மொத்த படமும் அவுட்... முதல் நாளிலேயே ஜெயிலர் படத்துக்கு வந்த மிகப்பெரிய சிக்கல் - அதிர்ச்சியில் படக்குழு

ரஜினிகாந்த் - நெல்சன் கூட்டணியில் உலகமெங்கும் ரிலீஸ் ஆகி இருக்கும் ஜெயிலர் திரைப்படத்திற்கு முதல் நாளே மிகப்பெரிய சிக்கல் ஏற்பட்டு உள்ளது.

Jailer

2023-ம் ஆண்டு மிகவும் எதிர்பார்க்கப்பட்ட படங்களில் ஜெயிலர் படமும் ஒன்று. ரஜினிகாந்த் நாயகனாக நடித்துள்ள இப்படம் இன்று உலகமெங்கும் ரிலீஸ் ஆகி உள்ளது. ஜெயிலர் படத்தின் முதல் காட்சி தமிழ்நாட்டில் காலை 9 மணிக்கும், பிற மாநிலங்களில் காலை 6 மணிக்கும் திரையிடப்பட்டது. ஜெயிலர் படம் பார்த்த ரசிகர்கள், படம் மிகவும் மாஸ் ஆக இருப்பதாக கூறி வருகின்றனர். இப்படி பாசிடிவ் விமர்சனங்களை குவித்து வரும் ஜெயிலர் திரைப்படத்திற்கு தற்போது சிக்கல் ஏற்பட்டுள்ளது.

ஜெயிலர் படம் திரையரங்கில் ரிலீஸ் ஆன சில நிமிடங்களிலேயே அப்படம் முழுவதும் பைரசி தளங்களில் திருட்டுத்தனமாக ரிலீஸ் ஆகி இருக்கிறது. இதனால் அதிர்ச்சி அடைந்த படக்குழு, அப்படம் பகிரப்படுவதை தடுக்கும் நடவடிக்கைகளை மேற்கொண்டு வருகிறது. இப்படி திருட்டுத்தனமாக பைரசி தளங்களில் ஜெயிலர் படம் லீக் ஆகி இருப்பதால், அப்படத்தின் வசூலும் பாதிக்கும் சூழல் உருவாகி இருக்கிறது.

இதையும் படியுங்கள்... விஜய் படத்தால் சறுக்கிய நெல்சன் ரஜினி படத்தில் உயர்ந்து நிற்கிறாரா?... ஜெயிலர் ரிசல்ட் என்ன?

பைரசி தளங்களை ஒழிக்க பல்வேறு முயற்சிகள் எடுக்கப்பட்டாலும், அதை முழுவதுமாக ஒழிக்க முடியாமல் அரசும் திணறி வருகிறது. இதுபோன்ற பைரசி தளங்களால் சினிமாவின் வளர்ச்சி கடுமையாக பாதிக்கும் சூழல் உருவாகி உள்ளது. இதுபோன்று திரைப்படங்களை திருட்டுத்தனமாக பைரசி தளங்களில் வெயிடுவோர் மீது கடுமையான நடவடிக்கை எடுக்கப்படும் என எச்சரித்தும் இதுபோன்ற செயல்கள் தொடந்து வருகிறது.

ஜெயிலர் திரைப்படம் தமிழகத்தில் மட்டும் சுமார் 900 திரையரங்குகளில் ரிலீஸ் ஆகி இருக்கிறது. இதுதவிர ஆந்திரா, கர்நாடகா, கேரளா போன்ற மாநிலங்களில் இப்படம் அதிகளவிலான தியேட்டர்களில் வெளியிடப்பட்டு உள்ளன. இந்த சூழலில், முதல் நாளே ஜெயிலர் படத்தை திருட்டுத்தனமாக பைரசி தளங்கள் வெளியிட்டுள்ளதால், அப்படத்தை பெரும் தொகை கொடுத்து வாங்கி உள்ள திரையரங்க உரிமையாளர்கள் அதிர்ச்சி அடைந்துள்ளனர். 

இதையும் படியுங்கள்... ஒரே தியேட்டரில் FDFS... தனுஷ் - ஐஸ்வர்யா ரஜினிகாந்தை மீண்டும் ஒன்று சேர்த்த ஜெயிலர்