Actor Dhanush :ஃபார்மில் இருந்த அசுரனை பாதாளத்தில் தள்ளிவிட்ட 2 கார்த்திக் - போச்சே.. போச்சேனு புலம்பும் தனுஷ்

3 தேசிய விருதுகளை வென்றவர்

தமிழ் சினிமாவில் நடிகராக அறிமுகமானபோது பல்வேறு விமர்சனங்களை சந்தித்த தனுஷ், தன்னை கொஞ்சம் கொஞ்சமாக மெருகேற்றிக் கொண்டு தலைசிறந்த நடிகராக உயர்ந்து சாதித்துக் காட்டினார். இவரது நடிப்புத் திறமைக்கு கிடைத்த சான்று தான் தேசிய விருதுகள். ஒருமுறை அல்ல இதுவரை மூன்று முறை சிறந்த நடிகருக்கான தேசிய விருதை வென்றுள்ளார் தனுஷ்.

வெற்றிமாறனால் உயர்ந்த மார்க்கெட்

தமிழ் சினிமாவில் தனுஷின் இமேஜை பன்மடங்கு உயர்த்தியது ஆடுகளம், வட சென்னை, அசுரன் போன்ற படங்கள் தான். இந்த படங்களையெல்லாம் இயக்கியது வெற்றிமாறன். கடந்த 10 ஆண்டுகளில் வெற்றிமாறன் உடன் அதிகம் பணியாற்றி இருந்தார் தனுஷ். மளமளவென உயர்ந்த தனுஷின் மார்க்கெட் தற்போது வேகமாக சரியத் தொடங்கி உள்ளது.

அடுத்தடுத்து 2 ஃபிளாப்

இதற்கெல்லாம் காரணம் அவர் நடிப்பில் கடைசியாக வெளிவந்த ஜகமே தந்திரம், மாறன் ஆகிய இரண்டு படங்கள் தான். அசுரன், கர்ணன் என அடுத்தடுத்து பிளாக்பஸ்டர் ஹிட் கொடுத்த தனுஷுக்கு இந்த இரண்டு படங்களும் செம்ம அடியை கொடுத்துள்ளன. இவை இரண்டுமே ஓடிடி-யில் வெளியான படங்கள். 

காலை வாரிவிட்ட 2 கார்த்திக்குகள்

இதில் ஜகமே தந்திரம் படத்தை கார்த்திக் சுப்புராஜ் இயக்கி இருந்தார். இப்படத்தில் தாதாவாக நடித்திருந்தார் தனுஷ். பிரம்மாண்ட பட்ஜெட்டில் தயாராகி இருந்த இப்படம் கடந்தாண்டு நேரடியாக ஓடிடி-யில் வெளியாகி கடும் தோல்வியை சந்தித்தது. இதையடுத்து தனுஷ் நடிப்பில் அண்மையில் ஓடிடி-யில் வெளியான மாறன் படமும் மோசமான விமர்சனங்களை பெற்று வருகிறது. இப்படத்தை கார்த்திக் நரேன் இயக்கி இருந்தார்.

தனுஷ் செம்ம அப்செட்

இப்படத்தை சமூக வலைதளங்களில் நெட்டிசன்கள் ட்ரோல் செய்து வருகின்றனர். 2 கார்த்திக்குகளை நம்பி தனுஷ் தனது இமேஜை டேமேஜ் செய்துகொண்டதாக விமர்சித்து வருகின்றனர். தொடர்ந்து 2 படங்கள் தோல்வியை சந்தித்ததால், தனுஷின் மார்க்கெட்டும் சரிவை சந்தித்துள்ளதாம். இதனால் அவர் கடும் அப்செட்டில் இருப்பதாக கூறப்படுகிறது. இரு படங்களின் தோல்வியால் அவர் அடுத்ததாக நடித்து வரும் படங்களின் பிசினஸும் பாதிக்கப்படும் சூழல் உருவாகி உள்ளதாக கோலிவுட் வட்டாரத்தில் பேச்சு அடிபடுகிறது.

இதையும் படியுங்கள்... வலிமை பாக்குறப்போ இது நம்ம படமாச்சேனு தோணுச்சு... அப்படியே காப்பி அடிச்சு வச்சிருக்காங்க - மெட்ரோ தயாரிப்பாளர்