சிறந்த இசையமைப்பாளருக்கான தேசிய விருது வென்ற ஒன் மேன் ஆர்மி ஜிவி பிரகாஷ்!
GV Prakash Wins National Awards 2025 For Vaathi Movie : வாத்தி படத்திற்காக சிறந்த இசையமைப்பாளருக்கான தேசிய விருது ஜிவி பிரகாஷ் குமாருக்கு அறிவிக்கப்பட்டுள்ளது.
71ஆவது தேசிய திரைப்பட விருது
கடந்த 2023 ஆம் ஆண்டுக்கான 71ஆவது தேசிய திரைப்பட விருதுகளை மத்திய அரசு இன்று அறிவித்தது. ஆண்டுதோறும் மத்திய அரசு சார்பில் சினிமா துறையில் சிறந்த நடிகர், நடிகைகள், இயக்குநர்கள், இசையமைப்பாளர்கள், துணை நடிகர், நடிகைகள், பின்னணி பாடகர்கள் உள்ளிட்ட பிரிவுகளில் சிறந்து விளங்குபவர்களுக்கு விருது வழங்கி வருகிறது. அந்த வகையில் கடந்த 2023 ஆம் ஆண்டுக்கான தேசிய விருது பட்டியல் இன்று வெளியிடப்பட்டது.
இயக்குநர் வெங்கி அட்லூரி இயக்கத்தில் தனுஷ் மற்றும் சம்யுக்தா இருவரும் முக்கிய ரோலில் நடித்து வெளியான படம் தான் வாத்தி. முழுக்க முழுக்க தெலுங்கு சினிமாவில் வெளியான இந்தப் படம் தமிழில் வாத்தி என்ற டைட்டிலில் ரீமேக் செய்யப்பட்டு வெளியிடப்பட்டது. இந்த படத்திற்கு ஜிவி பிரகாஷ் இசையமைத்திருந்தார்.
வாத்தி, ஜிவி பிரகாஷ் குமார்
இவரது இசையில், வா வாத்தி, பார்வைகலே, நாடோடி மன்னன், கலங்குதே சூரியா ஆகிய பாடல்கள் இடம் பெற்றிருந்தன. இதில் காதலிக்க கைடு இல்ல சொல்லித்தர வா வாத்தி என்ற பாடல் பட்டி தொட்டியெங்கும் ஃபேமஸ் ஆனது. ரூ.65 கோடி பட்ஜெட்டில் எடுக்கப்பட்ட இந்தப் படம் ரூ.105 கோடி வரையில் வசூல் குவித்தது.
விமர்சன ரீதியாகவும் நல்ல வரவேற்பு பெற்றது. இந்த நிலையில் தான் இந்த படத்தின் இசையமைப்பாளரான ஜிவி பிரகாஷ் குமாருக்கு சிறந்த இசையமைப்பாளருக்கான தேசிய விருது அறிவிக்கப்பட்டுள்ளது. இதன் மூலமாக ஜிவி பிரகாஷ் 2ஆவது தேசிய விருது வென்றுள்ளார். இதே போன்று ஹரிஷ் கல்யாண் நடிப்பில் 2023 ஆம் ஆண்டு வெளியான பார்க்கிங் படத்திற்கு 3 தேசிய விருதுகள் அறிவிக்கபட்டுள்ளன.
ஜிவி பிரகாஷூக்கு தேசிய விருது
அறிமுக இயக்குநர் ராம்குமார் பாலகிருஷ்ணன் இயக்கத்தில் ஹரிஷ் கல்யாண், எம் எஸ் பாஸ்கர், இந்துஜா ரவிச்சந்திரன் ஆகியோர் உள்பட பிரபலங்கள் பலர் நடிப்பில் கடந்த 2023 ஆம் ஆண்டு திரைக்கு வந்த படம் தான் பார்க்கிங். முழுக்க முழுக்க த்ரில்லர் டிராமாக கதிஅயை மையப்படுத்திய இந்தப் படத்திற்கு சாம் சிஎஸ் இசையமைத்திருந்தார். பேஷன் ஸ்டூடியோஸ் மற்றும் சோல்சர்ஸ் பேக்டரி நிறுவனங்கள் இணைந்து தயாரித்த இந்தப் படம் கலவையான விமர்சனங்களை எதிர்கொண்ட போதிலும் வணிக ரீதியாக நல்ல வரவேற்பு பெற்றது
தனுஷ், வாத்தி, ஜிவி பிரகாஷ்
தமிழில் வெளியான இந்தப் படம் தெலுங்கு, மலையாளம், ஹிந்தி, கன்னடம் ஆகிய மொழிகளில் ரீமேக் செய்யப்பட்டது. இந்த நிலையில் தான் இந்தப் படம் 3 தேசிய விருதுகளை வென்றுள்ளது. 2023 ஆம் ஆண்டுக்கான 71ஆவது தேசிய விருது இன்று அறிவிக்கப்பட்டது. இதில் பார்க்கிங் படம் மட்டுமே தமிழ் சினிமாவிற்கு 3 விருதுகளை வென்று கொடுத்துள்ளது.
அதன்படி.
சிறந்த திரைப்படம் – பார்க்கிங்
சிறந்த திரைக்கதை - ராம்குமார் பாலகிருஷ்ணன்
சிறந்த துணை நடிகர் – எம் எஸ் பாஸ்கர்
என்று பார்க்கிங் படம் மட்டுமே 3 விருதுகளை வென்றுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
