Tamizh Murugan : சினிமாவில் முருகன் சீசன் ஆரம்பம்... தமிழ் முருகன் உள்பட ஒரே நேரத்தில் 3 முருகன் படங்கள் உருவாகுது

Murugan Films : திரையுலகில் தற்போது முருகன் சீசன் ஆரம்பமாகி இருக்கிறது. தற்போது ஒரே நேரத்தில் 3 முருகன் படங்கள் உருவாகி வருகின்றன. அது என்னென்ன படங்கள் என்பதை பார்க்கலாம்.

Image Credit : X

3 Murugan Films on the way

சினிமாவில் ஒரு எழுதப்படாத விதி இருக்கிறது. ஒரு ஜானரில் படங்கள் ஹிட் ஆனால் அதே ஜானரையே பின் தொடர்ந்து அடுத்தடுத்து படங்கள் வெளியாகும். அப்படம் ஒரு சீசனில் பேய் படங்கள் தொடர்ச்சியாக வந்தன. பின்னர் டிரெண்ட் மாறி சாமி படங்கள் அதிகளவில் வெளிவந்தன. அந்த டிரெண்டில் இன்னும் ஒரு படி மேலே போய் தற்போது முருகனை மையமாக வைத்து 3 படங்கள் ஒரே நேரத்தில் உருவாகி வருகின்றன. அதில் இரண்டு படங்கள் தமிழ் சினிமாவிலும், ஒரு படம் தெலுங்கு திரையுலகிலும் உருவாகிறது. அது என்னென்ன படங்கள் என்பதை பார்க்கலாம்.

Image Credit : x/@ikamalhaasan

சேயோன்

முதன்முதலில் அறிவிக்கப்பட்ட முருகன் படம் என்றால் அது சேயோன் தான். சிவகார்த்திகேயன் நாயகனாக நடிக்கும் இப்படத்தை தாய்கிழவி படத்தின் இயக்குநர் சிவக்குமார் முருகேசன் இயக்குகிறார். விருமாண்டிக்கும் முருகனுக்கும் இடையேயான மோதலை மையமாக வைத்து தான் இப்படம் உருவாகி வருவதாக கூறப்படுகிறது. மேலும் இது கோலிவுட்டின் காந்தாராவாக இருக்க வாய்ப்புள்ளதாக பேச்சு அடிபடுகிறது. இப்படம் வெளியான பின்னர் பல்வேறு அதிர்வலைகளை ஏற்படுத்தக்கூடும் என தகவல்கள் தெரிவிக்கின்றன. இப்படத்தில் சிவகார்த்திகேயனுக்கு ஜோடியாக பாக்யஸ்ரீ போஸ் நடிக்கிறார். சந்தோஷ் நாராயணன் இப்படத்திற்கு இசையமைக்கிறார்.

Image Credit : OTHERS

ஜூனியர் என்.டி.ஆர் - திரிவிக்ரம் படம்

முருகனை மையமாக வைத்து உருவாக உள்ள மற்றுமொரு திரைப்படம் இது. இப்படத்தை திரிவிக்ரம் இயக்குகிறார். இதில் ஜூனியர் என்.டி.ஆர் ஹீரோவாக நடிக்கிறார். இப்படத்தின் போஸ்டர் வெளியானபோதே சர்ச்சை வெடித்தது. ஏனெனில் அதில் முருகன் வட இந்தியாவில் இருந்து வந்தவர் என்பது போல் குறிப்பிட்டு இருந்தார்கள். அதனால் தமிழ்நாட்டில் கடும் எதிர்ப்பு கிளம்பியது. சீமான் உள்பட பலரும் அந்த போஸ்டருக்கு எதிர்ப்பு தெரிவித்தனர். அப்படம் பான் இந்தியா அளவில் உருவாகிறது. அப்படத்திற்கு அனிருத் இசையமைக்க உள்ளார்.

Image Credit : X

தமிழ் முருகன்

முருகனை மையமாக வைத்து உருவாகும் 3வது படம் தமிழ் முருகன். இது அறிவுமதி எழுதிய தமிழ் முருகன் புத்தகத்தை மையமாக வைத்து உருவாக உள்ளது. வெற்றிமாறன் இப்படத்தை இயக்குகிறார். இதில் தனுஷ் முருகனாக நடிக்கிறார். இப்படத்தின் அறிவிப்பு வீடியோ சர்ப்ரைஸாக வெளியிடப்பட்டது. அந்த வீடியோ முழுக்க முழுக்க ஏழி மூலம் உருவாக்கப்பட்டு இருந்தது. அப்படத்திற்கு சாய் அபயங்கர் இசையமைக்க உள்ளார். தனுஷின் ஒண்டர்பார் நிறுவனம் தான் அப்படத்தை தயாரிக்க உள்ளது. அறிவுமதி எழுதிய புத்தகத்தின் படி, முருகன் முதலில் ஒரு தமிழ் தலைவன்; காலப்போக்கில் தெய்வமாக வணங்கப்பட்டார். இந்தக் கருத்தை சங்க இலக்கியமும் தமிழ் வரலாறும் அடிப்படையாக வைத்து விளக்கி இருந்தார். அதனை வெற்றிமாறன் எப்படி கையாளப்போகிறார் என்பதை காண ரசிகர்கள் ஆவலோடு உள்ளனர்.