வழக்கு தள்ளுபடி... சென்னை உயர்நீதிமன்ற உத்தரவால் தனுஷ், ஐஸ்வர்யா ரஜினிகாந்த் செம்ம ஹாப்பி

சென்னை உயர்நீதிமன்றத்தின் தீர்ப்பு நடிகர் தனுஷ் மற்றும் ஐஸ்வர்யா ரஜினிகாந்துக்கு நிம்மதியை அளித்துள்ளது. வேலையில்லா பட்டதாரி படத்திற்கு எதிரான வழக்கை சென்னை உயர்நீதிமன்றம் ரத்து செய்தது. படத்தில் புகைப்பிடிக்கும் காட்சிகளில் எச்சரிக்கை எதுவும் இல்லை என்பதுதான் வழக்கு. இந்த வழக்கை எதிர்த்து தனுஷ் தொடர்ந்த மேல்முறையீட்டு மனுவில் தான் சென்னை உயர்நீதிமன்றம் இத்தகைய உத்தரவு பிறப்பித்துள்ளது. 

2014ஆம் ஆண்டு தனுஷ் நடிப்பில் வெளியான திரைப்படம் தான் வேலையில்லா பட்டதாரி. இப்படத்தில் அதிகளவிலான புகைப்பிடிக்கும் காட்சிகள் இடம்பெற்று இருந்தது பெரும் சர்ச்சையை ஏற்படுத்தியது. குறிப்பாக தனுஷ் சிகரெட் பிடிக்கும் காட்சி இடம்பெற்ற போது அதற்கான எச்சரிக்கை வாசகங்கள் சரியாக இடம்பெறவில்லை என்றும், இது 2003 ஆம் ஆண்டு புகைபிடித்தல் தடைச் சட்டத்தை மீறும் வகையில் இருந்ததால் அதன் மீது நடவடிக்கை எடுக்கக்கோரி, புகையிலை கட்டுப்பாட்டுக்கான மக்கள் அமைப்பின் சார்பில் கடந்த 2014-ம் ஆண்டு தமிழக அரசிடம் புகார் அளிக்கப்பட்டது. 

இதையும் படியுங்கள்... மாட்டிக்கிட்ட பங்கு... ஜவான் படத்துக்காக இத்தனை படங்களில் இருந்து காப்பி அடித்துள்ளாரா அட்லீ!

இதையடுத்து வழக்கும் தொடரப்பட்டது. இந்த வழக்கை விசாரணைக்கு எடுத்துக்கொண்ட சைதாப்பேட்டை நீதிமன்றம் வழக்கு விசாரணை நடத்தி வந்தது. ஆனால் இதை எதிர்த்து சென்னை உயர்நீதிமன்றத்தை அணுகினார் நடிகர் தனுஷ். 2003 ஆம் ஆண்டின் புகைபிடித்தல் தடைச் சட்டத்தின்படி, புகைபிடிக்கும் பொருட்களுக்கான விளம்பரங்களில் தான் இவ்வாறு எழுதப்பட வேண்டும். இது புகையிலை விளம்பரம் அல்ல, திரைப்படம். இதனை படத்தில் காட்டக்கூடாது என தனுஷ் தரப்பில் வாதிடப்பட்டது. 

தனுஷ் தரப்பு வாதத்தை ஏற்றுக்கொண்ட நீதிமன்றம், இந்த வழக்கை தள்ளுபடி செய்தது. இப்படத்தின் தயாரிப்பாளராக இருந்ததால் ஐஸ்வர்யா ரஜினிகாந்த்தின் பெயரும் இதில் இடம்பெற்று இருந்தது குறிப்பிடத்தக்கது. இந்த வழக்கு தள்ளுபடி செய்யப்பட்டதால் தனுஷும், ஐஸ்வர்யா ரஜினிகாந்தும் செம்ம ஹாப்பியாக உள்ளார்களாம்.

இதையும் படியுங்கள்... ஐட்டம் டான்ஸ் ஆட... ஒரு நிமிடத்துக்கு ஒரு கோடி சம்பளம் - லெஜண்ட் பட நடிகைக்கு இவ்ளோ மவுசா!