சொட்ட சொட்ட மழையில் நனைந்தபடி... ஆனந்தமாக உடல் பயிற்சி செய்யும் தமன்னா..!
நடிகை தமன்னா மும்பையில் பெய்த மழையில் ஆனந்தமாக நனைந்தபடி உடல் பயிற்சி செய்த புகைப்படங்களை வெளியிட்டு இளசுகள் நெஞ்சங்களை சூடாக்கியுள்ளார்.
தெலுங்கு திரையுலகில் கொடி கட்டி பறந்த தமன்னா கேடி திரைப்படம் மூலம் தமிழில் அறிமுகமானார். அதன் பின்னர் பாலாஜி சக்திவேல் இயக்கத்தில் தமன்னா நடித்த கல்லூரி திரைப்படம் அவருக்கும் பெரும் பெயரையும், புகழையும் பெற்றுத் தந்தது.
தெலுங்கு, இந்தி சினிமாவில் ஒரு ரவுண்ட் வந்த தமன்னா. தமிழில் அஜித், விஜய் உட்பட முன்னணி ஹீரோக்கள் அனைவருடனும் ஜோடி போட்டுவிட்டார்.
அதேபோல் பவன் கல்யாண், மகேஷ்பாபு, அல்லு அர்ஜுன், நாகசைதன்யா, ஜூனியர் என்.டி.ஆர் எனப் பல முன்னணி ஹீரோக்களுடன் நடித்துவிட்டார்.
பாகுபலி படத்தில் தமன்னா நடித்த அவந்திகா கேரக்டர் அவரது கேரியரையே மாற்றும் படமாக அமைந்தது.
ஹோம்லி, கிளாமர் என இரண்டையும் கலந்து கட்டி என்ன தான் நவரசத்தையும் வெளிப்படுத்தினாலும் தமன்னாவிற்கு தற்போது பட வாய்ப்புகள் அமையவில்லை.
கடந்த ஆண்டு மட்டும் தமன்னா நடிப்பில் உதயநிதியின் கண்ணே கலைமானே, பிரபுதேவாவின் தேவி 2, விஷாலின் ஆக்ஷன் மற்றும் பெட்ரோமாக்ஸ் என்கிற ஹாரர் படம் ஆகியவற்றில் நடித்திருந்தார். அதுமட்டுமின்றி இந்தி படம் ஒன்றிலும் நடித்து முடித்துள்ளார்.
கடந்த ஆண்டு நடித்த எந்த படமும் பெரிதாக கைகொடுக்காவிட்டாலும், வீடு தேடி வரும் தயாரிப்பாளர்களை ஓவராக சம்பளம் கேட்டு தலைதெறிக்க ஓட விடுகிறாராம் தமன்னா.
இந்நிலையில் தமிழில் இவரின் கை வசம் ஒரு படம் கூட இல்லை என்றாலும், தெலுங்கு மற்றும் இந்தியில் ஒரு சில படங்கள் உள்ளது. மேலும் தற்போது கொரோனா அச்சம் காரணமாக படப்பிடிப்புகள் அடைத்தும், முடங்கியுள்ளதால் தமன்னா தன்னுடைய பெற்றோருடன் வீட்டிலேயே உள்ளார்.
tammannah