- Home
- Cinema
- OTT : ஒவ்வொரு 10 நிமிஷத்துக்கு ஒரு ட்விஸ்ட்... ஓடிடி-ல இந்தப் படம் பார்த்தா உங்க மண்டைக்குள்ள ஓடிக்கிட்டே இருக்கும்...!
OTT : ஒவ்வொரு 10 நிமிஷத்துக்கு ஒரு ட்விஸ்ட்... ஓடிடி-ல இந்தப் படம் பார்த்தா உங்க மண்டைக்குள்ள ஓடிக்கிட்டே இருக்கும்...!
Malayalam Thriller on OTT : ஒரு மலை கிராமத்துக்கு மாறுவேடத்தில் போலீஸ் செல்கிறார்கள். ஆனால், அங்கே நடக்கும் விசித்திரமான சம்பவங்களால் அவர்கள் அங்கே மாட்டிக்கொள்கிறார்கள். இந்த த்ரில்லிங் படம் ஓடிடி-யில் உள்ளது.
Must Watch Movie on OTT
2021ஆம் ஆண்டு வெளியானாலும், இன்றளவும் ஓடிடி ரசிகர்கள் மத்தியில் பேசப்படும் படங்களில் ஒன்றாக இருந்து வருகிறது ‘சுருளி’. சாதாரணமான கதை என்று நினைத்து படத்தை தொடங்கினால், அடுத்தடுத்து அரங்கேறும் எதிர்பாராத ட்விஸ்ட்கள் பார்வையாளர்களை ஆச்சரியத்தில் ஆழ்த்தும். குறிப்பாக, கதையின் போக்கு ஒவ்வொரு சில நிமிடங்களுக்கும் மாறுவதால், அடுத்து என்ன நடக்கப்போகிறது என்பதை கணிப்பது மிகவும் கடினமாக இருக்கும்.
படம் முடிந்த பிறகும் அதன் கதையும், கிளைமாக்ஸில் இடம்பெறும் சம்பவங்களும் ரசிகர்களின் மண்டைக்குள் ஓடிக்கிட்டே இருக்கும். இதனால், படத்தை ஒருமுறை பார்த்த பிறகு மீண்டும் பார்க்க வேண்டும் என்ற ஆர்வத்தையும் இது ஏற்படுத்துகிறது. இன்றளவும் படத்தின் கிளைமாக்ஸ் மற்றும் அதில் மறைந்திருக்கும் விஷயங்கள் குறித்து ரசிகர்கள் பல்வேறு கோணங்களில் விவாதித்து வருகின்றனர்.
வெறும் 19 நாட்களில் படப்பிடிப்பு!
‘சுருளி’ படத்தின் மற்றொரு சுவாரஸ்யமான தகவல் அதன் படப்பிடிப்பு தொடர்பானது. முழு திரைப்படமும் வெறும் 19 நாட்களில் படமாக்கப்பட்டதாக கூறப்படுகிறது. மேலும், படத்தின் பெரும்பாலான காட்சிகள் அடர்ந்த வனப்பகுதியை பின்னணியாகக் கொண்டே உருவாக்கப்பட்டுள்ளன. கொரோனா பெருந்தொற்று காலத்திற்கு முன்பே காட்டுப்பகுதிகளில் படப்பிடிப்பு நடைபெற்றதாக கூறப்படும் நிலையில், அந்த இயற்கையான சூழலே படத்தின் திகில் மற்றும் மர்ம உணர்வை மேலும் அதிகரிக்கிறது. காடும், அங்கு வசிக்கும் மக்களின் வித்தியாசமான வாழ்க்கை முறையும் கதையின் முக்கிய அம்சங்களாக மாறுகின்றன.
போலீஸை சுற்றி நடக்கும் மர்மம்
ஒரு குற்றவாளியை தேடி சில போலீஸ் அதிகாரிகள் மாறுவேடத்தில் தொலைதூர காட்டு கிராமம் ஒன்றிற்குள் நுழைகின்றனர். ஆனால் அவர்கள் எதிர்பார்த்ததைவிட அந்த கிராமமும், அங்கு வாழும் மக்களும் முற்றிலும் வித்தியாசமாக இருக்கின்றனர். அவர்களின் பழக்கவழக்கங்களும், விசித்திரமான நடவடிக்கைகளும் போலீஸாருக்குள் அச்சத்தை ஏற்படுத்துகின்றன. அதைவிட அதிர்ச்சியாக, அந்த கிராமத்திற்குள் சென்ற பிறகு அங்கிருந்து எளிதாக வெளியேற முடியாது என்பதை அவர்கள் உணர்கின்றனர். அதன் பிறகுதான் கதையின் உண்மையான மர்மம் மெல்ல மெல்ல வெளிப்படத் தொடங்குகிறது.
அடுத்தடுத்து வரும் ட்விஸ்ட்
ஒரு சாமியார், பேய் மற்றும் மர்மமான பந்து என வித்தியாசமான விஷயங்களைச் சுற்றி கதை நகர்கிறது. இவை ஒன்றோடு ஒன்று எப்படி தொடர்புடையவை என்பது படத்தின் முக்கிய டர்னிங் பாயிண்ட் ஆக அமைந்துள்ளது. கதை செல்லும் திசையை பார்வையாளர்களால் முன்கூட்டியே கணிக்க முடியாத வகையில் திரைக்கதை அமைக்கப்பட்டிருப்பதால், படம் முழுவதும் பதற்றமான மனநிலையை தக்க வைத்துக்கொள்கிறது. குறிப்பாக, அடுத்தடுத்து வரும் திருப்பங்கள் படத்தின் மீதான ஆர்வத்தை தொடர்ந்து அதிகரிக்கின்றன.
எந்த ஓடிடியில் பார்க்கலாம்?
வினய் ஃபோர்ட், ஜோஜு ஜார்ஜ், சஜின் கோபு, ஜாஃபர் இடுக்கி உள்ளிட்டோர் முக்கிய கதாபாத்திரங்களில் நடித்துள்ள ‘சுருளி’ திரைப்படத்தை சோனி லிவ் ஓடிடி தளத்தில் காணலாம். படத்தை லிஜோ ஜோஸ் பெல்லிசேரி இயக்கியுள்ளார். வழக்கமான திகில் திரைப்படங்களைப் போல இல்லாமல், மர்மம், அமானுஷ்ய அம்சங்கள் மற்றும் எதிர்பாராத திருப்பங்களுடன் வித்தியாசமான அனுபவத்தை வழங்கும் இந்தப் படம், ட்விஸ்ட் நிறைந்த கதைகளை விரும்புபவர்களுக்கு இன்னும் கவனம் பெறும் படைப்பாகவே உள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
