சூர்யா பிறந்தநாளுக்கு சர்பிரைஸ் கொடுத்த காதல் மனைவி ஜோதிகா..! களைகட்டிய கொண்டாட்டம்..! வைரல் போட்டோஸ்..

நடிகர் சூர்யாவின் 46 ஆவது பிறந்தநாள் நேற்று அவரது ரசிகர்களாலும் குடும்பத்தினரால் பிரமாண்டமாக கொண்டாடப்பட்ட நிலையில், அவரது காதல் மனைவி ஜோதிகா சூப்பர் சர்பிரைஸ் ஒன்றை கொடுத்துள்ளார். இதுகுறித்த புகைப்படம் தற்போது சமூக வலைத்தளத்தில் வைரலாகி வருகிறது. 

suriya

முன்னணி நடிகர்கள் பிறந்தநாள் என்றாலே அவரது ரசிகர்கள் அதனை ஒரு வாரத்திற்கு முன்பே கொண்டாட துவங்கி விடுவார்கள். அந்த வகையில் சூர்யாவின் பிறந்தநாளை அவரது ரசிகர்கள் ஒரு வாரத்துக்கு முன்பே காமன் டிபி வெளியிட்டு வரவேற்ற நிலையில், நேற்றைய தினம் பல மக்களுக்கு அன்னதானம், காய்கறிகள், அரிசி, பருப்பு போன்ற அத்தியாவசிய பொருட்களை கொடுத்து சிறப்பாக கொண்டாடினர்.

மேலும் இரவு 12 மணிக்கு சூர்யா, அவரது வீட்டில் பிரமாண்ட கேக் வெட்டி பிறந்தநாள் கொண்டாடியதாகவும் சில தகவல்கள் வெளியாகியது.

இதை தொடர்ந்து, சூர்யாவின் பிறந்தநாளை மேலும் சிறப்பிக்கும் விதமாக... அவரது காதல் மனைவி ஜோதிகா 'எதற்கும் துணிந்தவன்' ஷூட்டிங் ஸ்பாட்டில் கணவருக்கு பிறந்தநாளை கொண்டாடி மகிழ்ந்துள்ளார்.

கணவரின் பிறந்தநாள் கொண்டாட்டத்திற்கு, சர்பிரைஸ் விசிட் அடித்த ஜோதிகா, பின்னர் படக்குழுவினருடன் புகைப்படங்களை எடுத்து மகிழ்ந்தார். தற்போது இதுகுறித்த புகைப்படங்கள் வைரலாகி வருகிறது.

மேலும் சூர்யாவின் பிறந்தநாளை 'ஜெய்பீம்' படக்குழுவும் சூர்யாவுடன் கேக் கட் செய்து பிறந்தநாளை கொண்டாடியுள்ளனர் என்பது குறிபிடித்தக்கது.