முதல் படத்திற்கு 10 ரூபாய் சம்பளம்! இரண்டே வருடத்தில்... லட்சங்களில் சம்பளம் வாங்கிய கமல் பட நாயகி?

நடிகை ஜெயப்பிரதாவின் உண்மையான பெயர் லலிதா இராணி ராவ், ஆந்திரப் பிரதேசத்தை இவர், இராஜமன்றியில் தெலுங்கு மொழிப் பேசும் குடும்பத்தில் பிறந்தவர். இவரது தந்தை கிருஷ்ணராவ், தெலுங்குத் திரைப்பட நிதியாளராக இருந்தார். இவரது தாயார் நீலாவாணி குடும்பத்தை கவனித்து வந்தார். இராஜமன்றியில் உள்ள தெலுங்கு வழிக்கல்வி பள்ளியில் ஆரம்ப கல்வி பயின்ற இவருக்கு, சிறு வயதிலேயே நடனம் மற்றும் இசை ஆகியவற்றில் ஆர்வம் இருந்ததால், நடனம் மற்றும் இசை கற்றுக்கொண்டார்.

ஜெயப்பிரதா தன்னுடைய பருவ வயதில் இருந்தபோது, பள்ளி ஆண்டு விழா நிகழ்ச்சி ஒன்றில் கலந்து கொண்டு நடனம் ஆடினார். அந்த சமயத்தில், பள்ளிக்கு சிறப்பு விருந்தினராக வந்த திரைப்பட இயக்குநர் பூமி கோசம் (1974), ஜெயப்பிரதா நடன திறமையை பாராட்டியது மட்டும் இன்றி, தான் இயக்கிய தெலுங்குத் திரைப்படத்தில் மூன்று நிமிட நடன காட்சியில் ஆடும் வாய்ப்பை ஜெயப்பிரதாவுக்கு வழங்கினார். இவர் திரைப்படத்தில் தோன்றுவதற்கு முதலில் தயங்கினாலும்... பெற்றோர் கொடுத்த ஊக்கத்தால், திரையுலகில் தலைகாட்டினார்.  அந்த மூன்று நிமிட நடன காட்சியில் நடிக்க ஜெயப்ரதாவுக்கு வெறும் 10 ரூபாய் மட்டுமே சம்பளமாக கொடுக்கப்பட்டது.

ரசிகர்களை பொறாமை பட வைத்த நயன்தாரா மகனின் பாசம்! லேடி சூப்பர் ஸ்டாரின் லேட்டஸ்ட் போட்டோஸ்!
 

பின்னர் பெரிய திரைப்பட தயாரிப்பாளர்களிடம் இருந்து தெலுங்கு படத்தில் நடிக்கும் வாய்ப்புகிடைத்தது. இதை தொடர்ந்து இயக்குநர் கைலாசம் பாலசந்தர் இயக்கிய மன்மத லீலை படத்தின் மூலம் தமிழில்  அறிமுகமான அடுத்தடுத்து தெலுங்கு படங்களில் மட்டுமே  அதிகம் கவனம் செலுத்தினார். தமிழில் ரஜினி கமல் இணைந்து நடித்த நினைத்தாலே இனிக்கும், 47 நாட்கள், என ஒரு சில படங்களில் மட்டுமே நடித்துள்ளார். 

சர்கம் திரைப்படத்தின் மூலம் ஹிந்தியில் அறிமுகமான ஜெயப்ரதாவுக்கு ஆரம்பத்தில் ஹிந்தி பட வாய்ப்புகள் கிடைக்கவில்லை என்றாலும், பின்னர்... முழு நேர ஹிந்தி நடிகையாகவே மாறினார். 80-களில் முன்னணி  ஹீரோக்களாக நடித்த அணைத்து ஹீரோயின்களுடனும் நடித்த ஜெயப்பிரதாவுக்கு தற்போது 62 வயதாகும் நிலையிலும் தொடர்ந்து வெயிட்டான ரோல்களில் நடித்து வருகிறார். 2008-ஆம் ஆண்டு, வெளியான தசாவதாரம் திரைப்படத்தில் கமல்ஹாசனுக்கு ஜோடியாக நடித்து அசீனுக்கே டஃப் கொடுத்தார். 

சமந்தாவின் அண்ணனுக்கு வெளிநாட்டில் நடந்த திருமணம்! வைரலாகும் குடும்ப புகைப்படம்!
 

நடிகை என்பதை தாண்டி, பாரதீய ஜனதா, தெலுங்கு தேசம் கட்சியில் இணைந்து மக்கள் பணியாற்றிய ஜெயப்பிரதா, 1986 இல், தயாரிப்பாளர் ஸ்ரீகாந்த் நகாட்டாவை காதலித்து திருமணம் செய்து கொண்டார். ஸ்ரீகாந்த் ஏற்கனவே சந்திரா என்ற பெண்ணை மணந்து இரண்டு குழந்தைகளைப் பெற்றிருந்தார்.இந்த திருமணம் பல சர்ச்சைகளை கிளப்பியது. அரசியலிலும் சர்ச்சைக்கு பஞ்சம் இல்லாத பிரபலமாகவே வலம் வந்த ஜெயப்பிரதா... தற்போது குணசித்ர வேடங்களில் நடிக்கவே கோடி கணக்கில் சம்பளமாக வாங்கும் நிலையில் இவரின் முதல் சம்பளம் குறித்த தகவல் தாள் பலரையும் ஆச்சர்யப்படுத்தியுள்ளது.

ஜெயப்பிரதா தன்னுடைய முதல் படத்திற்கு ரூபாய் 10 மட்டுமே சம்பளமாக பெற்றுள்ளார். இதை தொடர்ந்து எண்ணி 5 படங்கள் நடித்து முடிப்பதற்குள் லட்ச கணக்கில் சம்பளமாக பெற்றுள்ளார். இந்த தகவல் சமூக வலைத்தளத்தில் வேகமாக பரவி வருகிறது.