Ajith vs Vijay : அஜித் - விஜய் இடையே மீண்டும் மோதல் - வெற்றி வாகை சூடப்போவது யார்?

Ajith vs Vijay : அஜித் நடிப்பில் கடந்த பிப்ரவரி மாதம் ரிலீசான வலிமை திரைப்படம் வருகிற மே 1-ந் தேதி தொலைக்காட்சியில் ஒளிபரப்பப்பட உள்ளது. 

அஜித்தும், விஜய்யும் தமிழ் சினிமாவில் முன்னணி நடிகர்களாக வலம் வருகின்றனர். இவர்கள் இருவருக்கும் கோடிக்கணக்கான ரசிகர்கள் உள்ளனர். அஜித் - விஜய் இருவரும் நெருங்கிய நண்பர்களாக இருந்தாலும், அவர்களது ரசிகர்கள் எலியும், பூனையுமாக சண்டையிட்டுக் கொள்வதை வழக்கமாக வைத்துள்ளனர். இருதரப்பு ரசிகர்களின் டுவிட்டர் மோதல்களே அதற்கு சாட்சி.

இந்த மோதல்கள் படங்களிலும் தொடர்ந்து வருகின்றன. பெரும்பாலும் அஜித் - விஜய் படங்கள் ஒன்றாக வெளியிடப்படுவதில்லை. அது ஒரு அறிதான நிகழ்வாகவே உள்ளது. கடைசியாக விஜய் நடித்த ஜில்லா படமும், அஜித் நடித்த வீரம் படமும் கடந்த 2014-ம் ஆண்டு பொங்கலுக்கு வெளியாகின. இந்த போட்டியில் இரண்டு படங்களுமே வெற்றி வாகை சூடின. அதன்பின் இருவரது படங்களும் ஒரே நாளில் ரிலீசானது இல்லை.

அதேபோல் தொலைக்காட்சிகளிலும் அஜித் - விஜய் படங்கள் போட்டிபோட்டுக் கொண்டு ஒளிபரப்பப்படுகின்றன. இவ்வாறு ஒளிபரப்பப்படும் படங்களில் எந்த படம் அதிக அளவில் டிஆர்பி-யை பெறுகிறது என்பதை அறிவித்து இருதரப்பு ரசிகர்களும் மார்தட்டிக் கொள்ளும் சம்பவங்கள் பல ஆண்டுகளாக அரங்கேறி வருகின்றன.

அந்த வகையில் அஜித் நடிப்பில் கடந்த பிப்ரவரி மாதம் ரிலீசான வலிமை திரைப்படம் வருகிற மே 1-ந் தேதி தொலைக்காட்சியில் ஒளிபரப்பப்பட உள்ளது. அஜித்தின் பிறந்தநாளன்று அப்படம் ஒளிபரப்பாக உள்ளதால் ரசிகர்கள் உற்சாகமடைந்துள்ளனர். இந்நிலையில், அப்படத்துக்கு போட்டியாக விஜய் நடித்துள்ள மாஸ்டர் படத்தை ஒளிபரப்பப்பட உள்ளதாக தற்போது அறிவித்துள்ளனர். இதில் அதிக டிஆர்பி-யை பெற்று யார் வெற்றி வாகை சூடப்போகிறார் என்பதை பொறுத்திருந்து தான் பார்க்க வேண்டும்.

இதையும் படியுங்கள்... Kangana Ranaut Sexually Assaulted : சிறுவயதிலேயே பாலியல் வன்கொடுமைக்கு ஆளானேன் - பகீர் கிளப்பிய கங்கனா ரனாவத்