Yaanai movie : கோடை விடுமுறையில் முதல் ஆளாக கோதாவில் இறங்கிய அருண் விஜய் - யானை படத்தின் ரிலீஸ் தேதி அறிவிப்பு

தமிழ் சினிமாவின் முன்னணி இயக்குனரான ஹரி (Hari) இயக்கத்தில் கடைசியாக விக்ரம் நடித்த சாமி 2 திரைப்படம் 2018ம் ஆண்டு வெளியானது. அதன் பின்னர் சூர்யா - ஹரி கூட்டணி 6வது முறையாக ஒன்றிணையவிருந்த 'அருவா' படம் குறித்த அறிவிப்புகள் வெளியாகின. படப்பிடிப்பு தொடங்க இருந்த சமயத்தில் சில பிரச்சனைகள் ஏற்பட்டதால், அப்படைத்தை கைவிட்டனர்.

தற்போது சினிமாவில் நிலையான இடத்தை பிடித்து விட்ட, தனது மனைவி ப்ரீத்தாவின் அண்ணனான அருண் விஜய்யை (Arun Vijay) ஹீரோவாக வைத்து ஆக்‌ஷன் கதை ஒன்றை இயக்கி உள்ளார் இயக்குனர் ஹரி. கிராமத்து கதையம்சம் கலந்து, ஆக்‌ஷன் படமாக இப்படம் உருவாகி உள்ளது. இப்படத்தில் அருண் விஜய்க்கு ஜோடியாக பிரியா பவானி சங்கர் நடித்துள்ளார். இப்படத்திற்கு ஜிவி பிரகாஷ் இசையமைக்கிறார்.

யானை படத்தின் படப்பிடிப்பு முடிந்து பின்னணி பணிகள் விறுவிறுப்பாக நடைபெற்று வருகின்றன. சமீபத்தில் வெளியான இப்படத்தின் டீசர் மற்றும் பாடலுக்கு அமோக வரவேற்பு கிடைத்தது. ரிலீசுக்கு முன்வே யானை படத்தின் வியாபாரமும் சூடுபிடித்தது. 

அதன்படி தியேட்டர் ரிலீசுக்கு பிந்தைய இப்படத்தின் தொலைக்காட்சி ஒளிபரப்பு உரிமம் மற்றும் ஓடிடி ரிலீஸ் உரிமையை ஜீ நெட்வொர்க் நிறுவனம் கைப்பற்றியுள்ளது. தமிழ் திரையுலகில் 25 ஆண்டுகளுக்கு மேல் நடித்து வரும் அருண் விஜய்யின் படம் ஒன்று ரிலீஸுக்கு முன்னரே வியாபாரம் ஆவது இதுதான் முதல் முறை என்பது குறிப்பிடத்தக்கது.

இந்நிலையில், யானை (Yaanai) படத்தின் அதிகாரப்பூர்வ ரிலீஸ் தேதி அறிவிக்கப்பட்டு உள்ளது. அதன்படி அருண்விஜய்யின் யானை திரைப்படம் வருகிற மே மாதம் 6-ந் தேதி கோடை விடுமுறையில் திரையரங்குகளில் வெளியாகும் என தெரிவித்துள்ளனர். அருண் விஜய்யும், இயக்குனர் ஹரியும் முதன்முறையாக இணைந்து பணியாற்றி உள்ளதால் இப்படத்துக்கு எதிர்பார்ப்பு எகிறி உள்ளது. 

இதையும் படியுங்கள்... இயக்குனர்கள் சங்க தேர்தல்.... பாக்யராஜ் அணியை வீழ்த்தி மீண்டும் தலைவரானார் ஆர்.கே.செல்வமணி