ஜன நாயகன் பட OTT உரிமையை போட்டிபோட்டு வாங்கிய பிரபல நிறுவனம்; அதுவும் இத்தனை கோடிக்கா?

எச்.வினோத் இயக்கத்தில் நடிகர் விஜய் நடித்து வரும் ஜன நாயகன் திரைப்படத்தின் ஓடிடி உரிமையை முன்னணி டிஜிட்டல் தளம் பெரும் தொகை கொடுத்து வாங்கி உள்ளது.

The OTT license of the film 'Jana Nayagan' was sold for Rs. 121 crore! நடிகர் விஜய்யின் 69-வது படம் ஜன நாயகன். இப்படத்தை எச்.வினோத் இயக்குகிறார். இப்படத்தில் விஜய்க்கு ஜோடியாக பூஜா ஹெக்டே நடித்துள்ளார். கடைசியாக பீஸ்ட் படத்தில் விஜய்யுடன் ஜோடி சேர்ந்து நடித்த பூஜா, தற்போது இரண்டாவது முறையாக அவருடன் கூட்டணி அமைத்துள்ளார். இப்படத்தை கேவிஎன் நிறுவனம் தயாரித்து வருகிறது. இப்படத்திற்கு அனிருத் இசையமைக்கிறார். இதன் ஷூட்டிங் விறுவிறுப்பாக நடைபெற்று வருகிறது.

விஜய்யின் கடைசி படம்

ஜன நாயகன் திரைப்படத்தில் விஜய்யுடன் மமிதா பைஜு, கெளதம் மேனன், பாபி தியோல், டீஜே அருணாச்சலம் என மிகப்பெரிய நட்சத்திர பட்டாளமே நடித்து வருகிறது. இப்படம் தான் நடிகர் விஜய்யின் கடைசி படம். இப்படத்திற்கு பின் அவர் அரசியலில் குதிக்க உள்ளதால் இனி சினிமாவில் நடிக்கப்போவதில்லை என்றும் முடிவேடுத்துள்ளார். விஜய்யின் கடைசி படம் என்பதால் இப்படத்தின் மீதான எதிர்பார்ப்பு ரசிகர்கள் மத்தியில் நாளுக்கு நாள் அதிகரித்த வண்ணம் உள்ளது.

இதையும் படியுங்கள்... 'ஜனநாயகன்' படத்தின் கதைக்களம் இதுவா? அரசியலுக்கு திரைப்படம் மூலம் பக்கா ஸ்கெச் போட்ட தளபதி!

ஜன நாயகன் பொங்கல் ரிலீஸ்

ஜன நாயகன் திரைப்படத்தை அடுத்த ஆண்டு பொங்கல் பண்டிகைக்கு ரிலீஸ் செய்ய உள்ளதாக படக்குழு அண்மையில் அதிகாரப்பூர்வமாக அறிவித்தது. ஏனெனில் அடுத்த ஆண்டு பொங்கல் பண்டிகையை ஒட்டி தொடர்ச்சியாக 10 நாட்கள் விடுமுறை வருகிறது. இதனால் அப்போது வெளியிட்டால் பாக்ஸ் ஆபிஸிலும் கலெக்‌ஷன் அள்ளிவிடலாம் என்கிற முனைப்போடு ஜன நாயகன் படக்குழு உள்ளது. ஆனால் இப்படத்தின் வசூல் வேட்டைக்கு ஆப்பு வைக்க சிவகார்த்திகேயன் நடிக்கும் பராசக்தி படமும் இதற்கு போட்டியாக ரிலீஸ் ஆக உள்ளதாம்.

ஜன நாயகன் ஓடிடி ரைட்ஸ்

இந்நிலையில், ஜன நாயகன் படத்தின் ஓடிடி உரிமம் பெரிய தொகைக்கு விற்பனை செய்யப்பட்டு உள்ளதாக தகவல் வெளியாகி இருக்கிறது. அதன்படி இப்படத்தின் ஓடிடி உரிமையை அமேசான் பிரைம் நிறுவனம் கைப்பற்றி உள்ளதாம். அதுவும் சுமார் 121 கோடி ரூபாய்க்கு ஜன நாயகன் படத்தின் ஓடிடி ரைட்ஸை அந்நிறுவனம் வாங்கி இருக்கிறதாம். இப்படம் இந்தியில் மல்டிபிளக்ஸில் வெளியாவதால் படம் ரிலீஸ் ஆகி 8 வாரங்களுக்கு பின்னர் தான் ஓடிடியில் வெளியாகும் என்பது குறிப்பிடத்தக்கது.

இதையும் படியுங்கள்... ஜன நாயகனுக்கு முன் பொங்கலுக்கு ரிலீஸ் ஆன விஜய் படங்கள் என்னென்ன? லிஸ்ட் இதோ