Nayanthara : 50 கோடியில் சொகுசு ஜெட்; போயஸ் கார்டனில் வீடு - ராணி போல் ஜம்முனு வாழும் நயன்தாராவின் சொத்து மதிப்பு எவ்வளவு தெரியுமா?

Nayanthara Net Worth : சார்ட்டர்ட் அக்கவுன்டன்ட் (CA) ஆக வேண்டும் என்று கனவு கண்ட ஒரு பெண், இன்று இந்திய சினிமாவின் லேடி சூப்பர்ஸ்டாராக உயர்ந்துள்ளார். அவரைப் பற்றி இந்த தொகுப்பில் பார்க்கலாம்.

Image Credit : Instagram

Nayanthara net worth

சினிமானா ஹீரோக்கள் தான் எல்லாம், அவங்க சம்பளம் தான் அதிகம், அவங்க தான் பிரைவேட் ஜெட்ல பறப்பாங்கன்னு ஒரு காலம் இருந்துச்சு. ஆனா, அந்த கணக்கையெல்லாம் மாத்தி, ஆண்களுக்கு நிகரா ஒரு சாம்ராஜ்யத்தை உருவாக்கி, 'லேடி சூப்பர்ஸ்டார்'னு கெத்தா நிக்கிறாங்க நயன்தாரா.

இன்னைக்கு 200 கோடிக்கும் அதிகமான சொத்துக்களுக்கு உரிமையாளரா இருக்கிற நயன்தாராவோட உண்மையான பெயர் டயானா மரியம் குரியன். காலேஜ் படிக்கும்போது, சார்ட்டர்ட் அக்கவுன்டன்ட் (CA) ஆகணும்னு தான் இவங்க ஆசைப்பட்டாங்களாம். ஆனா விதி பாருங்க, பேலன்ஸ் ஷீட் பார்க்க வேண்டிய பொண்ணு, இன்னைக்கு பாக்ஸ் ஆபீஸ் கணக்கையே மாத்தி எழுதிட்டு இருக்காங்க. 2003-ல மலையாளத்துல 'மனசினக்கரே' படம் மூலமா சினிமாவுக்குள்ள வந்தப்போ, இவ்வளவு பெரிய உயரத்துக்கு வருவாங்கன்னு யாரும் நினைச்சுக்கூட பார்க்கல.

Image Credit : Instagram

சம்பளத்தில் ஹீரோக்களுக்கே டஃப் கொடுக்கும் நயன்தாரா

வெறும் கவர்ச்சிப் பாத்திரங்கள்ல மட்டும் நடிக்காம, கதாநாயகிக்கு முக்கியத்துவம் உள்ள படங்கள்ல நடிச்சு, ஹீரோக்கள் ஆதிக்கம் செலுத்துற சினிமாவுக்கு சவால் விட்டாங்க நயன்தாரா. இன்னைக்கு ஒரு படத்துக்கு இவங்க வாங்குற சம்பளம் எவ்வளவு தெரியுமா? சுமார் 10-ல இருந்து 12 கோடி ரூபாய்! தென்னிந்தியாவுல டாப் ஹீரோக்களுக்கு இணையா சம்பளம் வாங்குற ஒரே நடிகை இவங்கதான்னு சொல்லப்படுது.

Image Credit : Insatgram

சொந்த ஜெட்

தென்னிந்திய சினிமாவுல பெரிய ஹீரோக்கள் பிரைவேட் ஜெட்ல போறத பார்த்திருப்போம். ஆனா, சொந்தமா பிரைவேட் ஜெட் வெச்சிருக்குற ஒரே தென்னிந்திய நடிகை நயன்தாரா தான். சுமார் 50 கோடி ரூபாய் மதிப்புள்ள இந்த ஜெட்ல தான், கணவர் விக்னேஷ் சிவன் கூட ஷூட்டிங், வெக்கேஷன்னு பறந்துட்டு இருக்காங்க. இது வெறும் ஆடம்பரம் இல்ல, ஒரு பெண் தன் உழைப்பால் எந்த உயரத்தையும் தொட முடியும்ங்கிறதுக்கு இது ஒரு சாட்சி.

Image Credit : instagram

பிசினஸ்லயும் கலக்கும் நயன்தாரா

நயன்தாரா ஒரு நடிகை மட்டுமல்ல, ஒரு ஸ்மார்ட்டான பிசினஸ்வுமனும் கூட. கணவர் விக்னேஷ் சிவன் கூட சேர்ந்து 'ரவுடி பிக்சர்ஸ்' மூலமா பல வெற்றிப் படங்களை தயாரிச்சிட்டு வராங்க. இதுமட்டுமில்லாம, ஸ்கின் கேர் பிராண்ட், காஸ்மெட்டிக்ஸ்னு பல தொழில்களிலும் முதலீடு செஞ்சிருக்காங்க. சென்னை, ஹைதராபாத், மும்பைல பல கோடி மதிப்புள்ள சொகுசு பங்களாக்கள் இவங்களுக்கு இருக்கு. அதுமட்டுமில்லாம, BMW, மெர்சிடிஸ் பென்ஸ், ரேஞ்ச் ரோவர்னு இவங்க வீட்டு கேரேஜ்ல கார்கள் அணிவகுத்து நிக்குது.

Image Credit : Instagram

ஜவான் மூலம் பாலிவுட்டை மிரட்டியவர்

சமீபத்துல ஷாருக்கான் கூட 'ஜவான்' படம் மூலமா பாலிவுட்ல என்ட்ரி கொடுத்த நயன்தாரா, அங்கேயும் தன்னோட மாஸை காட்டினாங்க. கல்யாணம் ஆகி, ரெண்டு குழந்தைகளுக்கு அம்மா ஆன பிறகும், இன்னைக்கும் சவுத் இண்டஸ்ட்ரியோட மோஸ்ட் டிமாண்டிங் ஹீரோயினா தொடர்ந்துட்டு இருக்காங்க.

மொத்தத்துல, CA ஆக வேண்டிய ஒரு பொண்ணு, இன்னைக்கு இந்திய சினிமாவின் ஒரு பெரிய பிராண்டா வளர்ந்து நிக்கிறது, ஒரு சினிமா கதை மாதிரி தான் இருக்கு. தோல்விகள், சர்ச்சைகள் எல்லாத்தையும் தாண்டி ஃபீனிக்ஸ் பறவை மாதிரி எழுந்து வந்த இந்த நயன்தாரா, கோடிக்கணக்கான பெண்களுக்கு ஒரு பெரிய இன்ஸ்பிரேஷன்!