திமிராக பேசிய அப்பாஸ்; ஆனந்தம் படப்பிடிப்பில் அடிக்க பாய்ந்த பாவா லட்சுமணன்! என்ன நடந்தது?

தமிழில், கடந்த 1996 ஆம் ஆண்டு வெளியான, 'காதல் தேசம்' திரைப்படத்தின் மூலம் ஹீரோவாக அறிமுகமானவர் அப்பாஸ். இந்தப் படத்தின் வெற்றிக்குப் பின்னர், வி ஐ பி, பிரியா ஓ பிரியா, பூச்சூடவா, இனி எல்லாம் சுகமே, பூவேலி, படையப்பா, சுயம்வரம், மலபார் போலீஸ், என சுமார் 50-க்கும் மேற்பட்ட படங்களில் நடித்தார். 

தமிழ் மட்டும் இன்றி தெலுங்கு, கன்னடம், இந்தி, உள்ளிட்ட மொழிகளில் ஒருசில படங்களில் அப்பாஸ் நடித்திருந்தாலும்,  இவருக்கு சாக்லேட் ஹீரோ என்கிற இமேஜை பெற்று தந்தது கோலிவுட் திரை உலகம் தான்.

பல படங்களில் இரண்டாவது ஹீரோவாக மட்டுமே நடித்த அப்பாஸுக்கு, ஏனோ சோலோ ஹீரோவாக நடித்த படங்கள் கைகொடுக்காமல் போனது. சரியான படவாய்ப்புகள் கிடைக்காததால், திரையுலகை விட்டு முழுமையாக விலகிய அப்பாஸ், தன்னுடைய மனைவி, மகன், மகளுடன் வெளிநாட்டில் செட்டில் ஆனார். வெளிநாட்டில் பெட்ரோல் பங்க் உள்ளிட்ட பல வேலைகள் செய்து தன்னுடைய குடும்பத்தை காப்பாற்றினார்.

விரைவில் அப்பாஸ் தமிழில் மீண்டும் ரீ-என்ட்ரி கொடுக்க வாய்ப்புள்ளதாக கூறப்படும் நிலையில்... பிரபல காமெடி நடிகர் பாவா லட்சுமணன் கொடுத்துள்ள பேட்டி தற்போது வைரலாகி வருகிறது.  

ஸ்கூல் படிக்கும் போதே.. சமந்தாவுக்கு இப்படி ஒரு லவ் ஸ்டோரி இருந்ததா? முதல் முறையாக பகிர்ந்த தகவல்!
 

கடந்த 2001 ஆம் ஆண்டு, மம்மூட்டியை ஹீரோவாக வைத்து இயக்குனர் லிங்குசாமி இயக்கி இருந்த திரைப்படம் 'ஆனந்தம்'. அண்ணன் - தம்பிகள் பாசத்தை மையமாக வைத்து, ஜனரஞ்சகமான குடும்ப கதைக்களத்தில் எடுக்கப்பட்ட இந்த திரைப்படம் பாக்ஸ் ஆபிசில் மிகப்பெரிய வெற்றி பெற்ற நிலையில், சுமார் 125 நாட்கள் ஓடி சாதனை செய்தது. இந்த படத்தை சூப்பர் குட் பிலிம்ஸ் சார்பில், ஆர்.பி. சௌத்ரி தயாரித்திருந்தார்.

இந்த படத்தில் மம்மூட்டியை தவிர, முரளி, அப்பாஸ், தேவயானி, ரம்பா, சினேகா, ஷியாம் கணேஷ், உள்ளிட்ட பலர் நடித்திருந்தனர். எஸ்ஏ ராஜ்குமார் இந்த படத்திற்கு இசையமைத்திருந்தார். இந்த படத்தில் அப்பாஸுக்கு ஜோடியாக நடிகை சினேகா நடித்திருந்த நிலையில், சினேகா - அப்பாஸ் ஜோடி அதிகம் ரசிக்கப்பட்டது. 

ரகசிய திருமணம்; ஊருக்கே தெரியாமல் குழந்தையை பெற்ற ரஜினி - விஜய் பட ஹீரோயினா இது?
 

இந்த படத்தின் படப்பிடிப்பில், நடந்த அதிர்ச்சி சம்பவம் குறித்து சமீபத்தில் கொடுத்த பேட்டி ஒன்றில் பகிர்ந்து கொண்டுள்ளார் பிரபல காமெடி நடிகர் பாவா லட்சுமணன். "இதுகுறித்து கூறியுள்ள அவர்,  நான்கு அண்ணன் தம்பிகள் வைத்து எடுக்க வேண்டிய ஒரு காட்சியை எடுக்க இயக்குனர் திட்டமிட்ட நிலையில், நடிகர் மம்மூட்டி படப்பிடிப்புக்கு காலை 6:30 மணிக்கே தயாராகி வந்துவிட்டார். அப்பாஸ் எட்டு மணிக்கு மேலாகியும் வரவில்லை. மிகவும் சாவகாசமாக அவர் வந்த போது, இதைப் பார்த்து கடுப்பான பாவா லட்சுமணன், அப்பாஸ் வந்ததும் என்ன கொஞ்சம் கூட பொறுப்பில்லாமல் இருக்கீங்க என்று கேட்டுள்ளார்.
 

அதற்கு அப்பாஸ் அப்படித்தான் வர முடியும் என்று, மிகவும் திமிராக பதில் சொன்ன நிலையில், கோவத்தில் அடிக்க போய்விட்டாராம். பின்னர் அது ஒரு பிரச்சனையாக மாறி, இதைத்தொடர்ந்து அப்பாஸ் சரியான நேரத்திற்கு படப்பிடிப்புக்கு வர துவங்கினார் என கூறியுள்ளார். 

சூர்யாவின் 1000 நாள் உழைப்புக்கு பலன் கிடைத்ததா? 'கங்குவா' படத்தை பார்க்க வேண்டிய 5 காரணம்!