‘கிளிய வளத்து பன்னிகிட்ட குடுத்துட்டீங்க’... ரவீந்தர் திருமணத்தை கிண்டலடித்தவர்களை லெப்ட் ரைட் வாங்கிய காஜல்
தயாரிப்பாளர் ரவீந்தர் - நடிகை மகாலட்சுமி திருமணத்தை விமர்சித்தவர்களுக்கு நடிகையும், பிக்பாஸ் பிரபலமுமான காஜல் பதிலடி கொடுத்துள்ளார்.
தயாரிப்பாளர் ரவீந்தர் சந்திரசேகர் கடந்த சில தினங்களுக்கு முன்னர் சீரியல் நடிகை மகாலட்சுமியை திருமணம் செய்து கொண்டார். அவர்கள் இருவருக்குமே இது இரண்டாவது திருமணம் ஆகும். அவர்கள் இருவரும் திடீரென திருமணம் செய்துகொண்டது அனைவருக்குமே அதிர்ச்சியாகவே இருந்தது. கடந்த சில நாட்களாகவே கோலிவுட்டின் ஹாட் டாப்பிக்காக இருந்தது இவர்களது திருமண பேச்சு தான்.
ரவீந்தர் - மகாலட்சுமி திருமணத்துக்கு வாழ்த்துக்கள் ஒருபுறம் குவிந்து வந்தாலும், மறுபுறம் அதிகளவில் ட்ரோல்களும் செய்யப்பட்டு வந்தன. நடிகை மகாலட்சுமி காசுக்காக தான் அவரை திருமணம் செய்துகொண்டதாக கடுமையாக விமர்சித்து வந்தனர். இதற்கு பதிலடி கொடுத்த மகாலட்சுமி, ரவீந்தர் தான் தன்னை காதலிப்பதாக முதலில் புரபோஸ் செய்ததாகவும், மனசை பார்த்து தான் அவரை காதலித்து திருமணம் செய்துகொண்டதாகவும் தெரிவித்தார்.
இதையும் படியுங்கள்... வாழ்த்துக்காக காத்திருந்த ரவீந்தருக்கு பல்பு கொடுத்த வனிதா... கெட்ட வார்த்தையோடு போட்ட டுவிட் வைரல்
இந்நிலையில், ரவீந்தர் திருமணத்தை விமர்சித்தவர்களுக்கு நடிகையும், பிக்பாஸ் பிரபலமுமான காஜல் பதிலடி கொடுத்துள்ளார். அதன்படி மகாலட்சுமி - ரவீந்தர் திருமணத்தை ட்ரோல் செய்தவர்களின் பதிவுகளை ஸ்கிரீன்ஷாட் எடுத்து தனது பேஸ்புக் பக்கத்தில் பதிவிட்டுள்ளார் காஜல். அதில் ஒருவர், “என்னடா கிளிய வளத்து பன்னிகிட்ட குடுத்துட்டீங்க... பணம் பண்ற வேலை” என குறிப்பிட்டிருந்தார்.
மற்றொரு பதிவில், மனசை மனிபர்ஸுகுள்ள ஒழிச்சி வெச்சிருக்காங்களா என ஒரு பெண் பதிவிட்டதை பார்த்து கடுப்பான காஜல், அவருக்கு பதிலடி கொடுத்து பதிவிட்டுள்ளதாவது : “அது எப்டிங்க... நயன் விக்னேஷ கட்டிக்கிட்டாலும் நயன் தான் தப்பு. மஹா ரவிய கட்டிக்கிட்டாலும் மஹா தான் தப்பு. என்ன ஒரு ஆம்பள புத்தி” என விளாசியுள்ளார். காஜலின் இந்த பதிவுக்கு லைக்குகள் குவிந்து வருகின்றன.
இதையும் படியுங்கள்... யோகி பாபுவின் "ஷூ "...பாக்யராஜ் கலந்து கொண்ட பட ட்ரைலர் வெளியீட்டு விழா