பிக்பாஸ் வீட்டுக்குள் காதலியோடு சென்று கும்மாளம் போடும் அர்னவ்! வெளுத்து வாங்கிய மனைவி திவ்யா ஸ்ரீதர்!

Bigg Boss Tamil Season 8: சீரியல் நடிகர் அர்னவ் தன்னுடன் காதலில் கிசுகிசுக்கப்படும் அக்ஷிதாவுடன் பிக்பாஸ் நிகழ்ச்சியில் கலந்து கொண்டுள்ள நிலையில், இவர்கள் இருவரையும் சீரியல் நடிகை திவ்யா ஸ்ரீதர் வெளுத்து வாங்கிய பழைய வீடியோக்கள் சமூக வலைதளத்தில் மீண்டும் வைரலாக துவங்கியுள்ளது. 

Arnav and Dhivya sridhar

விஜய் டிவியில் அக்டோபர் 6-ஆம் தேதி, ரசிகர்களின் எதிர்பார்ப்புக்கு மத்தியில் துவங்கப்பட்ட நிகழ்ச்சி பிக்பாஸ் தமிழ் சீசன் 8. இந்த நிகழ்ச்சியை நடிகர் விஜய் சேதுபதி தொகுத்து வழங்கிய நிலையில், ரவீந்தர் சந்திரசேகர் முதல் போட்டியாளராக பிக்பாஸ் வீட்டுக்குள் நுழைந்தார். இவரை தொடர்ந்து,  சாச்சனா, தீபக், ஆர் ஜே ஆனந்தி, ரஞ்சித், முத்துக்குமரன், ஜெஃப்ரி, அர்னவ், அக்ஷிதா, தர்ஷா குப்தா, அருண் பிரசாத்,  ஜாக்குலின், தர்ஷிகா, பவித்ரா ஜனனி உள்ளிட்ட மொத்தம் 18 போட்டியாளர்கள் உள்ளே நுழைந்தனர்.

யாரும் எதிர்பாராத விதமாக, நிகழ்ச்சி துவங்கிய  24 மணி நேரத்தில் ஒரு போட்டியாளர் வெளியேற்றப்படுவார் என பிக்பாஸ் அறிவித்ததை தொடர்ந்து, இதற்கான எவிக்சன் நேற்று நடந்தது. இதில் பலரும் சாச்சனா கூறிய ஒற்றை வார்த்தையை குறிப்பிட்டு கூறி... அதிக ஓட்டுகள் அடிப்படையில் அவரை வீட்டை விட்டு வெளியேற்றினர்.  இந்த சம்பவம் ரசிகர்கள் மத்தியில் அதிர்ச்சியை ஏற்படுத்தி இருந்தாலும், நிகழ்ச்சி மீதான ஆர்வத்தையும் தூண்டியது.

Arnav marriage

இதைத்தொடர்ந்து இன்றைய தினம், தயாரிப்பாளர் ரவீந்தர் சந்திரசேகருக்கு காலில் அடிபட்டதால்... அவர் தொடர்ந்து விளையாடுவதில் சிக்கல் ஏற்பட்டுள்ளது. எனவே மருத்துவர்கள் அறிவுறுத்தலின் பெயரில் அவர் வெளியேற்றப்படலாம் என கூறப்படுகிறது.

இது ஒரு புறம் இருக்க அர்னவ் மற்றும் அக்ஷிதா பற்றிய தகவல்கள் தான் அதிகம் சமூக வலைதளத்தில் ட்ரோல் செய்யப்பட்டு வருகிறது. அதே போல் அர்னவ் மனைவி திவ்யா ஸ்ரீதர், இவர்கள் இருவரையும் குறிப்பிட்ட பேசி... வெளுத்து வாங்கிய பழைய சம்பவங்களையும், அதன் வீடியோக்களையும் நெட்டிசன்கள் சமூக வலைதளத்தில் வெளியிட்டு வருகிறார்கள்.

