Atlee : வாரிசு நடிகைக்கு அடித்த ஜாக்பாட்; அட்லீ படத்தில் அல்லு அர்ஜுனுக்கு ஜோடி இவரா?
அட்லீ இயக்க உள்ள புதிய படத்தில் அல்லு அர்ஜுன் ஹீரோவாக நடிக்க உள்ள நிலையில், அவருக்கு ஜோடியாக நடிக்கப்போவது யார் என்கிற அப்டேட் வெளியாகி உள்ளது.

ஜீரோ பிளாப் இயக்குனர் அட்லீ
கோலிவுட்டில் ஜீரோ பிளாப் இயக்குனராக வலம் வருபவர் அட்லீ. அவர் இதுவரை தமிழில் இயக்கிய ராஜா ராணி, தெறி, மெர்சல், பிகில் ஆகிய நான்கு திரைப்படங்களும் பாக்ஸ் ஆபிஸில் வேறலெவல் ஹிட் அடித்தன. அப்படங்களின் வெற்றியை தொடர்ந்து பாலிவுட்டுக்கு சென்ற அட்லீ, அங்கு ஷாருக்கான் உடன் கூட்டணி அமைத்து அவர் நடித்த ஜவான் திரைப்படத்தை இயக்கினார். அப்படம் கடந்த 2023-ம் ஆண்டு ரிலீஸ் ஆகி பாக்ஸ் ஆபிஸில் ரூ.1000 கோடிக்கு மேல் வசூலித்து மாஸ் காட்டியது.
டோலிவுட்டுக்கு தாவிய அட்லீ
ஜவான் படத்தின் வெற்றிக்கு பின்னர் அட்லீக்கு பாலிவுட்டில் மவுசு அதிகரித்தது. அவர் இயக்கத்தில் நடிக்க பாலிவுட் நடிகர்கள் வரிசைகட்டி காத்திருக்கிறார்கள். அந்த வகையில் அவர் சல்மான் கான் உடன் இணைந்து பிரம்மாண்ட படத்தை இயக்க உள்ளதாக கூறப்பட்டு வந்த நிலையில், அப்படத்தை வெயிட்டிங் லிஸ்ட்டில் போட்டுவிட்டு, டோலிவுட்டுக்கு தாவி இருக்கிறார் அட்லீ. அவர் இயக்க உள்ள அடுத்த படத்தில் அல்லு அர்ஜுன் நாயகனாக நடிக்க உள்ளாராம்.
இதையும் படியுங்கள்... கோலிவுட் போர் அடித்துவிட்டதா? தமிழ் இயக்குனர்கள் பாலிவுட்டுக்கு படையெடுப்பதன் பின்னணி என்ன?
அல்லு அர்ஜுன் - அட்லீ கூட்டணி
புஷ்பா 2 படத்தின் வெற்றிக்கு பின்னர் பான் இந்தியா ஹீரோவாக உருவெடுத்துள்ள அல்லு அர்ஜுன், முதன்முறையாக இயக்குனர் அட்லீ உடன் கூட்டணி அமைக்க உள்ளதால் இப்படத்தின் மீதான எதிர்பார்ப்பு நாளுக்கு நாள் அதிகரித்த வண்ணம் உள்ளது. இப்படத்திற்கு அனிருத் இசையமைப்பார் என எதிர்பார்க்கப்பட்ட நிலையில், திடீர் ட்விஸ்டாக் இளம் இசையமைப்பாளர் சாய் அபயங்கர் இப்படத்திற்கு இசையமைக்க கமிட்டாகி உள்ளதாக தகவல்கள் தெரிவிக்கின்றன.
ஹீரோயினாக ஜான்வி கபூர்
இந்நிலையில், அட்லீ - அல்லு அர்ஜுன் கூட்டணியில் உருவாகும் படத்தில் ஹீரோயினாக நடிக்கப்போவது யார் என்கிற அப்டேட்டும் வெளியாகி உள்ளது. அதன்படி நடிகை ஸ்ரீதேவியின் மகள் ஜான்வி கபூர் தான் அல்லு அர்ஜுனுக்கு ஜோடியாக நடிக்க உள்ளாராம். இவர் ஏற்கனவே தெலுங்கில் தேவரா படம் மூலம் ஹீரோயினாக அறிமுகமான நிலையில், அடுத்ததாக புச்சிபாபு சனா இயக்கும் படத்தில் ராம்சரணுக்கு ஜோடியாக நடித்து வருகிறார். தற்போது அல்லு அர்ஜுன் பட வாய்ப்பையும் தட்டி தூக்கி உள்ளதால் டோலிவுட்டில் செம பிசியான ஹீரோயினாக வலம் வருகிறார் ஜான்வி கபூர்.
இதையும் படியுங்கள்... அட்லீ – அல்லு அர்ஜூன் கூட்டணியில் பான் இந்தியா மூவி; ரூ.400 கோடி பட்ஜெட்?
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.











