அட்ராசக்க... தீவிரம் காட்டும் பாலா! அருண் விஜய் நடிக்கும் ‘வணங்கான்’ படத்தின் லேட்டஸ்ட் அப்டேட் வெளியானது!

இயக்குனர் பாலா இயக்கத்தில் அருண் விஜய் நடித்து வரும், 'வணங்கான்' படம் குறித்த லேட்டஸ்ட் அப்டேட் வெளியாகியுள்ளது. 

இயக்குனர் பாலா  முதலில், நடிகர் சூர்யாவை வைத்து எடுக்க திட்டமிட்டிருந்த திரைப்படம் தான் 'வணங்கான்'. இப்படத்தை நடிகர் சூர்யாவே, தன்னுடைய 2டி என்டர்டெயின்மென்ட் நிறுவனம் சார்பில் தயாரிக்க இருந்தார். ஆனால் பாலா இஷ்டத்துக்கு காசை செலவு செய்து வருவதாகவும், இன்னும் ஒரு சில பிரச்சனைகள் தலை தூக்கியதாலும், இப்படத்தில் இருந்து நாசுக்காக வெளியேறினார் சூர்யா. மேலும் இயக்குனர் பாலா மற்றும் சூர்யா தரப்பில் இருந்து இதுகுறித்து அதிகாரபூர்வமாக அறிவித்தனர்.

அந்த அறிக்கையில் இயக்குனர் பாலா, மீண்டும் இதே கதையில் புதிய ஹீரோ ஒருவரை வைத்து எடுக்க உள்ளதாக தெரிவித்த நிலையில், மீண்டும் இப்படம் தூசு கட்டப்பட்டு, படப்பிடிப்பு பணிகள் மிகவும் விறுவிறுப்பாக நடந்து வருகிறது. இந்த படத்தில் சூர்யா ஏற்று நடித்த கதாபாத்திரத்தில் தற்போது அருண் விஜய் நடித்து வருகிறார். சமீபத்தில் அருண் விஜயின் வணங்கான் கெட்டப் குறித்த புகைப்படம் ஒன்று வெளியாகி படு வைரலாக பார்க்கப்பட்டது.

இந்நிலையில் இயக்குநர் பாலா இயக்கத்தில், அருண் விஜய் நடிப்பில் உருவாகி வரும் ‘வணங்கான்’ படத்தின் முதல்கட்டப் படப்பிடிப்பை முடித்து விட்டதாக படக்குழுவினர் மகிழ்ச்சியுடன் தெரிவித்துள்ளனர். இப்படத்தின் முதல்கட்டப் படப்பிடிப்பு கடந்த மாதம் கன்னியாகுமரியில் தொடங்கியது. மேலும் இந்த முதல் ஷெட்யூலில் படக்குழு முக்கிய காட்சிகளை படமாக்கியுள்ளது. அடுத்தக்கட்ட படப்பிடிப்பு திருவண்ணாமலையில் ஏப்ரல் 17ஆம் தேதி தொடங்குகிறது.

அருண் விஜய் கதாநாயகனாக நடிக்கும் இந்தப் படத்தில், ​​ரோஷினி பிரகாஷ் கதாநாயகியாக நடிக்கிறார். பிரபல நடிகர்கள் பலர் நடிக்கும் இந்தப் படத்தில் சமுத்திரக்கனி முக்கிய கதாபாத்திரத்தில் நடிக்கிறார். ஜி.வி.பிரகாஷ் இசையமைக்க, கவிப்பேரரசு வைரமுத்து பாடல்களை எழுதுகிறார். ஆர்.பி.குருதேவ் ஒளிப்பதிவு செய்ய, சில்வா இந்த படத்திற்கு ஆக்‌ஷன் காட்சிகளைக் கையாண்டுள்ளார்.