ஒரு படம் ஹிட் ஆனதும்... தக்காளி விலையை போல் கிடுகிடுவென சம்பளத்தை உயர்த்திய சந்தானம் - அதுக்குன்னு இவ்வளவா?

தமிழ் திரையுலகில் முன்னணி காமெடி நடிகராக கலக்கி வந்தவர் சந்தானம். இதையடுத்து ஹீரோவான பின்னர் காமெடி வேடங்களில் நடிப்பதை நிறுத்திக் கொண்ட சந்தானம், தொடர்ந்து வித்தியாசமான படங்களை தேர்ந்தெடுத்து நடித்து வருகிறார். கடந்த சில ஆண்டுகளாக சந்தானம் ஹீரோவாக நடித்து வெளியான படங்கள் அனைத்தும் தொடர்ந்து தோல்வியை தழுவின. தொடர் தோல்விக்கு முற்றுப்புள்ளி வைக்கும் விதமாக அண்மையில் வெளியான டிடி ரிட்டன்ஸ் திரைப்படம் அமைந்தது.

டிடி ரிட்டன்ஸ் திரைப்படத்தை பிரேம் ஆனந்த் என்கிற புதுமுக இயக்குனர் இயக்கி இருந்தார். இது சந்தானம் நடிப்பில் ஏற்கனவே வெளியாகி வெற்றிபெற்ற தில்லுக்கு துட்டு படத்தின் மூன்றாம் பாகம் ஆகும். பேய்யை வைத்து காமெடி செய்வது தான் தில்லுக்கு துட்டு படத்தின் ஸ்பெஷல், அதே பார்முலாவை வைத்து தான் டிடி ரிட்டன்ஸ் படத்தையும் எடுத்து வெற்றி கண்டுள்ளனர். தியேட்டர்களில் சக்கைப்போடு போட்டு வரும் இப்படம் வசூலையும் வாரிக்குவித்து வருகிறது.

இதையும் படியுங்கள்... 4 தேசிய விருதுகளை வென்ற லகான் பட கலை இயக்குனர் தூக்கிட்டு தற்கொலை - பதறிப்போன பாலிவுட்

இப்படம் வெளியான 5 நாட்களில் ரூ.16 கோடிக்கு மேல் வசூலித்துள்ளது. டிடி ரிட்டன்ஸ் திரைப்படம் வெறும் 12 கோடி பட்ஜெட்டில் எடுக்கப்பட்டது. தற்போது அதனை தாண்டி வசூலித்து வருவதால் உற்சாகமடைந்த தயாரிப்பு தரப்பு நடிகர் சந்தானத்தை நேரில் சந்தித்து அவருக்கு மாலை அணிவித்து வெற்றியை கொண்டாடியது. டிடி ரிட்டன்ஸ் படத்தின் அதிரி புதிரியான வெற்றியைத் தொடர்ந்து நடிகர் சந்தானம் சம்பளத்தை கிடுகிடுவென உயர்த்தி உள்ளதாக தகவல் வெளியாகி உள்ளது.

அதன்படி டிடி ரிட்டன்ஸ் திரைப்படத்துக்கு ரூ.5 கோடி சம்பளமாக வாங்கிய சந்தானம், அப்படத்தின் வெற்றியை தொடர்ந்து அடுத்தடுத்து கமிட் ஆகும் படங்களுக்கு ரூ.8 கோடி சம்பளமாக வாங்கி வருகிறாராம். தக்காளி விலையை போல் நடிகர் சந்தானமும் தன் சம்பளத்தை ஜெட் வேகத்தில் உயர்த்தி உள்ளது தான் தற்போது கோலிவுட் வட்டாரத்தில் பரபரப்பாக பேசப்பட்டு வருகிறது. சந்தானம் நடிப்பில் தற்போது வடக்குப்பட்டி ராமசாமி என்கிற திரைப்படம் தயாராகி வருகிறது.

இதையும் படியுங்கள்... ரூ.100 கோடிலாம் வேண்டாம்... ஜெயிலர் படத்திற்காக கம்மி சம்பளம் வாங்கிய ரஜினிகாந்த் - இந்த மனசு யாருக்கு வரும்?