போன மாசம் கர்ப்பம்... இப்போ அமீருடன் ரகசிய திருமணம்.. அடுத்து என்ன? பிக்பாஸ் பாவனியின் ஷாக்கிங் ரிப்ளை

பிக்பாஸ் நிகழ்ச்சி மூலம் அறிமுகமாகி பின்னர் காதலிக்க தொடங்கிய அமீரும், பாவனியும் ரகசியமாக திருமணம் செய்துகொண்டதாக ரசிகர் ஒருவர் கேட்ட நிலையில், இதுகுறித்து பாவனி விளக்கம் அளித்துள்ளார்.

விஜய் டிவியில் ஒளிபரப்பான ரெட்டைவால் குருவி, சின்னத்தம்பி போன்ற சீரியல்களில் நடித்து வந்தவர் பாவனி ரெட்டி, இவர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் 5-வது சீசனில் போட்டியாளராக களமிறங்கினார். அந்த சீசனில் இவருடன் சக போட்டியாளராக கலந்துகொண்ட அமீர், பிக்பாஸ் வீட்டில் இருக்கும்போதே பாவனியை துரத்தி துரத்தி காதலித்து வந்தார். ஆனால் அந்த சமயத்தில் அமீரின் காதலை ஏற்காமல் இருந்து வந்தார் பாவனி.

இதையடுத்து பிக்பாஸ் ஜோடிகள் என்கிற நடன நிகழ்ச்சியில், அமீரும், பாவனியும் ஜோடியாக களமிறங்கினர். அந்த சமயத்தில் இருவரும் நெருங்கிப் பழகத் தொடங்கியதை அடுத்து பாவனியும் அமீரை காதலிக்க தொடங்கினார். இதனை இருவருமே அதிகாரப்பூர்வமாக அறிவித்துவிட்டனர். அண்மையில் அஜித் நடிப்பில் வெளியான துணிவு படத்தில் கூட அமீரும், பாவனியும் ஜோடியாக நடித்திருந்தனர்.

இதையும் படியுங்கள்... ஆர்.ஆர்.ஆர் குழுவின் ஆஸ்கர் செலவை வெளியிட்ட ராஜமவுலி மகன்... அப்போ 80 கோடினு சொன்னதெல்லாம் உருட்டா..!

தற்போது அமீரும், பாவனியும் திருமணம் செய்துகொள்ளாமலேயே ஒரே வீட்டில் வாழ்ந்து வருகிறார்கள். இதனிடையே சமீபத்தில் இன்ஸ்டாகிராம் வாயிலாக ரசிகர்களுடன் கலந்துரையாடினார் பாவனி. அப்போது ரசிகர்கள் கேட்ட கேள்விகளுக்கு பதிலளித்து வந்தார். அப்போது ரசிகர் ஒருவர், உங்களுக்கும் அமீருக்கும் திருமணம் ஆனதை நீங்க ஏன் அதிகாரப்பூர்வமாக சொல்லவில்லை என கேள்வி எழுப்பினார்.

இதற்கு பதிலளித்த பாவனி, “ம்ம்ம்... நீங்க முடிவே பண்ணிட்டீங்களா. கடந்த மாதம் கர்ப்பமா இருக்கேன்னு சொன்னீங்க. அதையடுத்து நாங்கள் இருவரும் பிரேக் அப் செய்து பிரிந்துவிட்டதாக கூறினீர்கள். தற்போது நாங்கள் ரகசிய திருமணம் செய்துகொண்டதாக சொல்கிறீர்கள். அடுத்து என்னது” என சிரிக்கும் எமோஜியுடன் பதிலளித்து தாங்கள் ரகசிய திருமணம் செய்யவில்லை என்பதை உறுதிப்படுத்தி உள்ளார் பாவனி.

இதையும் படியுங்கள்... காது கொடுத்து கேட்க முடியல... விடுதலை படத்தில் இவ்ளோ கெட்ட வார்த்தைகளா..! வெளியானது சென்சார் சான்றிதழ்