பிரபாஸின் 'ஸ்பிரிட்' படத்தில் ஸ்டார் ஹீரோவின் மனைவி? வங்கா பிளானிங்!
Kajol Join With Prabhas in Spirit Movie : சந்தீப் ரெட்டி வங்கா இயக்கத்தில் பிரபாஸ் ஹீரோவாக நடிக்கும் 'ஸ்பிரிட்' படத்தில் பாலிவுட்டின் மூத்த நடிகை ஒருவர் முக்கிய கதாபாத்திரத்தில் நடிக்க உள்ளார். அதுகுறித்த விவரங்களை இந்த தொகுப்பில் பார்க்கலாம்.
பிரபாஸ் நடிப்பில் உருவாகி வரும் புதிய படம் ஸ்பிரிட்
பாகுபலி ஹீரோ பிரபாஸ் நடிப்பில் உருவாகி வரும் புதிய படம் ஸ்பிரிட். பான் இந்தியா படமாக இந்தப் படம் உருவாகி வருகிறது. இந்தப் படத்தை நடிகர் சிரஞ்சீவி தொடங்கி வைத்தார். இந்தப் படத்தில் முதலில் பாலிவுட் நடிகை தீபிகா படுகோன் நடிக்க இருந்தார். ஆனால் அவர் இந்தப் படத்திலிருந்து விலகியதைத் தொடர்ந்து அவருக்குப் பதிலாக அனிமல் புகழ் நடிகை திருப்தி டிம்ரி ஹீரோயினாக அறிவிக்கப்பட்டார். இந்த நிலையில் இந்தப் படத்தில் இப்போது கஜோல் முக்கிய ரோலில் நடிக்க இருப்பதாக கூறப்படுகிறது.
ஸ்பிரிட்' அவருக்கு ஒரு சரியான அறிமுகப் படமாக அமையும்
பாலிவுட்டில் நீண்டகாலமாக முன்னணி நடிகையாக இருந்தவர் கஜோல். டப்பிங் படங்கள் தவிர, அவர் நேரடியாக தெலுங்கில் நடித்ததில்லை. எனவே, 'ஸ்பிரிட்' அவருக்கு ஒரு சரியான அறிமுகப் படமாக அமையும் என்று கூறப்படுகிறது. கஜோலின் கணவரும், முன்னணி நடிகருமான அஜய் தேவ்கன் 'RRR' படத்தில் நடித்திருந்தார். 'ஸ்பிரிட்' படத்தில் பிரகாஷ் ராஜ் இணைந்துள்ளார்.
பிரபாஸ் ஒரு போலீஸ் அதிகாரி
இப்படத்தில் பிரபாஸ் ஒரு போலீஸ் அதிகாரியாக நடிக்கிறார். தற்போது 'ஸ்பிரிட்' படத்தின் படப்பிடிப்பு ஹைதராபாத்தில் நடைபெற்று வருகிறது. இந்த ஷெட்யூலில் பிரபாஸ் 2 நாட்கள் மட்டுமே பங்கேற்பார் என கூறப்படுகிறது. டி-சீரிஸ் நிறுவனம் இப்படத்தை தயாரிக்கிறது என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.