- Home
- Cinema
- இட்லி கடை லைஃப் டைம் வசூலை 6 நாளில் வாரிசுருட்டிய தேரே இஷ்க் மே - பாக்ஸ் ஆபிஸில் செஞ்சுரி அடித்த தனுஷ்..!
இட்லி கடை லைஃப் டைம் வசூலை 6 நாளில் வாரிசுருட்டிய தேரே இஷ்க் மே - பாக்ஸ் ஆபிஸில் செஞ்சுரி அடித்த தனுஷ்..!
ஆனந்த் எல் ராய் இயக்கத்தில் தனுஷ், கிருத்தி சனோன் நடிப்பில் வெளியாகி வெற்றிநடைபோட்டு வரும் தேரே இஷ்க் மே திரைப்படத்தின் பாக்ஸ் ஆபிஸ் வசூல் நிலவரத்தை பற்றி பார்க்கலாம்.
Tere Ishk Mein Box Office
தனுஷ் மற்றும் கிருத்தி சனோன் நடித்த காதல் திரைப்படமான 'தேரே இஷ்க் மே' பாக்ஸ் ஆபிஸில் அமோக வசூல் செய்து வருகிறது. வர்த்தக கண்காணிப்பு இணையதளமான sacnilk.com அறிக்கையின்படி, ஆனந்த் எல். ராய் இயக்கத்தில் உருவான 'தேரே இஷ்க் மே' ஆறாவது நாளில் சுமார் 6.75 கோடி ரூபாய் வசூலித்துள்ளது. 5 ஆம் நாளுடன் ஒப்பிடும்போது வசூல் சுமார் 34% குறைந்துள்ளது. படத்தின் 5வது நாள் வசூல் 10.25 கோடி ரூபாயாக இருந்தது.
தேரே இஷ்க் மே 100 கோடி வசூல்
ஆறாவது நாள் வசூல் நிலவரப்படி, தனுஷ் மற்றும் கிருத்தி சனோன் நடித்த இப்படத்தின் இந்தியாவின் நிகர வசூல் சுமார் 76.75 கோடி ரூபாயை எட்டியுள்ளது. இரண்டாவது வார இறுதியில் இந்தியாவில் இதன் நிகர வசூல் 100 கோடி ரூபாயைத் தாண்டும் என எதிர்பார்க்கப்படுகிறது. உலகளாவிய வசூலைப் பொறுத்தவரை, 'தேரே இஷ்க் மே' 100 கோடி ரூபாய் என்ற மைல்கல்லைத் தாண்டியுள்ளது. வர்த்தக அறிக்கைகளின்படி, இப்படம் உலகளவில் சுமார் 100.5 கோடி ரூபாய் வசூலித்துள்ளது.
தேரே இஷ்க் மே படத்திற்கு ரெஸ்பான்ஸ்
உள்நாட்டு பாக்ஸ் ஆபிஸில், 'தேரே இஷ்க் மே' அஜய் தேவ்கனின் 'தே தே பியார் தே 2' படத்தை (₹72.27 கோடி) முந்தியுள்ளது. 'சையாரா' மற்றும் 'ஏக் தீவானே கி தீவானியத்' படங்களுக்குப் பிறகு 2025-ல் அதிக வசூல் செய்த மூன்றாவது காதல் படமாக இது உள்ளது. ஃபிலிமிபீட் அறிக்கையின்படி, 'தேரே இஷ்க் மே' சுமார் 85 கோடி ரூபாய் பட்ஜெட்டில் தயாரிக்கப்பட்டுள்ளது. இதன் மூலம், படம் அதன் பட்ஜெட்டில் 90 சதவீதத்திற்கும் மேல் வசூலித்துள்ளது. இரண்டாவது வார இறுதியில் இது லாபகரமான படமாக மாறும்.
100 கோடி கிளப்பில் இணைந்த தனுஷ்
இந்த ஆண்டு தனுஷுக்கு இரண்டாவது 100 கோடி வசூல் படமாக தேரே இஷ்க் மே மாறி இருக்கிறது. இதற்கு முன்னதாக தெலுங்கில் அவர் நடித்த குபேரா திரைப்படம் 137 கோடி வசூல் செய்திருந்தது. இதற்கு அடுத்தபடியாக தமிழில் தனுஷ் நடித்த இட்லி கடை திரைப்படம் கடந்த அக்டோபர் மாதம் ரிலீஸ் ஆகி பாக்ஸ் ஆபிஸில் ரூ.71.5 கோடி வசூலித்து இருந்தது. அந்த வசூலை 6 நாட்களிலேயே அடிச்சு தூக்கி இருக்கிறது தேரே இஷ்க் மே திரைப்படம்.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
