Prashanth : டாப் ஸ்டாருக்கு டர்னிங் பாயிண்டாக அமைந்த டாப் 5 படங்கள்... விஜய், அஜித்துக்கே தண்ணிகாட்டி இருக்கும் பிரசாந்த்..!

Top 5 Hits of Prashanth : தமிழ் சினிமாவில் டாப் ஸ்டாராக வலம் வந்த பிரசாந்த், கெரியரின் உச்சத்தில் இருந்தபோது கொடுத்த டாப் 5 ஹிட் படங்கள் பற்றி இந்த தொகுப்பில் பார்க்கலாம்.

Image Credit : X

Top 5 Hits of Prashanth

90களில் தமிழ் சினிமாவில் முன்னணி ஹீரோக்களின் வரிசையில் தனக்கென ஒரு இடத்தை உருவாக்கியவர் நடிகர் பிரசாந்த். நடிப்பு, நடனம், காதல் காட்சிகள் என அனைத்திலும் தனி முத்திரை பதித்த இவர், குறிப்பாக பெண் ரசிகர்களின் மனதில் சாக்லேட் பாய் என்ற அடையாளத்துடன் நீங்காத இடத்தை பிடித்தார்.

அந்த காலகட்டத்தில் பிரசாந்த் நடித்த பல திரைப்படங்கள் வசூல் ரீதியாகவும் ரசிகர்கள் மத்தியிலும் நல்ல வரவேற்பை பெற்றன. இன்று வரை அந்தப் படங்களின் பாடல்கள், காதல் காட்சிகள் மற்றும் கதைக்களம் ரசிகர்களால் நினைவுகூரப்பட்டு வருகின்றன. அந்த வகையில் பிரசாந்தின் திரைப்பயணத்தில் முக்கியமான 5 படங்களை பார்க்கலாம்.

Image Credit : X

1. செம்பருத்தி

ஆர்.கே. செல்வமணி இயக்கத்தில் 1992ஆம் ஆண்டு வெளியான செம்பருத்தி, பிரசாந்தின் ஆரம்பகால வெற்றிப் படங்களில் முக்கியமான ஒன்றாகும். கோவை தம்பி தயாரித்த இந்தப் படத்தில் ரோஜா, மன்சூர் அலிகான், நாசர் உள்ளிட்ட பலர் முக்கிய கதாபாத்திரங்களில் நடித்திருந்தனர்.

இப்படத்திற்கு இசைஞானி இளையராஜா இசையமைத்திருந்தார். குறிப்பாக “நிலா காயும் நேரம்” உள்ளிட்ட பாடல்கள் ரசிகர்களிடையே மிகப்பெரிய வரவேற்பை பெற்றன. காதல் மற்றும் குடும்ப உணர்வுகளை மையமாக கொண்ட இப்படம் பிரசாந்தின் மார்க்கெட்டை மேலும் உயர்த்திய படங்களில் ஒன்றாக அமைந்தது.

Image Credit : X

2. திருடா திருடா

மணிரத்னம் இயக்கத்தில் 1993ஆம் ஆண்டு வெளியான திருடா திருடா, பிரசாந்தின் வித்தியாசமான கதாபாத்திரத்தை ரசிகர்களுக்கு அறிமுகப்படுத்திய படமாக பார்க்கப்படுகிறது.

பிரசாந்துடன் ஆனந்த் மற்றும் அனு அகர்வால் உள்ளிட்டோர் நடித்திருந்தனர். நண்பர்களாக இருக்கும் மூவரும் திருட்டு சம்பவங்களில் ஈடுபடுவதும், அதன் பின்னர் அவர்கள் சந்திக்கும் எதிர்பாராத திருப்பங்களுமே படத்தின் கதைக்களமாக அமைந்திருந்தது.

