷ் கங்காதரன், ஸ்டண்ட்டுக்கு அன்பறிவு, படத்தொகுப்புக்கு பிலோமின் ராஜ் என மிகப்பெரிய டெக்னிக்கல் டீமே இப்படத்தில் பணியாற்றி இருந்தது. கடந்த ஜூன் 3-ந் தேதி இப்படம் திரையரங்குகளில் ரிலீசானது.
தமிழ், தெலுங்கு, இந்தி, மலையாளம், கன்னடம் என 5 மொழிகளில் பான் இந்தியா படமாக இது ரிலீசானதால், அனைத்து மொழிகளிலும் இப்படத்திற்கு அமோக வரவேற்பு கிடைத்து வருகிறது. குறிப்பாக கேரளாவில் இந்த ஆண்டு ரிலீசான தமிழ் படங்களில் அதிக வசூல் ஈட்டிய படமாக விக்ரம் மாறி உள்ளது. இதன்மூலம் பீஸ்ட் படத்தின் சாதனையை முறியடித்து முதலிடம் பிடித்துள்ளது விக்ரம்.
அதேபோல் அமெரிக்கா, இங்கிலாந்து, நியூசிலாந்து போன்ற வெளிநாடுகளிலும் விக்ரம் படம் வசூலில் டாப் கியரில் சென்று கொண்டிருக்கிறது. இந்நிலையில், விக்ரம் படத்தின் 3 நாள் வசூல் நிலவரம் வெளியாகி உள்ளது. அதன்படி இப்படம் மூன்றே நாளில் ரூ.150 கோடிக்கு மேல் வசூலித்து சாதனை படைத்துள்ளது.
இதையும் படியுங்கள்... நெல்சன் மட்டும் போதாது... தலைவர் 169 படத்துக்காக மேலும் ஒரு பிளாக்பஸ்டர் இயக்குனரை களமிறக்கிய ரஜினி
சேனலை கிளிக் செய்து பின்தொடரவும்
