வைரமுத்து வீட்டுக்கு சென்ற முதல்வர்... ஒரு பாலியல் குற்றவாளியை போய் கொண்டாடுறீங்களேனு வெளுத்துவாங்கிய சின்மயி

இன்று பிறந்தநாள் கொண்டாடும் கவிஞர் வைரமுத்துவுக்கு வாழ்த்து தெரிவிக்க பெசண்ட் நகரில் உள்ள அவரது இல்லத்துக்கு சென்ற முதல்வர் மு.க.ஸ்டாலின், பொன்னாடை போற்றி வாழ்த்தினார். அப்போது எடுக்கப்பட்ட புகைப்படத்தை டுவிட்டரில் பகிர்ந்து “தமிழ்க்கவிக்கு இது எழுபதாவது பிறந்தநாள். இன்னும் பல படைப்புகளைத் தருக கவிஞரே! உமது திரைமொழியும் கவிமொழியும் தமிழ்மொழியை இன்னும் பல்லாண்டு வளர்க்கட்டும்!” என வாழ்த்தி பதிவிட்டிருந்தார் ஸ்டாலின்.

அவரின் இந்த பதிவை பார்த்து கொந்தளித்த பாடகி சின்மயி, நீண்ட பதிவின் மூலம் தனது ஆதங்கத்தை வெளிப்படுத்தி உள்ளார். அதில் அவர் கூறி இருப்பதாவது : “பல பெண்களை பாலியல் வன்கொடுமைக்கு ஆளாக்கிய ஒரு மனிதனின் பிறந்தநாளுக்கு நேரில் சென்று வாழ்த்து தெரிவித்திருக்கிறார் தமிழக முதல்வர்; பல விருதுகளை பெற்ற பாடகியும், டப்பிங் கலைஞருமான நான், MeToo இயக்கத்தின் மூலம் இந்தக் கவிஞர் மீது பாலியல் புகார் தெரிவித்ததற்காக, 2018ம் ஆண்டு முதல் தமிழ்த் திரைப்படத் துறையில் பணியாற்ற முடியாத தடையை எதிர்கொண்டிருக்கிறேன். கிட்டத்தட்ட 5 ஆண்டுகளுக்கு மேல் ஆகிவிட்டது. 

பல தசாப்தங்களுக்கு முன்னர் பிறந்த அந்த கவிஞர், எந்தப் பெண்ணின் மீதும் கை வைக்கலாம் என்று முடிவு செய்தார். பல அரசியல்வாதிகளுடன் குறிப்பாக திமுகவுடன் தனக்கு இருக்கும் நெருக்கத்தால் சம்பந்தப்பட்ட பெண்களை அச்சுறுத்தினார். அவர் பல பத்ம விருதுகள் மற்றும் சாகித்ய நாடக அகாடமி விருது மற்றும் பல தேசிய விருதுகளையும் பெற்றுள்ளார். இந்த மனுஷனுக்கு இருக்கும் சக்தி இதுதான்.

இதையும் படியுங்கள்... பிரம்மாண்ட இயக்குனரின் மகளுக்கு இவ்வளவு தான் சம்பளமா.... மாவீரனில் நடிக்க அதிதி வாங்கியது எவ்வளவு தெரியுமா?

நானும் பல பெண்களும் இதற்கு முன்பு ஏன் பேசவில்லை என்று கேட்டார்கள். தமிழ்நாட்டு அரசியல்வாதிகள் பெண்களின் பாதுகாப்புக்காக பேசுவதாக கூறுவது அவமானம். வைரமுத்துவைப் பற்றி பேச்சு எழும்போதெல்லாம் அவர்கள் அனைவரும் அமைதியாகிவிடுவார்கள்.

ஒவ்வொரு ஆண்டும் இவரின் பிறந்தநாளில், சிறந்த தமிழ்ப் பெண்ணியப் பண்பாட்டில் உள்ள ஆண்களும், பெண்களும் பாலியல் வன்கொடுமைக்கு ஆளாக்கப்பட்ட பெண்ணைக் குறியிட்டு வயிறு எரியுதா என்று சொல்கிறார்கள். இந்த மண்ணில் இந்த அற்புதமான கலாச்சாரம் தான் உள்ளது. இது, நமது அற்புதமான பலாத்கார மன்னிப்புக் கலாச்சாரம். இங்கே அவர்கள் பாலியல் குற்றவாளிகளைக் கொண்டாடுகிறார்கள், அவர்களுக்கு எதிராக பேசும் பெண்களைத் துன்புறுத்துகிறார்கள்.

உணர்வு, கல்வி மற்றும் விழிப்புணர்வு ஆகியவை பூஜ்ஜியமாகும். பிரிஜ் பூஷன் முதல் வைரமுத்து வரை அவர்கள் அனைவரும் எப்போதும் தப்பித்து விடுவார்கள், ஏனென்றால் அரசியல்வாதிகள் இவர்களைப் பாதுகாப்பார்கள். நீதி என்று அழைக்கப்படும் இந்த மந்திர யுனிகார்ன் விஷயத்திற்கு ஏன் கவலைப்பட வேண்டும். ஏனெனில் அது அடிப்படையிலேயே இந்த நிலத்தில் இல்லாத ஒன்று” என பதிவிட்டுள்ளார் சின்மயி.

இதையும் படியுங்கள்... காஸ்ட்லியான சொகுசு கார் வாங்கிய குக் வித் கோமாளி சுனிதா... அதன் விலை தெரிஞ்சா ஷாக் ஆகிடுவீங்க!