விடாமுயற்சிக்கு ஆப்பு வைக்க காதலர் தினத்தன்று ரிலீஸ் ஆகும் 9 படங்கள் - முழு லிஸ்ட் இதோ

விடாமுயற்சி திரைப்படம் திரையரங்குகளை ஆக்கிரமித்துள்ள நிலையில், பிப்ரவரி 14ந் தேதி அப்படத்துக்கு போட்டியாக 9 தமிழ் படங்கள் ரிலீஸ் ஆக உள்ளன.

விடாமுயற்சிக்கு போட்டியாக வரும் 9 படங்கள்

பிப்ரவரி மாதம் முதல் வாரத்தில் தமிழ் சினிமாவில் ஒரே ஒரு படம் தான் வெளியானது. அது நடிகர் அஜித் குமார் நடித்த விடாமுயற்சி. இப்படம் தான் இந்த ஆண்டின் முதல் பிரம்மாண்ட படமாகும். இப்படம் தமிழ்நாட்டில் சுமார் 1000 திரைகளுக்கு மேல் ரிலீஸ் ஆகி உள்ளது. வசூலிலும் 100 கோடியை நெருங்கி வரும் இப்படம் இந்த ஆண்டில் முதல் 100 கோடி வசூல் படமாக மாற உள்ளது. இப்படத்தை ஒரே வாரத்தில் தியேட்டரை விட்டு தூக்க வைக்க, வருகிற பிப்ரவரி 14ந் தேதி 9 தமிழ் படங்கள் ரிலீஸ் ஆக உள்ளன. அது என்னென்ன படங்கள் என்பதை பார்க்கலாம்.

பிப்ரவரி 14ந் தேதி ரிலீசாகும் படங்கள்

சுசீந்திரன் இயக்கத்தில் உருவாகி உள்ள 2கே லவ் ஸ்டோரி திரைப்படம் வருகிற பிப்ரவரி 14ந் தேதி திரைக்கு வர உள்ளது. இப்படத்திற்கு டி இமான் இசையமைத்துள்ளார். இதனுடன் நடிகர் ஜெய், சத்யராஜ், யோகிபாபு ஆகியோர் நடித்துள்ள பேபி & பேபி திரைப்படம் ரிலீஸ் ஆக உள்ளது. இப்படத்தை பிரதாப் இயக்கி உள்ளார். மேலும் நடிகர் விமல் நடிப்பில் கடந்த 6 ஆண்டுகளாக கிடப்பில் போடப்பட்டு இருந்த படவா திரைப்படமும் காதலர் தினத்தன்று திரைக்கு வர உள்ளது. இப்படத்தில் நகைச்சுவை நடிகர் சூரியும் முக்கிய கதாபாத்திரத்தில் நடித்துள்ளார். இப்படத்தை நந்தா இயக்கி உள்ளார்.

காதலர் தினத்தன்று ரிலீஸ் ஆகும் படங்கள்

ஸ்ரீகாந்த் மற்றும் சிந்தியா நடித்துள்ள தினசரி திரைப்படமும் வருகிற பிப்ரவரி 14ந் தேதி ரிலீஸ் ஆக உள்ளது. இப்படத்திற்கு இசைஞானி இளையராஜா இசையமைத்துள்ளார். இப்படத்தை ஜி சங்கர் இயக்கி உள்ளார். இதனுடன் ஜே.எஸ்.கே சதீஷ் இயக்கியுள்ள ஃபயர் திரைப்படமும் ரிலீஸ் ஆக உள்ளது. இப்படத்தில் பிக் பாஸ் பாலாஜி முருகதாஸ் ஹீரோவாக நடித்துள்ளார். அவருக்கு ஜோடியாக ரச்சிதா நடித்துள்ள இப்படமும் இந்த வாரம் திரைக்கு வருகிறது. மேலும் புதுமுகங்கள் நடித்துள்ள ‘கண்ணீரா’ திரைப்படம் காதலர் தினத்தன்று ரிலீஸ் ஆக உள்ளது. இப்படத்தை கதிரவன் இயக்கி இருக்கிறார்.

இந்த வாரம் திரைக்கு வரும் தமிழ் படங்கள்

காதலர் தினத்தன்று ஜெய் பீம் பட நடிகை லிஜோமோல் ஜோஸ் நடித்துள்ள காதல் என்பது பொதுவுடைமை திரைப்படமும் ரிலீஸ் ஆக உள்ளது. இப்படத்தை ஜெயப்பிரகாஷ் ராதாகிருஷ்ணன் இயக்கி உள்ளார். இதனுடன் காமெடி மன்னன் கவுண்டமனி நாயகனாக நடித்துள்ள ஒத்த ஓட்டு முத்தையா திரைப்படமும் பிப்ரவரி 14 அன்று திரைக்கு வருகிறது. இப்படத்தை சாய் ராஜகோபால் இயக்கி உள்ளார். மேலும் வெட்டு என்கிற சிறு பட்ஜெட் படமும் ரிலீஸ் ஆக உள்ளது. இப்படத்தை ராஜசேகர் இயக்கி உள்ளார். இப்படத்துக்கு தமன் இசையமைத்துள்ளார். இப்படமும் பிப்ரவரி 14 அன்று திரைகாண உள்ளது.

இதையும் படியுங்கள்... விஜய்யின் ஜன நாயகன் படத்தில் இணைந்த 4வது ஹீரோயின்; வாரிசு நடிகைக்கு அடித்த ஜாக்பாட்!