தடுப்பூசி போட்டு கொண்ட... 'குக் வித் கோமாளி' செல்லக்குட்டி ஷிவாங்கி!
சூப்பர் சிங்கர் நிகழ்ச்சி மற்றும் 'குக் வித் கோமாளி' நிகழ்ச்சிகள் மூலம் பிரபலமான ஷிவாங்கி, தடுப்பூசி போட்டு கொள்ளும் போது எடுத்த புகைப்படம் தற்போது வெளியாகி உள்ளது.
சூப்பர் சிங்கர் நிகழ்ச்சியை தாண்டி, ஷிவங்கியை மிகவும் பிரபலமடைய வைத்தது என்றால், அது 'குக் வித் கோமாளி' நிகழ்ச்சி தான். இதில் அனைவரும் விரும்பும் கோமாளியாக இருந்தவர் ஷிவாங்கி. குறிப்பாக இவர் அஷ்வினுடன் சேர்ந்து, சமைக்கும் எபிசோடுகளுக்கு வேற லெவலில் ரசிகர்கள் உள்ளனர்.
எப்போதும் துறுதுறுவென இருக்கும் இவரது, செய்கைகள் ரசிகர்களை மிகவும் கவர்ந்தது. குறிப்பாக ரசிகர்களை தாண்டி ஷிவாங்கிக்கு பல பிரபலங்களும் ரசிகர்களாக உள்ளனர். தற்போது தன்னை பலர் தங்கள் வீட்டு பிள்ளை மாதிரி தான் பார்ப்பதாக ஷிவாங்கியே நிகழ்ச்சி ஒன்றில் கண்களில் கண்ணீரோடு கூறியிந்தார்.
இவரது திறமைகளுக்கு மேலும் மகுடம் சூட்டும் விதமாக, சிவகார்த்திகேயனுடன் டான், மற்றும் இன்னும் ஒரு சில படங்களில் கமிட் ஆகி நடித்து வருகிறார்.
இந்நிலையில் தற்போது கொரோனா இரண்டாவது அலையின் அச்சுறுத்தல் தீவிரமாக பரவி வருவதை தொடர்ந்து, ஷிவாங்கி... கொரோனாவுக்கு எதிரான முதல் டோஸ் தடுப்பூசி போட்டு கொண்டுள்ளார்.
இதுகுறித்த புகைப்படங்களை அவர் வெளியிட, நெட்டிசன்கள் பலரும் பாத்து ஊசி குத்துங்க செல்ல குட்டிக்கு வலிக்க போகுது என, ஒரு குழந்தையை பார்த்து சொல்வது போல் கமெண்ட் செய்து வருகிறார்கள்.
ஏற்கனவே குக் வித் கோமாளி நிகழ்ச்சி மூலம் பிரபலமான, பவித்ரா லட்சுமி, கனி போன்ற பலர் தடுப்பூசி போட்டு கொண்ட நிலையில் அவர்களை தொடர்ந்து ஷிவாங்கியும் போட்டுகொண்டுள்ளார். இந்த புகைப்படங்கள் வைரலாக பார்க்கப்பட்டு வருகிறது.