பாரதி கண்ணம்மா சீரியல் நடிகைக்கு பாடிபில்டர் உடன் திருமணம்! முத்தமழை பொழிந்த தம்பதிக்கு குவியும் வாழ்த்துக்கள்
Shruthi Shanmuga Priya : நடிகை ஸ்ருதியின் கணவர் அரவிந்த் சேகர் பாடி பில்டராக உள்ளார். சமீபத்தில் ஆணழகன் போட்டியில் கலந்துகொண்டு பதக்கத்தையும் வென்றுள்ளார்.
திருமுருகன் இயக்கிய நாதஸ்வரம் என்கிற சூப்பர் ஹிட் சீரியலில் நடித்ததன் மூலம் மக்கள் மத்தியில் பிரபலமானவர் ஸ்ருதி சண்முகப்பிரியா. இந்த சீரியலில் நாயகனான கோபியின் 4 தங்கைகளுள் ஒருவராக நடித்திருந்தார் ஸ்ருதி. இதையடுத்து வாணி ராணி, கல்யாணப் பரிசு, பொன்னூஞ்சல் போன்ற தொடர்களில் நடித்திருந்த இவர் சில படங்களிலும் சைடு ரோலில் நடித்துள்ளார்.
இவர் கடைசியாக பாரதி கண்ணம்மா சீரியலில் நடித்திருந்தார். இந்த சீரியலில் நாயகன் பாரதிக்கு அக்காவாக நடித்திருந்தார் ஸ்ருதி. கடந்த சில மாதங்களுக்கு முன் இந்த சீரியலில் இருந்து விலகிய அவர் நடிப்புக்கும் முழுக்கு போட்டார். சீரியலுக்கு டாடா காட்டினாலும் சோசியல் மீடியாவில் படு ஆக்டிவாக இயங்கி வந்த இவர், அதில் தனது விதவிதமான போட்டோஷூட் புகைப்படங்களை பதிவிட்டு வந்தார்.
நடிகை ஸ்ருதிக்கும், அரவிந்த் சேகர் என்பவருக்கும் இந்த ஆண்டு தொடக்கத்தில் திருமணம் நிச்சயமானது. அந்த தம்பதிக்கு நேற்று திருமணம் நடந்துள்ளது. கோலாகலமாக நடந்து முடிந்த இவர்களது திருமணத்தில் ஏராளமான சின்னத்திரை நடிகர், நடிகைகள் கலந்துகொண்டு மணமக்களை வாழ்த்தினர்.
அவர்களின் திருமண புகைப்படங்கள் சமூக வலைதளங்களில் வெளியாகி வைரலாகின. இதைப்பார்த்த ரசிகர்கள் அவர்களுக்கு வாழ்த்துக்களை தெரிவித்து வருகின்றனர். நடிகை ஸ்ருதியின் கணவர் அரவிந்த் சேகர் பாடி பில்டராக உள்ளார். சமீபத்தில் ஆணழகன் போட்டியில் கலந்துகொண்டு பதக்கத்தையும் வென்றுள்ளார் என்பது குறிப்பிடத்தக்கது.
இதையும் படியுங்கள்... கடைசி வரைக்கும் நாயோடவே கிடந்து சாகப்போறியா?... லந்து கொடுத்த நெட்டிசனுக்கு சவுக்கடி பதிலளித்த சமந்தா
சேனலை கிளிக் செய்து பின்தொடரவும்
