'குக் வித் கோமாளி' புகழின் அம்மா இவங்களா? வைரலாகும் செல்பி புகைப்படம்..!
'கலக்க போவது யார்' நிகழ்ச்சியில் ஸ்டாண்ட்அப் காமெடியனாக நுழைந்து, 'குக் வித் கோமாளி' நிகழ்ச்சியில் மிகவும் பிரபலமாகி, தற்போது வெள்ளித்திரையில் அடுத்தடுத்த படங்களில் கமிட் ஆகி நடித்து வரும் புகழ், தன்னுடைய அம்மாவுடன் எடுத்து கொண்ட செல்பி புகைப்படம் வைரலாக பார்க்கப்பட்டு வருகிறது.
விஜய் தொலைக்காட்சியில் எத்தனையோ நிகழ்ச்சிகள் ஒளிபரப்பானாலும் சில நிகழ்ச்சிகள் மக்கள் மனதில் பேராதரவு பெற்று விடுகின்றன. அப்படி ரசிகர்களின் ஏகபோக வரவேற்பை பெற்ற நிகழ்ச்சியாக ‘குக் வித் கோமாளி’ உள்ளது.
தற்போது ஒளிபரப்பாகி வரும் இரண்டாவது சீசனில் கோமாளிகளாக புகழ், பாலா, சரத், சுனிதா, சக்தி, பார்வதி, மணிமேகலை, ஷிவாங்கி என்று பலர் கலந்து கொண்ட நிலையில் போட்டியாளராக மதுரை முத்து, கொண்ட தர்ஷா, பாபா பாஸ்கர், கனி, தீபா, அஸ்வின், தர்ஷா குப்தா, பவித்ரா என்று 8 பேர் கலந்து கொண்டனர்.
இந்த நிகழ்ச்சியில் சிவாங்கியை அடுத்து ரசிகர்களின் மனம் கவர்ந்த புகழ், போன சீசனிலாவது ரம்யா பாண்டியன் உடன் மட்டுமே கலகலப்பாக கலாட்டா செய்து வந்தார். இந்த முறைய தர்ஷா, சுனிதா, பவித்ரா என 3 இளம் பெண்களுடன் முரட்டு சிங்கிள்ஸ் வயிறெறியும் அளவுக்கு ரவுண்ட் கட்டி வருகிறார்.
சமீபத்தில் குக் வித் கோமாளி நிகழ்ச்சி மூலம் கிடைத்த பிரபலத்தால் தல அஜித்தின் வலிமை படத்தில் முக்கிய கதாபாத்திரத்தில் நடித்து வருவதாக வீடியோ ஒன்று வெளியாகி வைரலானது.
தற்போது தமிழ் சினிமாவின் முன்னணி இயக்குநரான ஹரி இயக்கத்தில் அருண் விஜய், பிரியா பவானி ஷங்கர் உள்ளிட்டோர் நடித்து வரும் பெயரிடப்படாத படத்தில் குக் வித் கோமாளி புகழ் முக்கிய கதாபாத்திரத்தில் நடிப்பது உறுதியாகியுள்ளது.
குக் வித் கோமாளி நிகழ்ச்சியில் கிடைத்த வரவேற்பால் அடுத்தடுத்த படங்களில் பிஸியாகி வரும், புகழ் முதல் முறையாக தன்னுடைய அம்மாவுடன் எடுத்து கொண்ட செல்பி புகைப்படத்தை வெளியிட, இந்த புகைப்படத்திற்கு லைக்குகள் குவிந்து வருகிறது. மேலும் பலரும் இதனை வைரலாக ஷேர் செய்து வருகிறார்கள்.
சேனலை கிளிக் செய்து பின்தொடரவும்
