மருதநாயகம் கமல் கெட்-அப்பில் மாஸ் ஆக எண்ட்ரி கொடுத்த தனுஷ்... டிரெண்டாகும் வாத்தி நாயகனின் போட்டோஸ்

நடிகர் தனுஷ் நடிப்பில் தற்போது வாத்தி திரைப்படம் உருவாகி உள்ளது. வெங்கி அட்லூரி என்கிற தெலுங்கு இயக்குனர் இப்படத்தை இயக்கி உள்ளார். இப்படத்தின் மூலம் நடிகர் தனுஷ் டோலிவுட்டில் ஹீரோவாக அறிமுகமாக உள்ளார். 

வாத்தி திரைப்படத்தில் தனுஷுக்கு ஜோடியாக மலையாள நடிகை சம்யுக்தா நடித்துள்ளார். இப்படம் மூலம் தமிழில் ஹீரோயினாக எண்ட்ரி கொடுக்க உள்ளார் சம்யுக்தா. மேலும் இதில் நடிகர் கருணாஸின் மகன் கென் கருணாஸ், சமுத்திரக்கனி ஆகியோரும் முக்கிய கதாபாத்திரத்தில் நடித்துள்ளனர்.

தெலுங்கு தயாரிப்பாளர் வம்சி தயாரித்துள்ள வாத்தி திரைப்படத்தில் தனுஷ் கணக்கு வாத்தியாராக நடித்து இருக்கிறார். இப்படம் தமிழில் வாத்தி என்கிற பெயரிலும், தெலுங்கில் சார் என்கிற பெயரிலும் ரிலீசாக உள்ளது. இப்படத்திற்கு இசையமைப்பாளர் ஜிவி பிரகாஷ் இசையமைத்து உள்ளார். ஏற்கனவே இப்படத்தின் பாடல்கள் வெளியாகி ரசிகர்கள் மத்தியில் அமோக வரவேற்பை பெற்றது.

இதையும் படியுங்கள்... Lokesh kanagaraj : இந்த தப்பு இனி நடக்ககூடாது..! லோகேஷ் கனகராஜின் உத்தரவால் லியோ ஷூட்டிங் ஸ்பாட்டில் கெடுபிடி

வாத்தி திரைப்படம் நாளை அதாவது பிப்ரவரி 17-ந் தேதி உலகமெங்கும் ரிலீசாக உள்ளது. இப்படத்தை தமிழகத்தில் செவன் ஸ்கிரீன் நிறுவனம் வெளியிடுகிறது. இந்நிறுவனம் தான் விஜய் நடித்த வாரிசு திரைப்படத்தையும் ரிலீஸ் செய்தது.

வாத்தி படத்தின் புரமோஷன் பணிகளும் படு ஜோராக நடைபெற்று வருகிறது. நேற்று ஐதராபாத்தில் நடந்த வாத்தி படத்தின் ப்ரீ ரிலீஸ் நிகழ்ச்சியில் நடிகர் தனுஷ் உள்பட வாத்தி படக்குழுவினர் கலந்துகொண்டனர்.

இந்நிகழ்ச்சியில் மருதநாயகம் கமல் கெட்-அப்பில் மாஸாக எண்ட்ரி கொடுத்த தனுஷ், வா வாத்தி பாடலை தெலுங்கில் பாடி ரசிகர்களுக்கு இன்ப அதிர்ச்சி கொடுத்தார். அந்த நிகழ்ச்சியில் பேசுகையில் வாத்தி படம் நிச்சயம் வெற்றிபெறும் என தனுஷ் நம்பிக்கை தெரிவித்தார்.

தனுஷ் தற்போது நடித்து வரும் கேப்டன் மில்லர் படத்துக்காக வைத்துள்ள கெட்-அப் தான் மருதநாயகம் கமல் போல் உள்ளதாக ரசிகர்கள் கமெண்ட் செய்து வருகின்றனர். ஒரு சிலரோ கமல் மருதநாயகம் படத்தை தனுஷை வைத்து எடுக்க வேண்டும் எனவும் கோரிக்கை விடுத்து வருகின்றனர்.

இதையும் படியுங்கள்... ரோபோ சங்கரை வனத்துறையிடம் வசமாக சிக்க வைத்த ஹோம் டூர் வீடியோ... வீட்டில் வளர்த்த 2 கிளிகள் பறிமுதல்