மணிரத்னத்தின் தனித்துவமான இயக்கம், வேகமான திரைக்கதை மற்றும் பிரசாந்தின் நடிப்பு ஆகியவை இணைந்து இப்படத்திற்கு தனி வரவேற்பை பெற்றுத் தந்தன. அவரது சினிமா பயணத்தில் குறிப்பிடத்தக்க திருப்புமுனையாகவும் இந்தப் படம் அமைந்தது.

Image Credit : X

3. ஜீன்ஸ்

பிரசாந்தின் சினிமா வாழ்க்கையில் மிக முக்கியமான திரைப்படங்களில் ஒன்று ஜீன்ஸ். ஷங்கர் இயக்கத்தில் 1998ஆம் ஆண்டு வெளியான இப்படத்தில் பிரசாந்த் இரட்டை வேடங்களில் நடித்திருந்தார். அவருக்கு ஜோடியாக ஐஸ்வர்யா ராய் நடித்திருந்தார்.

காதல், குடும்பம் மற்றும் நகைச்சுவை கலந்து உருவான இப்படம் பிரம்மாண்டமான தயாரிப்பாலும் பேசப்பட்டது. குறிப்பாக உலகின் ஏழு அதிசயங்களை மையமாக வைத்து உருவாக்கப்பட்ட பாடல் காட்சி அப்போது மிகப்பெரிய கவனத்தை பெற்றது.

பிரசாந்த்–ஐஸ்வர்யா ராய் இணையின் காதல் காட்சிகளும் ரசிகர்களிடம் நல்ல வரவேற்பை பெற்றன. இன்றளவும் 90களின் ரசிகர்களால் மட்டுமின்றி புதிய தலைமுறை ரசிகர்களாலும் ரசிக்கப்படும் படமாக ஜீன்ஸ் உள்ளது.

Image Credit : X

4. ஜோடி

1999ஆம் ஆண்டு பிரவீன் காந்த் இயக்கத்தில் வெளியான ஜோடி, பிரசாந்த் மற்றும் சிம்ரன் இணைந்த காதல் திரைப்படமாகும்.

காதலிக்கும் இளம் ஜோடி தங்களது காதலை குடும்பத்தினரிடம் ஏற்றுக்கொள்ள வைப்பது மற்றும் திருமணத்தை நோக்கி அவர்கள் மேற்கொள்ளும் பயணத்தை மையமாக வைத்து கதை நகர்கிறது.

இப்படத்தின் மிகப்பெரிய பலங்களில் ஒன்று இசை. ஏ.ஆர். ரஹ்மான் இசையில் வெளியான பாடல்கள் ரசிகர்களிடம் மிகப்பெரிய வரவேற்பை பெற்றன. பிரசாந்த்–சிம்ரன் ஜோடியும் அப்போது ரசிகர்களின் கவனத்தை வெகுவாக ஈர்த்தது.

Image Credit : X

5. கண்ணெதிரே தோன்றினாள்

பிரசாந்த் மற்றும் சிம்ரன் இணைந்து நடித்த மற்றொரு குறிப்பிடத்தக்க திரைப்படம் கண்ணெதிரே தோன்றினாள். ரவிச்சந்திரன் இயக்கத்தில் வெளியான இப்படத்தில் கரணும் முக்கிய கதாபாத்திரத்தில் நடித்திருந்தார்.

காதலை மட்டுமின்றி, இரு நண்பர்களுக்கு இடையேயான ஆழமான நட்பையும் மையமாகக் கொண்டு கதை உருவாக்கப்பட்டிருந்தது. நட்புக்கும் காதலுக்கும் இடையே உருவாகும் உணர்வுகளை அழுத்தமாக பதிவு செய்த இப்படம் ரசிகர்களிடம் நல்ல வரவேற்பை பெற்றது.

படத்தின் பாடல்களும் அப்போது ஹிட் பட்டியலில் இடம்பெற்றன. பிரசாந்தின் நடிப்புடன் சிம்ரன் மற்றும் கரணின் கதாபாத்திரங்களும் படத்திற்கு கூடுதல் பலமாக அமைந்தன.