'கல்யாண வீடு' சீரியல் நடிகைக்கு நடந்து முடிந்த நிச்சயதார்த்தம்..! மாப்பிள்ளை யார் தெரியுமா?

கல்யாண வீடு சீரியலில் ஸ்வேதா என்கிற கதாபாத்திரத்தில் நடித்து மிகவும் பிரபலமான நடிகை அஞ்சனாவுக்கும் விஷ்வா க்ரிடி மிஸ்ரா என்பவருக்கும் திருமண நிச்சயதார்த்தம் ஆகியுள்ள தகவலை அஞ்சனா புகைப்படம் வெளியிட்டு தெரிவித்துள்ளார். 

anjana

சன் டிவி தொலைக்காட்சியில் ஒளிபரப்பாகும் அனைத்து சீரியல்களுக்குமே ரசிகர்கள் மத்தியில் நல்ல வரவேற்பு இருக்கும். அந்த வகையில் இயக்குனர் திருமுருகன் இயக்கி நடித்த, நாதஸ்வரம், கல்யாண வீடு போன்ற சீரியல்களுக்கு தனி ரசிகர்கள் கூட்டமே உண்டு.

கூட்டு குடும்பத்தின் ஒற்றுமை, எப்படி ஒரு மகன் அப்பா - அம்மாவை விட்டு கொடுக்காமல், தங்கைகளை பாசமாக வளைத்து கரைசேர்த்து பொறுப்பானவராக இருக்க வேண்டும் என வாழ்ந்து நடித்திருப்பார்.

அந்த வகையில் இவர் இயக்கி நடித்த, 'கல்யாண வீடு' சீரியல் இரண்டு வருடங்களை கடந்து நன்கு ஓடிய நிலையில் கடந்த ஆண்டு தான் நிறைவு பெற்றது.

இந்த சீரியலில், திருமுருகனின் முன்னாள் காதலி... ஸ்வேதா கதாபாத்திரத்தில் நடித்திருந்தார், மலையாள சீரியல் நடிகையும், மாடலுமான அஞ்சனா.

தற்போது இவருக்கும் விஷ்வா  க்ரிடி மிஸ்ரா என்கிற சமையல் கலைஞருக்கும் திருமண நிச்சயதார்த்தம் நடந்துள்ளது. இதுகுறித்த புகைப்படத்தை வெளியிட்டு இந்த மகிழ்ச்சியான விஷயத்தை தெரிவிக்கவே அவருக்கு பலர் தங்களுடைய வாழ்த்துக்களை தெரிவித்து வருகிறார்கள்.