'கல்யாண வயசுதான் வந்துருச்சுடி'... மேடையில் பாடிய அனிருத்; 'காவ்யா'.. 'காவ்யா'.. என கத்திய ரசிகர்கள்!

அனிருத் ரவிச்சந்தர் மேடையில் 'கல்யாண வயசு' பாடலைப் பாடியபோது, அங்கிருந்த ரசிகர்கள் அவரது வருங்கால மனைவி காவ்யா மாறனின் பெயரை "காவ்யா.. காவ்யா.." எனக் கூச்சலிட்டு உற்சாகப்படுத்திய வீடியோ இணையத்தில் வைரலாகி வருகிறது.

Image Credit : x

மேடையில் அனிருத் பாடிய 'கல்யாண வயசு' பாடல்

இசை அமைப்பாளர் அனிருத் ரவிச்சந்தர் - சன்ரைசர்ஸ் ஹைதராபாத் ஐ.பி.எல் அணியின் தலைமைச் செயல் அதிகாரியும், சன் டிவி நெட்வொர்க்கின் நிர்வாக இயக்குநருமான காவ்யா கலாநிதி மாறன் ஆகியோரின் திருமணம் குறித்த எதிர்பார்ப்புகள் அதிகரித்துள்ள நிலையில், சென்னையில் நடைபெற்ற நிகழ்ச்சி ஒன்றில் அனிருத் பங்கேற்ற வீடியோ இணையத்தில் வைரலாகி வருகிறது.

https://x.com/Anirudh_FP/status/2116765179619004922?ref_src=twsrc%5Etfw%7Ctwcamp%5Etweetembed%7Ctwterm%5E2116765179619004922%7Ctwgr%5E747ed6185425408bd9fc05c95801df593b2d17a6%7Ctwcon%5Es1_&ref_url=https%3A%2F%2Findianexpress.com%2Farticle%2Fentertainment%2Ftamil%2Fanirudh-ravichander-playfully-sings-kalyana-vayasu-amid-kavya-maran-chants-10945837%2F

Image Credit : x

சென்னை ரன்ஸ் 2026 நிகழ்ச்சியில் உற்சாகம்

சென்னையில் நடைபெற்ற 'சென்னை ரன்ஸ் 2026' நிகழ்வில் ராக்ஸ்டார் அனிருத் சிறப்பு விருந்தினராகக் கலந்துகொண்டார். அப்போது மேடையில் அவர் தனது பேமஸ் 'கல்யாண வயசு' பாடலைப் பாடினார். அந்த நேரத்தில் அங்கிருந்த ரசிகர்கள் அனைவரும் உற்சாகமடைந்து,

அனிருத்தின் வருங்கால மனைவியான காவ்யா மாறனின் பெயரை காவ்யா.. காவ்யா.. காவ்யா.. என்று தொடர்ந்து உரக்கக் கூச்சலிட்டு உற்சாகப்படுத்தினர். இந்நெகிழ்ச்சியான தருணத்தை அனிருத் ரசிகர்களுடன் செல்ஃபி எடுத்து பகிர்ந்துகொண்டார். இந்த வீடியோக்களும் புகைப்படங்களும் தற்போது எக்ஸ் உள்ளிட்ட சமூக வலைதளங்களில் வேகமாகப் பரவி வருகின்றன.

Image Credit : x

கிரீஸில் திருமணம்.. சென்னையில் வரவேற்பு

அனிருத் – காவ்யா மாறன் ஜோடிக்கு நவம்பர் மாதம் திருமணம் நடைபெற உள்ளது. இவர்களது திருமணம் நெருங்கிய குடும்பத்தினர் மற்றும் நண்பர்கள் முன்னிலையில் ஐரோப்பிய நாடான கிரீஸில் நவ.10 மற்றும் 11 ஆகிய தேதிகளில் மிக விமரிசையாக நடைபெற உள்ளதாக கூறப்படுகிறது. தொடர்ந்து, நவ.21-ம் தேதி சென்னையில் மாபெரும் திருமண வரவேற்பு நிகழ்ச்சி (Reception) நடைபெற உள்ளது. கடந்த அக்டோபர் மாதம் காவ்யாவின் பெற்றோரான கலாநிதி மாறன் மற்றும் காவேரி கலாநிதி மாறன் ஆகியோர் தெலங்கானா முதல்வர் ஏ.ரேவந்த் ரெட்டியை நேரில் சந்தித்து திருமண வரவேற்பு அழைப்பிதழை வழங்கியபோது, இந்த வரவேற்பு நிகழ்ச்சி தேதி அதிகாரப்பூர்வமாக உறுதி செய்யப்பட்டது.

Image Credit : X/Telangana CMO

கவனம் ஈர்க்கும் திருமண அழைப்பிதழ்

திருமணத்திற்கான ஏற்பாடுகள் விறுவிறுப்பாக நடைபெற்று வரும் நிலையில், யானைத் தந்த நிறம் மற்றும் பவுடர் ப்ளூ (Ivory and powder-blue) வண்ணத்தில் வடிவமைக்கப்பட்டுள்ள பிரத்யேக திருமண அழைப்பிதழ் பெட்டி அனைவரது கவனத்தையும் ஈர்த்துள்ளது. அழைப்பிதழ் வடிவமைப்பாளர் ரஞ்சினி அய்யங்கார் இதுகுறித்து பேசுகையில், அழைப்பிதழ் வடிவமைப்பில் அனிருத்தும் காவ்யாவும் நேரடியாகத் தங்களை ஈடுபடுத்திக்கொண்டு, மிகவும் நுணுக்கமாகப் பார்த்துப் பார்த்து உருவாக்கினர் என்று தெரிவித்துள்ளார்.

Image Credit : X/Tamilnadu CMO

அரசியல், சினிமா, கிரிக்கெட் பிரபலங்கள் பங்கேற்பு

சென்னையில் நடைபெற உள்ள திருமண வரவேற்பு நிகழ்ச்சியில் அரசியல், திரைத்துறை, கிரிக்கெட் மற்றும் தொழில்துறை சார்ந்த மிக முக்கியப் பிரமுகர்கள் பலரும் கலந்துகொள்ள உள்ளனர். பிரதமர் நரேந்திர மோடி, தமிழ்நாடு முதல்வர் சி. ஜோசப் விஜய் மற்றும் முன்னணி சினிமா நட்சத்திரங்கள் பலருக்கும் இந்த நிகழ்விற்கான அழைப்பிதழ்கள் அனுப்பி வைக்கப்பட்டுள்ளதாகத் தகவல்கள் தெரிவிக்கின்றன.