- Home
- Cinema
- விடாமுயற்சிக்கு விடிவுகாலம் வந்தாச்சு! ஒருவழியா ஷூட்டிங்கிற்கு நாள் குறித்த படக்குழு - எப்போ ஆரம்பம் தெரியுமா?
விடாமுயற்சிக்கு விடிவுகாலம் வந்தாச்சு! ஒருவழியா ஷூட்டிங்கிற்கு நாள் குறித்த படக்குழு - எப்போ ஆரம்பம் தெரியுமா?
மகிழ் திருமேனி இயக்கத்தில் அஜித் நடித்துள்ள விடாமுயற்சி திரைப்படத்தின் ஷூட்டிங் குறித்த அப்டேட் வெளியாகி உள்ளதால் ரசிகர்கள் நிம்மதி அடைந்துள்ளனர்.
அஜித் நடிப்பில் உருவாக உள்ள திரைப்படம் விடாமுயற்சி. தடம், தடையற தாக்க, மீகாமன் போன்ற வெற்றிப்படங்களை இயக்கிய மகிழ் திருமேனி தான் இப்படத்தை இயக்க உள்ளார். விடாமுயற்சி படத்தை லைகா நிறுவனம் தயாரிக்கிறது. இப்படத்திற்கு அனிருத் இசையமைக்கிறார். நீரவ் ஷா ஒளிப்பதிவு செய்கிறார். இப்படம் குறித்த அறிவிப்பு கடந்த மே மாதமே ரிலீஸ் ஆன போதும் இன்னும் படத்தின் ஷூட்டிங் தொடங்கப்படாமல் உள்ளது.
தொடர்ந்து ஷூட்டிங் தள்ளிப்போட்டு வந்த படக்குழு தற்போது ஒரு வழியாக படப்பிடிப்பை தொடங்க திட்டமிட்டுள்ளனர். அதன்படி வருகிற ஆகஸ்ட் மாதம் 3-ந் தேதி விடாமுயற்சி படத்தின் படப்பிடிப்பை தொடங்க உள்ளதாக கூறப்படுகிறது. ஆக்ஸ்ட் மாதம் தொடங்கி மூன்றே மாதங்களில் இப்படத்தின் முழு படப்பிடிப்பையும் முடிக்க திட்டமிட்டுள்ளாராம் இயக்குனர் மகிழ் திருமேனி.
இதையும் படியுங்கள்... கலக்கலான கார்ட்டூன் ஷர்ட் அணிந்தபடி மாவீரன் FDFS பார்க்க வந்த சிவகார்த்திகேயன் - வைரலாகும் வீடியோ
ஏனெனில் வருகிற நவம்பர் மாதம் நடிகர் அஜித் தன்னுடைய இரண்டாம் கட்ட உலக பைக் சுற்றுலாவை தொடங்க இருப்பதால் அதற்குள் இப்படத்தின் ஷூட்டிங்கை முடித்துவிட பிளான் செய்துள்ளனர். இதையடுத்து படத்தின் பின்னணி பணிகளை முடித்து படத்தை வருகிற 2024-ம் ஆண்டு கோடை விடுமுறைக்கு திரைக்கு கொண்டு வர பிளான் போட்டுள்ளனர். அனைத்தும் திட்டமிட்டபடி நடந்தால் கண்டிப்பாக இப்படம் அடுத்தாண்டு கோடை விடுமுறைக்கு திரைக்கு வந்துவிடும் என கூறப்படுகிறது.
முதலில் இப்படத்தை விஜய்யின் லியோ படத்துக்கு போட்டியாக வெளியிட திட்டமிட்டிருந்தனர். ஆனால் அதற்கு தற்போது சாத்தியமில்லாததால், விஜய் - வெங்கட் பிரபு கூட்டணியில் உருவாக உள்ள தளபதி 68 படத்துக்கு போட்டியாக விடாமுயற்சி படத்தை திரைக்கு கொண்டு வர வாய்ப்புள்ளதாக தெரிகிறது. விஜய்யின் தளபதி 68 படப்பிடிப்பும் அடுத்த மாதம் தான் தொடங்கப்பட உள்ளதால், இரண்டு படங்களும் ஒன்றாக ரிலீஸ் ஆக அதிக வாய்ப்புகள் இருப்பதாக தகவல்கள் தெரிவிக்கின்றன.
இதையும் படியுங்கள்... திருமணத்திற்கு பின் நடிகைகள் மீது காதல் வயப்பட்ட ரஜினி, கமல், கே.எஸ்.ரவிக்குமார் உள்ளிட்ட 6 பிரபலங்கள்!
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.