மன நெகிழ்வுடனும்.. கனத்த இதயத்துடனும்; இயக்குனர் பாலா பற்றி எமோஷ்னலாக உருகிய அருண் விஜய்!

நடிகர் அருண் விஜய் தன்னுடைய குடும்பத்தினருடன், 'வணங்கான்' படத்தை பார்த்து விட்டு எமோஷ்னலாக தன்னுடைய சமூக வலைத்தளத்தில் போட்டுள்ள பதிவு, வைரலாக பார்க்கப்பட்டு வருகிறது.  

vanangaan

பழம்பெரும் நடிகர் விஜயகுமாரின் மகன் என்கிற அடையாளத்துடன், வாரிசு நடிகராக தமிழ் சினிமாவில் கடந்த 1995 ஆம் ஆண்டு, 'முறை மாப்பிள்ளை' திரைப்படத்தின் மூலம் ஹீரோவாக அறிமுகமானவர் அருண் விஜய்.  இதை தொடர்ந்து இவர் நடித்த பிரியம், காத்திருந்த காதல், கங்கா கௌரி, துள்ளித் திரிந்த காலம், கண்ணால் பேசவா, அன்புடன், போன்ற படங்கள் அடுத்தடுத்து தோல்வியை தழுவியது.

Ennai Arindhal

ஆனால் இயக்குனர் சேரன் இயக்கத்தில், நடித்த 'பாண்டவர் பூமி' திரைப்படம் அருண் விஜய்க்கு தமிழ் திரையுலகில் மிகப்பெரிய திருப்பு முனையை ஏற்படுத்திய போதும், இவரால் தமிழ் சினிமாவில் நிலையான ஹீரோ என்கிற இடத்தை எட்ட முடியாமல் போனது. 

தன்னுடைய திறமையை நிரூபிக்க போராடி வந்த நிலையில் தான், அஜித்தின் சிவாரிசு காரணமாக கெளதம் மேனன் இயக்கத்தில், 2015 ஆம் ஆண்டு வெளியான 'என்னை அறிந்தால்' படத்தில் அஜித்துக்கு வில்லனாக விக்டர் என்கிற கதாபாத்திரத்தில் நடிக்கும் வாய்ப்பை பெற்றார். செம்ம ஸ்டைலிஷ் வில்லனாக நடித்த அருண் விஜய், இந்த படத்தில் தன்னால் இப்படியும் நடிக்க முடியும் என நிரூபிக்கும் விதத்தில் இந்த கதாபாத்திரம் அமைந்தது.

Arun Vijay Movies

இதை தொடர்ந்து, ஒரே மாதிரியான கதை காலத்தில் இருந்து விலகி... தனித்துவமான கதையம்சம் கொண்ட படங்களை தேர்வு செய்ய துவங்கினார். அந்த வகையில் இவர் நடிப்பில் உருவாகியுள்ள, குற்றம் 23, செக்கச் சிவந்த வானம், தடம், மாஃபியா,  யானை, சினம், போன்ற படங்கள் நல்ல வரவேற்பை பெற்றன. தற்போது இயக்குனர் பாலா இயக்கத்தில் 'வணங்கான்' என்கிற திரைப்படத்தில் நடித்து முடித்துள்ளார். சுரேஷ் காமாட்சி தயாரித்துள்ள இந்த படத்தில், ரோஷினி பிரகாஷ் அருண் விஜய்க்கு ஜோடியாக நடித்துள்ளார்.

Vanangaan Movie Cast

மேலும் சமுத்திரகனி, ஜான் விஜய், மிஸ்கின், ராதா ரவி, சண்முகராஜன், சிங்கம்புலி, பிருந்தா சாரதி, ரவி மரியா, அருள் தாஸ், உள்ளிட்ட மிகப்பெரிய நட்சத்திர பட்டாளமே இப்படத்தில் நடித்துள்ளது. விரைவில் ரிலீசாக உள்ள இந்த திரைப்படத்தை தற்போது தன்னுடைய குடும்பத்துடன் பார்த்த அருண் விஜய் மிகவும் உருக்கமாக இயக்குனர் பற்றி சமூக வலைத்தளத்தில் பதிவு ஒன்றை போட்டுள்ளார்.

Vanangaan movie

இப்படம் குறித்து ஆவர் கூறி உள்ளதாவது, "மன நெகிழ்வுடனும் கனத்த இதயத்துடனும்! என் இயக்குனர் திரு. பாலா சார் அவர்களுக்கு, நான் திரையுலகில் கால் பதித்த காலத்தில் இருந்து, உங்கள் படைப்பின் ரகிகனாக உங்களை பார்த்து வியந்துள்ளேன். ஒரு நடிகனாக, 'உங்கள் இயக்கத்தில் பணியாற்ற எனக்கும்  வாய்ப்பு கிடைக்காதா" என ஏங்கியவனுக்கு,  தங்களின் இயக்கத்தில் பணியாற்ற 'வணங்கான்' படத்தின் மூலம் வாய்ப்பளித்தமைக்கு மனமார்ந்த நன்றிகள்.

Arun Vijay about bala

ஆனால் அதனை இப்பொழுது வெள்ளித்திரையில் காண்கையில், என் உணர்ச்சிகளை வெளிப்படுத்த வார்த்தைகள் இல்லை. என் பெற்றோரை பெருமையில் நெகிழ்வடைய செய்தமைக்கு உங்களை வணங்குகிறேன். எனது திரையுலக பயணத்தில், வணங்கான் ஒரு மிக முக்கியமான பாகமாக அமையும் என்பதில் எனக்கு துளி அளவும் சந்தேகமில்லை!

Arun Vijay Statement

இப்படைப்பின் மீது முழுமையான நம்பிக்கை வைத்து, பக்க பலமாக இருந்து கொண்டிருக்கும் திரு. சுரேஷ் காமாட்சி அவர்களுக்கும் என் நெஞ்சார்ந்த நன்றிகள். மக்கள் அனைவரும் இப்படத்தை விரைவில் திரையில் காணும் நாளை மிகவும் ஆவலுடன் எதிர்நோக்கி காத்துக் கொண்டிருக்கும்.. உங்கள் அருண் விஜய் என முடித்துள்ளார்.