விக்கியை தொடர்ந்து.. 2 படங்களில் இருந்து அதிரடியாக நீக்கப்பட்ட நயன்? லேடிசூப்பர்ஸ்டாருக்கு இப்படி ஒரு நிலைமையா

இயக்குனர் விக்னேஷ் சிவனும் நடிகை நயன்தாராவும் 7 வருடங்களாக காதலித்து கடந்த ஆண்டு ஜூன் மாதம் திருமணம் செய்துகொண்டனர். திருமணத்துக்கு பின்னர் நயன்தாரா, சினிமாவில் தொடர்ந்து நடித்து வருகிறார். இந்த தம்பதிக்கு கடந்த அக்டோபர் மாதம் இரட்டை ஆண் குழந்தைகள் பிறந்தன. வாடகைத் தாய் முறையில் பிறந்த இந்த குழந்தைகளுக்கு உயிர், உலகம் என பெயரிட்டுள்ளனர். குழந்தைகளை பார்த்துக்கொள்வதற்காக கடந்த சில மாதங்களாக சினிமாவுக்கு ரெஸ்ட் விட்டிருந்த நயன் தற்போது மீண்டும் தனது பணிகளை தொடங்கி உள்ளார்.

அவர் தற்போது அட்லீ இயக்கத்தில் தயாராகி வரும் ஜவான் படத்தில் நடித்து வருகிறார். இதுதவிர ஜெயம் ரவிக்கு ஜோடியாக இவர் நடித்துள்ள இறைவன் என்கிற திரைப்படமும் ரிலீசுக்கு தயாராகி வருகிறது. இவ்வாறு பிசியான நாயகியாக வலம் வரும் நயன்தாரா, தற்போது அடுத்தடுத்து இரண்டு படங்களில் இருந்து நீக்கப்பட்டுள்ள தகவல் தான் தற்போது கோலிவுட்டில் ஹாட் டாப்பிக் ஆக பேசப்பட்டு வருகிறது. அதைப்பற்றி விரிவாக பார்க்கலாம்.

இதையும் படியுங்கள்... ரஜினிக்காக மீண்டும் பீஸ்ட் பார்முலாவை கையில் எடுத்த நெல்சன்... இணையத்தில் கசிந்த ஜெயிலர் படக்கதை..!

நடிகை நயன்தாரா, கடந்த 2021-ம் ஆண்டு முன்னணி தயாரிப்பாளர் ஒருவரின் தயாரிப்பு நிறுவனம் தயாரிக்கும் 2 படங்களில் கதையின் நாயகியாக நடிக்க கமிட் ஆனாராம். இதற்காக படத்துக்கு தலா ரூ.10 கோடி வீதம் மொத்தமாக ரூ.20 கோடி சம்பளமாக பேசப்பட்டு இருந்ததாம். ஆனால் இரண்டு ஆண்டுகளுக்கு மேல் ஆகியும் கால்ஷீட் கொடுக்காமல் நடிகை நயன்தாரா இழுத்தடித்து வந்ததால், கடுப்பான அந்த தயாரிப்பாளர், நயன்தாரா உடனான 2 படத்திற்கான ஒப்பந்தத்தை கேன்சல் செய்ததோடு, அவருக்கு கொடுக்கப்பட்ட அட்வான்ஸ் தொகையையும் திருப்பி வாங்கி உள்ளாராம்.

ஏற்கனவே நயன்தாராவின் கணவர் விக்னேஷ் சிவன் அஜித்தின் ஏகே 62 படத்தில் இருந்து நீக்கப்பட்ட நிலையில், தற்போது நடிகை நயன்தாரா அடுத்தடுத்து இரண்டு படங்களில் இருந்து நீக்கப்பட்டுள்ள தகவல் கோலிவுட்டில் பரபரப்பை ஏற்படுத்தி உள்ளது. இந்த ஆண்டு தொடங்கியதில் இருந்தே விக்னேஷ் சிவன் - நயன்தாரா ஜோடிக்கு இப்படி அடிமேல் அடி விழுந்து வருவதை பார்த்து அவர்களது ரசிகர்கள் அப்செட் ஆகி உள்ளனர். இதிலிருந்து மீண்டு அவர்கள் இருவரும் சினிமாவில் கம்பேக் கொடுப்பார்களா என்பதை பொறுத்திருந்து தான் பார்க்க வேண்டும்.

இதையும் படியுங்கள்... இந்தியன் 2-வில் திடீர் டுவிஸ்ட்... நடிகர் விவேக்கின் காட்சிகளுக்கு உயிர்கொடுக்கும் ஷங்கர்..!