லீக்கான குக் வித் கோமாளி போட்டியாளர் லிஸ்ட்; எதிர்நீச்சல் சீரியல் நடிகையும் இருக்காங்க!
விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியின் ஆறாவது சீசனில் போட்டியாளராக கலந்துகொள்ளப் போகும் பிரபலங்கள் யார் என்பதை பார்க்கலாம்.
Cooku with Comali Season 6 Contestants : விஜய் டிவியில் சக்கைப்போடு போடும் ரியாலிட்டி ஷோ என்றால் அது குக் வித் கோமாளி தான். இந்த நிகழ்ச்சி இதுவரை ஐந்து சீசன்கள் முடிவடைந்து உள்ளது. இந்த நிலையில், குக் வித் கோமாளி நிகழ்ச்சியின் ஆறாவது சீசன் மே மாதம் முதல் வெற்றிகரமாக தொடங்கப்பட உள்ளது. இந்நிகழ்ச்சியின் புரோமோக்களும் வரிசையாக வெளியிடப்பட்டு வரும் நிலையில், தற்போது இதில் கலந்துகொள்ள உள்ள போட்டியாளர்கள் யார் என்கிற தகவல் கசிந்துள்ளது.
சீரியல் நடிகை மதுமிதா
குக் வித் கோமாளியில் எதிர்நீச்சல் நாயகி
அதன்படி சன் டிவியில் ஒளிபரப்பான எதிர்நீச்சல் தொடரில் நாயகியாக நடித்த மதுமிதாவும் இந்த ஆறாவது சீசனில் போட்டியாளராக கலந்துகொண்டு தன்னுடைய சமையல் திறமையை காட்ட உள்ளாராம். இவர் தற்போது விஜய் டிவியில் ஒளிபரப்பாகி வரும் அய்யனார் துணை என்கிற சீரியலில் நாயகியாக நடித்து வருகிறார். இந்த சீசனில் மதுமிதா ஹைலைட்டான போட்டியாளராக இருப்பார் என எதிர்பார்க்கப்படுகிறது. இவருக்கு ஏராளமான ரசிகர்களும் உள்ளனர்.
நடிகை ப்ரீத்தி சஞ்சீவ்
சஞ்சீவ் மனைவி ப்ரீத்தி
இதுதவிர நடிகர் விஜய்யின் நண்பன் சஞ்சீவ்வின் மனைவி ப்ரீத்தியும் குக் வித் கோமாளி நிகழ்ச்சியின் ஆறாவது சீசனில் போட்டியாளராக கலந்துகொள்ள அதிக வாய்ப்புகள் உள்ளதாக கூறப்படுகிறது. அண்மையில் வெளியான புரோமோவில் கூட குரேஷி தன் கையில் ஒரு கார்டு வைத்திருந்தார். அதில் ப்ரீத்தியின் புகைப்படம் தான் இடம்பெற்று இருந்ததாக நெட்டிசன்கள் கண்டுபிடித்து வைரலாக்கி வருகின்றனர். இவர் சின்னத்திரை சீரியல்களிலும் நடித்து வருகிறார்.
குக் வித் கோமாளி நடுவர்கள்
குக் மட்டுமில்ல கோமாளிகளும் புதுசு
மேலும் இந்த சீசனில் புது கோமாளிகளையும் களமிறக்கி உள்ளனர். அந்த வகையில் புகழ், குரேஷி, சுனிதா, சரத், ராமர், என பழைய கோமாளிகள் சிலர் இருந்தாலும், புதுவரவாக பிக் பாஸ் செளந்தர்யா, இன்ஸ்டா பிரபலம் சர்ஜின் குமார், பாடகர் பூவையார், மற்றும் டோலி ஆகியோர் கோமாளிகளாக களமிறக்கப்பட உள்ளனர். அதுமட்டுமின்றி இந்த சீசனில் மாதம்பட்டி ரங்கராஜ், செஃப் தாமு ஆகியோருடன் செஃப் கெளஷிக்கும் புது நடுவராக களமிறங்கி உள்ளதால் போட்டி கடுமையாக இருக்கும் என எதிர்பார்க்கப்படுகிறது.