கோவையில் ரகசியமாக நடந்து முடிந்த நடிகை சமந்தாவின் 2-வது திருமணம்
சமந்தா மற்றும் ராஜ் நிடிமோரு நீண்ட நாட்களாக காதலித்து வந்த நிலையில், அவர்களது திருமணம் கோயம்புத்தூரில் இன்று தனிப்பட்ட முறையில் நடைபெற்றது. அதைப்பற்றி விரிவாக பார்க்கலாம்.
Samantha second marriage
சமந்தாவும், ராஜ் நிடிமோருவும் சில காலமாக காதலித்து வருகின்றனர். நாக சைதன்யாவிடம் இருந்து விவாகரத்து பெற்ற பிறகு சமந்தா ராஜை காதலித்தார். ஆனால், தனது உறவு குறித்து எங்கும் பேசவில்லை. நாக சைதன்யா உடனான பிரிவுக்கு பின்னர் நடிகை சமந்தா மீண்டும் எப்போது திருமணம் செய்வார் என ரசிகர்கள் எதிர்பார்த்தனர். அந்த தருணம் வந்துவிட்டது. இன்று காலை நடிகை சமந்தாவின் இரண்டாவது திருமணம் நடந்து முடிந்திருக்கிறது.
கோவையில் சமந்தா திருமணம்
சமந்தாவின் திருமண விழா கோயம்புத்தூரில் உள்ள ஈஷா யோகா மையத்தில் நடைபெற்றது. பைரவி கோவிலில் சமந்தா, ராஜ் நிடிமோரு திருமணம் நடந்தது. இதில் குடும்பத்தினர், நெருங்கிய நண்பர்கள் மட்டுமே கலந்து கொண்டதாக தெரிகிறது. சமந்தா, ராஜ் விரைவில் தங்கள் திருமணத்தை ரசிகர்களுக்கு அறிவிப்பார்கள் என தெரிகிறது. ராஜ் நிடிமோரு இயக்கிய 'தி ஃபேமிலி மேன் 2' தொடரில் சமந்தா நடித்தார். அங்குதான் இருவரும் சந்தித்தனர்.
இரண்டாவது திருமணம்
சமந்தாவைப் போலவே ராஜுக்கும் இது இரண்டாவது திருமணம். சமந்தாவுக்கு 38, ராஜ் நிடிமோருவுக்கு 46 வயது. சமந்தா 2017ல் நாக சைதன்யாவை மணந்தார். மூன்று ஆண்டுகளுக்குப் பிறகு இருவரும் விவாகரத்து பெற்று பிரிந்தனர். சமந்தா உடனான பிரிவுக்கு பின்னர் நாக சைதன்யா, கடந்த ஆண்டு நடிகை சோபிதா துலிபாலாவை காதலித்து கரம்பிடித்தார். நாக சைதன்யா இரண்டாவது திருமணம் செய்துகொண்ட ஓராண்டுக்கு பின் சமந்தாவின் இரண்டாவது திருமணம் நடைபெற்று இருக்கிறது.
சமந்தா திரைப்பயணம்
கெளதம் வாசுதேவ் மேனன் இயக்கிய விண்ணைத்தாண்டு வருவாயா படம் மூலம் நடிகையாக அறிமுகமானார் சமந்தா. அப்படத்தின் தமிழ் வெர்ஷனில் சைடு ரோலிலும் தெலுங்கு வெர்ஷனில் ஹீரோயினாகவும் நடித்திருந்தார் சமந்தா. பின்னர் தமிழ் தெலுங்கு என இரு மொழிகளிலும் டாப் ஹீரோக்களுக்கு ஜோடியாக நடித்து முன்னணி நாயகியாக உருவெடுத்தார். பின்னர் பாலிவுட்டில் எண்ட்ரி கொடுத்த சமந்தா, மயோசிடிஸ் நோய் பாதிப்பால் கடந்த சில ஆண்டுகளாக சினிமா பக்கம் தலைகாட்டவே இல்லை என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
