பிரபல சீரியலில் நடிக்கும் பிக்பாஸ் வனிதா... வைரலாகும் ஷூட்டிங் ஸ்பாட் போட்டோஸ்...!
பீட்டர் பாலை பிரிந்த பிறகு தற்போது வனிதாவின் வாழ்வில் வசந்தம் வீச ஆரம்பித்துள்ளது.
தமிழ் சினிமாவில் முன்னணி நடிகையாக வலம் வந்த வனிதா விஜயகுமார். நீண்ட இடைவெளிக்குப் பிறகு பிக்பாஸ் சீசன் 3 நிகழ்ச்சியில் பங்கேற்றதன் மூலமாக மீண்டும் ரசிகர்களிடையே பிரபலமானார்.
அதைவிட பீட்டர் பால் திருமண விவகாரம் மூலம் பட்டி, தொட்டி எல்லாம் பிரபலமடைந்தார். மூன்றாவது முறையாக பீட்டர் பால் என்பவரை வனிதா கிறிஸ்துவ முறைப்படி திருமணம் செய்து கொண்டார். ஆனால் பீட்டர் பால் ஏற்கனவே திருமணமாகி முறையாக விவகாரத்து பெறாதவர் என்ற சர்ச்சை விஸ்வரூபம் எடுத்தது.
அனைத்து பிரச்சனைகளையும் சமாளித்து பீட்டர் பாலுடன் மகிழ்ச்சியாக வாழ ஆரம்பித்த சில மாதங்களிலேயே இருவருக்கும் இடையே பிரச்சனை ஏற்பட்டு பிரிந்தனர். பீட்டர் பாலின் குடிப்பழக்கம் தான் பிரிவிற்கு காரணம் என வனிதாவே பகிரங்கமாக வீடியோ வெளியிட்டார்.
பீட்டர் பாலை பிரிந்த பிறகு தற்போது வனிதாவின் வாழ்வில் வசந்தம் வீச ஆரம்பித்துள்ளது. ஆம்.. யூ-டியூப் சேனல், விஜய் தொலைக்காட்சி நிகழ்ச்சி என பிசியாக வலம் வரும் வனிதா, ஹீரோயினாக கமிட்டாகியுள்ளார்.
பாபி சிம்ஹா, கீர்த்தி சுரேஷ் ஆகியோரை வைத்து பாம்பு சட்டை என்ற படத்தை இயக்கி ஆதம் தாசன், ஹீரோயினை மையமாக வைத்து அடுத்த படமொன்றி இயக்க உள்ளார். அதில் கதாநாயகியாக நடிக்க வனிதா ஒப்பந்தமாகியுள்ளார் என்ற செய்தி அவருடைய ரசிகர்களை மகிழ்ச்சியில் ஆழ்த்தியது.
தற்போது பிரபல தொலைக்காட்சியில் ஒளிபரப்பாகி வரும் திருமதி ஹிட்லர் என்ற சீரியலில் வனிதா நடித்துள்ளதாக ஷூட்டிங் ஸ்பாட் புகைப்படங்கள் சோசியல் மீடியாவில் வைரலாகி வருகின்றன.
அம்பிகா, சின்னத்திரை நடிகை அமீத் உள்ளிட்டோர் நடித்து வரும் இந்த சீரியலில் வனிதா சிறப்பு தோற்றத்தில் சில காட்சிகளில் நடித்துள்ளதாக ரசிகர்கள் புகைப்படங்களை சோசியல் மீடியாவில் ஷேர் செய்து வருகின்றனர்.