Dhivya Sridhar allegation

அர்னவ் சன் டிவியில் ஒளிபரப்பான 'கேளடி கண்மணி' சீரியலில் நடித்த போது... அந்த சீரியலில் நடித்து வந்த  நடிகை திவ்யா ஸ்ரீதரை காதலித்து திருமணம் செய்து கொண்டார். இருவரும் திருமணம் செய்து கொள்ளாமல் சில வருடங்கள் லிவிங் ரிலேஷன்ஷிப்பில் வாழ்ந்த நிலையில்... பின்னர் இந்து முறைப்படியும், இஸ்லாம் முறைப்படியும் திருமணம் செய்து கொண்டனர். அர்னவ் 'செல்லமா' சீரியலில் நடித்து வந்த போது... அதில் நாயகியாக நடிக்கும், அக்ஷிதாவுக்கும், இவருக்கும் ஏற்பட்ட நட்பு காதலாக மாறியது.

ஒரு கட்டத்தில், அர்னவின் கள்ளக்காதல் சமாச்சாரம் தெரிய வரவே... திவ்யா ஸ்ரீதர் அழுது ஆர்ப்பாட்டம் செய்து தன்னுடைய ஆதங்கத்தை வெளிப்படுத்தியுள்ளார். இதற்கு அர்னவ், திவ்யாவை தாக்கியுள்ளார். கடந்த 2022-ஆம் ஆண்டு திவ்யா ஸ்ரீதர் மருத்துவமனையில் இருந்தபடி கொடுத்த பேட்டி வைரலாகியது. மேலும் தான் கர்ப்பமாக இருக்கும் தகவலையும் திவ்யா கூறினார். அப்போது தான் அக்ஷிதா தனக்கு முன்னே என்னுடைய கணவர் அர்னவுக்கு காதலை வெளிப்படுத்துகிறார். நான் ஏதாவது கேட்டால் என்னை இருவருமே சேர்ந்து வாயிக்கு வந்த வார்த்தைகளை கொண்டு திட்டுகிறார்கள் என தெரிவித்தார். 

Bigg boss tamil season 8 contestant

அர்னவ் திருநங்கை உட்பட மற்றொரு பெண்ணுடன் தொடர்பில் இருந்ததை வெளிப்படுத்தும் நோக்கத்தில்... திவ்யா வெளியிட்ட ஆடியோக்கள் அதிர்ச்சியை ஏற்படுத்தியது. இந்த சர்ச்சையை தொடர்ந்து அர்னவ்... தன்னுடைய காதலை அக்ஷிதாவுடன் பிக்பாஸ் வீட்டுக்குள் நுழைந்துள்ளார். இருவருமே ஏற்கனவே அறிமுகமானவர்கள் என்றாலும், அர்னவ் வீட்டுக்குள் வந்த போது அதனை வெளிகாட்டிக்கொள்ளவில்லை. வாட் ஏ சர்பிரைஸ் என கேட்டார். இப்போது வரை அக்ஷிதாவுடன் மட்டுமே அர்னவ் சுற்றி கொண்டிருப்பதையும் பார்க்க முடிகிறது.

Arnav and Akshitha Affair

அதே போல் 24 மணிநேரத்தில் சாச்சனாவை டார்கெட் செய்து வெளியே அனுப்பிவிட்டீர்கள் என கண் கலங்கி அழுதார். இதை பார்த்த ரசிகர்கள் சிலர்... கட்டிய மனைவியை அடித்து கொடுமை செய்து விட்டு, பெற்ற மகளை இதுவரை ஒரு முறை கூட பார்க்காத உனக்கு, அவர்கள் மீது வராத பாசம், அவர்களுக்காக வராத அழுகை 24 மணிநேரம் பார்த்த ஒரு பெண்ணுக்காக வருகிறதா? என ட்ரோல் செய்து வந்தனர்.

அர்னவ் மற்றும் அக்ஷிதா எப்போது தங்களது காதல் கண்டெண்ட்டை கொடுப்பார்கள் என்கிற எதிர்பார்ப்பு ஒருபுறம் இருந்தாலும், திவ்யா ஸ்ரீதர், இவர்கள் இருவரையும் வெளுத்தி வாங்கிய வீடியோ சமூக வலைத்தளங்களில் படு வைரலாக பார்க்கப்பட்டு வருகிறது.