அம்மாவின் நினைவு தினம்..! அச்சு அசல் ஜெயலலிதா போல் மாறிய புகைப்படங்களை வெளியிட்ட கங்கனா..!

இந்த படத்தை தொடர்ந்து, தற்போது மறைந்த முதலமைச்சர் ஜெயலலிதாவின் வாழ்க்கை வரலாற்றை மையமாக வைத்து, இயக்குனர் ஏ.எல்.விஜய் இயக்கி வரும் 'தலைவி'  படத்தில் நடித்து வருகிறார்.

இந்த படத்தின் ஃபர்ஸ்ட் லுக் வீடியோவை ஏற்கனவே படக்குழுவினர் வெளியிட்டிருந்தனர். இதில், இளம் வயது ஜெயலலிதா, மற்றும் முதலமைச்சர் ஜெயலலிதா என இரு மாறு பட்ட வேடங்களில் கங்கனா நடித்த காட்சிகள் இடம்பெற்றிருந்ததை பார்த்தோம். 

இந்த படத்திற்காக, பரதநாட்டியம் மற்றும் ஜெயலலிதாவின் பல்வேறு படங்களை பார்த்து அவரை மாதிரியே மாற பயிற்சி எடுத்து மிகவும் கஷ்டப்பட்டு  கங்கனா நடித்துள்ளதாக படக்குழுவினர் தெரிவித்தனர்.

இந்நிலையில் இன்று ஜெயலலிதாவின் நான்காம் ஆண்டு நினைவு தினம் அனுசரிக்கப்பட்டது வருகிறது.

இன்று காலை முதலே, அரசியல் பிரமுகர்கள், அதிமுக கட்சியை சேர்ந்தவர்கள் என அனைவரும் அம்மாவின் திருவுருவ படத்திற்கு மாலை அணிவித்து மரியாதை செலுத்தி வருகிறார்கள். 

மேலும் 'தலைவி' படக்குழு சார்பாக ஜெயலலிதாவின் நினைவு தினத்தை அனுசரிக்கும் விதமாக, அரசியலில் ஈடுபட்ட காலங்களில் ஜெயலலிதா எப்படி இருந்தாரோ அதே போல் சேலையில் ஷூட்டிங் ஸ்பாட்டில் எடுக்கப்பட்ட புகைப்படத்தை வெளியிடுள்ளார். 

இந்த புகைப்படங்களில் அச்சு அசல் ஜெயலலிதா போலவே பார்ப்பதற்கு கங்கனா உள்ளதாக பலர் தங்களுடைய விமர்சனங்களை தெரிவித்து வருகிறார்கள். விரைவில் தலைவி படம் ரிலீசாக உள்ளது குறிப்பிடத்தக்கது.