வாய்ப்பில்ல ராஜா! 50 வயது நடிகையோடு டேட்டிங் சென்று பிரேக்-அப் வதந்திக்கு முற்றுப்புள்ளி வைத்த போனி கபூர் மகன்

பாலிவுட்டில் முன்னணி தயாரிப்பாளராக வலம் வருபவர் போனி கபூர். கடந்த சில ஆண்டுகளாக இவர் தமிழிலும் படங்களை தயாரித்து வருகிறார். அந்த வகையில் தமிழில் இவர் தயாரிப்பில் வெளிவந்த 4 படங்களில் 3 படங்கள் அஜித் உடையது. அஜித் நடித்த நேர்கொண்ட பார்வை, வலிமை, துணிவு ஆகிய படங்கள் இவர் தயாரித்தது தான். இவருக்கு அர்ஜுன் கபூர் என்கிற மகன் உள்ளார். இவரும் பாலிவுட்டில் இளம் நடிகராக வலம் வந்து கொண்டிருக்கிறார்.

38 வயதாகும் அர்ஜுன் கபூர் இன்னும் திருமணம் செய்துகொள்ளவில்லை. அவர் தற்போது நடிகை மலைக்கா அரோராவை காதலித்து வருகிறார். அர்ஜுனை விட நடிகை மலைக்கா அரோரா 12 வயது மூத்தவர் ஆவார். அதுமட்டுமின்றி ஏற்கனவே திருமணமாகி விவாகரத்தும் பெற்றுவிட்டார் நடிகை மலைக்கா அரோரா. இவர்கள் இருவரும் திருமணம் செய்துகொள்ளமலே ஒரே வீட்டில் லிவ்விங் டுகெதராக வாழ்ந்து வருகின்றனர்.

இதையும் படியுங்கள்...  அப்பாஸ் முதல் ரேகா நாயர் வரை... பக்காவாக ரெடியான 18 பேர் - பிக்பாஸ் சீசன் 7 போட்டியாளர்கள் லிஸ்ட் லீக்கானது

அர்ஜுன் கபூர், மலைக்கா அரோரா ஜோடி திருமணம் செய்துகொள்ள உள்ளதாக கடந்த ஆண்டே செய்திகள் வெளியாகியது. ஆனால் அவர்கள் இருவரும் தற்போது வரை திருமணம் செய்துகொள்ளாமலே ஜோடியாக வாழ்ந்து வருகிறார்கள். இதனிடையே கடந்த சில நாட்களாக இவர்கள் இருவரும் பிரேக் அப் செய்து பிரிந்துவிட்டதாக சமூக வலைதளங்களில் செய்திகள் வெளியாகி பரபரப்பை ஏற்படுத்தியது.

ஆனால் இந்த பிரேக் அப் பற்றி எந்தவித கருத்தும் தெரிவிக்காமல் இருந்து வந்த இந்த ஜோடி, நேற்று மும்பையில் உள்ள ஹோட்டல் ஒன்றிற்கு ஜோடியாக டேட்டிங் சென்று தங்களைப்பற்றிய வதந்திகளுக்கு முற்றுப்புள்ளி வைத்துள்ளனர். நடிகை மலைக்கா அரோரா மணிரத்னம் இயக்கிய உயிரே திரைப்படத்தில் இடம்பெற்ற தையா தையா என்கிற பாடலுக்கு நடனமாடியதன் மூலம் பேமஸ் ஆனவர் என்பது குறிப்பிடத்தக்கது.

இதையும் படியுங்கள்... சுதந்திர தினத்தில் Youtubeல் வெளியான ஹே ராம்.. "படைத்த புதிய சாதனை" - 23 ஆண்டுகள் கழித்தும் மவுசு குறையவில்லை!